|
فراشي الماكياج(Makeup Tools) خطوه بخطوه نحو الإحتراف
درسنا عن ( عدة الماكياج ) Makeup Tools..... يعني الفراشي وملحقاتها . وهو اساس الماكياج الناجح . يمكن الاغلبيه يحتارون ، أي الماركات افضل ؟ ... وش الفراشي المهمه ؟ .... كيف ننظف الفراشي ؟ كيف نختارها ؟ بإذن الله راح أجيب على كل هالاسئله . نبتدي بأفضل الماركات: شخصيا أفضل ميك اب فور ايفر بالذات فراشي النايلون . ايضاً فراشي بوبي براون أكثر من رائعه . فراشي شواميرا ممتازه بالرغم اني ماقتيت اي فرشه منهم . فراشي المصممين العالميين ، ممتازه بس عيبها محدوده يعني فراشي للاستخدام الشخصي مو البروفيشينال ، وأروعهم لانكوم . بالنسبه لفراشي ماك جيده بس شخصيا ماحبيتها لانها خشنه شوي . فراشي سماش بوكس ممتازه أيضا . ومجموعتهم صغيره . فراشي ماكياجي وسيفورا عاديه جدا بالنسبالي أقل مما يجب . هذي الماركات اللي جربتهم ، ممكن تكون فيه فراشي رائعه بس ماسبق وجربتها . البعض ممكن يقول الفراشي غاليه حرام هالسعر : الغالي سعره فيه بالذات الفراشي من المفترض انها تعيش معك فتره طويلة جدا ، فالافضل تشترين الافضل عشان تستحمل الكرف وكثرة التظيف . والغاليه عمرها أطول من الرخيصه . ولاتنسين نوعية الفراشي لها دور بالسعر، يعني نوع الشعر( شعر طبيعي ، نايلون ، شعر مهر ) يحدد سعرها وايضا كمية الشعر ، نوع المسكه ، إذا بلاستك بيكون رخيص ، الخشب أغلى . الستانليس ستيل أغلى وأغلى ، وايضا نوع تعتيق الخشب ، بالغالب يستخدمون أخشاب معتقه على أقل تقدير اربع سنوات ، لان التعتيق يعطيها مرونه وراحه بالاستخدام . لذلك كل فرشه لها مزايها اللي تستحق فيه سعرها . كيفية اختيار الفرشه : ركزي على طول المسكه ، إذا تفضلينها قصره أو طويله ، شوفي اللي يريحك بالرسم واختاري على اساسه . مرري شعر الفرشه على المنطقه المخصصه لها ، إذا حسيتي انها خشنه ، يعني غير جيده ، لازم تكون لطيفه ولا تخدش البشره . واهم شي اختبري تماسك الشعر . وحاولي تفركينها شويه وتسحبينها بخفة إذاتساقط شعرها ، يعني فرشه أي كلام . اشتري شعر متماسك ومايتساقط . فراشي لايمكن الاسغناء عنها : فرشه او ثنتين للظل . حسب الرسمه اللي تفضلينها . فرشة البلاشر . فرشة الأي لاينر . أما الباقي ممكن تستخدمين العده اللي تجي مع المنتجات ، او تستخدمين أصبعك . كيفية العنايه بالفراشي: بالنسبالي انا عجوله ومو فاضيه كل شوي أغسل الفرشه وانتظرها تجف . لذلك أخذ أسرع طريقة وأسهلها . وهي استخدام منظف الفراشي .الطريقه: هاتي منديل وبليه بالمحلول وامسحي الفرشه ، وارجعي وهاتي منديل ناشف وامسحي من جديد الفرشه . وهذا هو المحلول . اسمه ( بروش كلينسر ) من ميك اب فور ايفر . وعلى فكره يقعد معك كثير . فيه طريقه غير عمليه وممكن تلوث الفرشه بس إذا أتبعتي الارشادات بدقه ان شاء الله ما تتلوث . بللي الفرشه ، وبراحة يدك صبي شامبو ناعم او غسول ناعم وافركي الفرشه براحة يدك ، وارجعي اشطفي الفرشه وتأكدي انك تخلصتي من كل باقايا الشامبو . الحين هاتي منديل ناشف وامسحيها . اهم خطوه جيبي الاستشوار ونشفي الفرشه ، ضروري تنشفينها ، لانها إذا ضلت نديه بتتكون بكتيريا وعفونه ممكن ماتحسينها او تشوفينها لكن بتسببلك حساسيه أو فطريات أنت بغنى عنها . بقولكم أساسيات في اختيار الفراشي . تعتبر مفتاح لكم في أي ماركه ومنها تعرفون وظيفة الفرشه من شكلها . بغض النظر عن رقمها . فيه نوعين من شعر الفراشي . النايلون : ويستخدم للماكياج المائي او الكريمي او يستخدم بالبل . اي شي فيه كريم او جيل نستخدم معه فرشة نايلون . وتلقونه بكل الماركات تقريبا بس بماركة فور ايفر محددينلها خط خاص ومسمينها فرش N . ميزة هالشعر انه يمتص الضربات ، يعني مايترك خطوط بعد المد . لذلك إذا استخدمتيه مع الظلال البودره ماراح ينفع لانه مابياخذلك اللون . طبعا يختلف نوعها حسب المنطقه ، يعني فرشة الاساس تكون سميكه نسبيا عشان تقدرين تمدين الاساس ، وايضا عشان ماتذبل الفرشه من الكريم . الشعر الطبيعي : فيه نوعين الخشن والناعم ، الناعم لمد البلاشر والظل على سبيل المثال ، والخشن لو تبين تاخذين لون ياخذلك اللون أكثر من الناعم . طبعا نوعية القص لها تأثير كبير في تكنيك الفرشه . على سبيل المثال الفرشه اللي تجيك مسطحه مافيها تدرجات ، تستخدم لو تبين تمدين لون واحد ، ولو ماتبين تكونين دقيقه . الفرشه الللي قصها مائل وسميكه تاخذل لون اكثر وتستخدمين لو تبين تنحتين شي . الفرشه اللي يجي شعرها غزير وبمستوى واحد بالغالب للدمج في مساحات كبيره . وعلى فكره الفراشي لها اكثر من استخدام ، وحسب الرسمه اللي ببالك تقدرين تستخدمين الفرشه بالطريقه اللي تناسبك . بس هذي قواعد أساسيه تدلك على استخدام الفراشي . وبعرضلكم كل فرشة واستخدامها ، عشان ترسخ المعلومه أكثر (يـــتبع ) .. |
نبدأ بفرشة الأساس . مثل ماقلنا بالغالب تكون نايلون عشان تمتص الضربات وماتترك أكثر بعد المد ، وممكن تكون من شعر طبيعي بس بصفات شبيهه بالنايلون ، واهم شي انها ماتذبل مع الكريم او السائل . N8 من ميك اب فور ايفر ، تستخدم لمد الأساس والبلاشر الكريمي والستيك أيضا . Q3 من احمد قبيسي لمد الأساس السائل ، والكونسيلر ، والاساس الستيك والكريمي . بالنسبه للاساس السائل الافضل لو تستخدمين معه الاسفنجه المشطوبه . من ميك اب فور ايفر . فرشة الكونسيلر : بالامكان تستخدمين الاصبع في مد الكونسيلر ، وايضا تقدرين تستخدمين الفرشه ، النايلون . من فور ايفر N6 مخصصه للظلال والكونسيلر . من قبيسي Q3 للأساس والكونسيلر على حد سواء . فرشة البودره : الألفضل لنشر اللوس باودر تستخدمين ( الاسفنجه) البف . والفائض تيزلينه بالفرشه . Q1 و Q2 لمد اللوس باودر وأزالة الفائض . وأيضا للبلاش من فور ايفر S30 لإزالة اللوس باودر ووضعه أيضا . هذي حجمها كبير . هي الافضل وفيه الاصغر S32 الافضل الفرشه تكون كبيره ، وناعمه ، ولها اطراف ناعمه يعني متدرجه بشكل بسيط ، عشان تقدرين تميلينها على كيفيك وتمدينها بالزوايا وحول العيون والأنف . فرشة البودره اللميعه والبرونزيه : الافضل بالنسبالي من بوبي براون ( واسمها فيس بليندر ) أسفنجة الكومباكت باودر فاونديشن : بالغالب تجي معها . وهذا شكلها . فرشة ازالة الظلال الفائضه : الفرشه اسمها المروحه . وتستخدم لازالة البودره الشفافه تحت العين بالذات والظلال المتساقطه ، وهذا شكلها بكل الماركات . من قبيسي رقمها Q16 بفور ايفر ماذكر لها رقم بس اسمها fan brush فرشاة البلاشر الكريمي : هي نفسها فرشة الاساس ، بس راعي تكون كبيره شوي . من فور ايفر N8 (يتـــبع ) ... |
فرشة البلاشر المضغوط: ركزوا فيه أنواع . Q1 لمد البلاشر ونحت عظمة الخد . Q2 لمد البلاشر ودمجه . من فور ايفر : S24 لمد البلاشر ومو جيده كفايه . S25 لنحت الخد وإبراز العظمه . لاحظوا كيف انسيابيه وشعرها مائل . S20 لدمج البلاشر وتخفيفه . ولاحظوا مثل ماقلتلكم شعرها غزير وبنفس المستوى . فراشي الظلال : الافضل بالنسبالي اللي يكون حجمها كبير نسبيا على الاقل تغطي ربع محجر العين . ولازم يكون شعرها ناعم بالذات في الجفن المتحرك ، لأن المنطقه حساسه . من قبيسي Q4 بوجهين وجه مسطح لمد ظل متساوي وبلون واحد ، ووجه متدرج للدقه في التوزيع . ( الفرشه اسفل الصوره) Q5 متدرجه من الجهتين لدقه أكثر . تقدرين ترسمين فيها اللي تبينه (يـــتبع ) ... |
فرشة الظلال الفاتحه: في حال استخدمتي هالفرشه للظلال الغامقه ممكن تتناثر وتحوس عليك الماكياج ، لذلك هي مخصصه فقط للظلال الفاتحه واللماعه . من قبيسي Q6 للظلال الفاتحه واللامعه . من فور ايفر S10 لنشر الظلال الفاتحه وأيضا اللامعه ، ولأخذ اللون . ولنشر اللون تحت الحاجب . وأيضا S8 نفس الخصائص لكن بحجم أصغر . وتستخدم بهالمنطقه أيضا بالامكان أستخدام الاسفنجه ، بالغالب تجي مع ثلاث غيارات . ومناسبه جدا للظلال الحره ( اللوس ) وتستخدم أيضا للظلال الفاتحه ، وأيضا لوضع اللون مش دمجه . من قبيسي Q21 من فور ايفر مالها رقم تسمى اسفنجة الدمج وتستخدم لهاللوك لمد الظلال الفاتحه في الجفن المتحرك: من فور ايفر S5 (يتــــبع) ... |
فراشي الدمج:
من قبيسي Q7 تستخدم للدمج الظلال ، وأيضا لنحت دوائر الوجه و تكحيل منابت الرموش بطريقه حالمه . لانها مشطوبه نسبيا . من فور ايفر فرشة الدمج S16 ايضا ممكن تستخدمين فرشة البنانا للدمج ( سيرد ذكرها ) لازالة الفائض وتنظيف الظل : من فور ايفر S18 لتكحيل منابت الرموش ووضع الظلال الداكنه بمحاذاة الرموش وداخل العين : Q13 وهي فرشة مشطوبه . فرشه مقاربه لها من فور ايفر SB5 فراشي الظلال المائيه والكريميه : مثل ماذكرت بالغالب تكون نايلون . من قبيسي Q8 لللظلال المائيه ميزتها تمنع تكتل الظلال من فور ايفر عدة فراشي . N5 اصغر و N6 اكبر للعيون الكبيره حجمهم مختلف مناسبه للجفن العلوي . وتستخدم لمد الظلال الكريميمه والمائيه . وأيضا للبليندج ( الدمج) بعد السموكي . أيضا N4 حجمها صغير مناسب لتحت العين سواء لدمج الكحل الكريمي او وضع الظلال المائيه . بهالمنطقه فرشة السموكي : من قبيسي رائعه Q8 تقدرين ايض تستخدمين فرشة البنانا S14 للحصول على أفضل سموكي ، مدي ظل مائي او كريمي وامدجيها بفرشة N المناسبه وارجعي مدي الظل بفرشة السموكي . (يـــتـــبع ) ... |
لمد الظل على قوس العين ( البنانا )
من قبيسي Q12 من فور ايفر S 14 وللي ماتعرف البنانا هذي صوره توضيحيه . فراشي الاي لاينر : الأي لاينر الكريمي : الافضل لو تستخدمين الفراشي المشطوبه ، أو المسطحه ، لأنها أسهل في الرسم وخطها واحد ومناسبه للمبتدئات . من الفراشي اللي اعجبتني هي فرشة سماش بوكس رقمها 9 تعطيك لوك رائع من فور ايفر N9 وتستخدم ايضا مع الجليتر جل . (يتـــبع ) ... [/CENTER] |
فرشة الأي لاينر المضغوط ( الكيك) والعادي:[/COLOR][/SIZE][/FONT] شكلها اعتقد معروف وتختلف أحجامها حسب عرض الأي لاينر من قبيسي Q15 للأي لاينر العريض والمدمج . Q15 للاي لاينر الناعم وخاصه الاي لاينر المستقيم الحاد ، ولتكحيل منابت الرموش . وهذي S0 N1 وN2 مثل ماذكرت للاي لاينر المدمج . من فور ايفر اللي تشوفونه بالصوره ، للاي لاينر الرفيع جدا وميزته انه ستانليس ستيل وله غطى عشان تقدرين تحطينه بالشنطه . وعلى فكره الاي لاينر الرفيع استخدامه أصعب من العادي . يساعدك ترسمين بدقه في زوايا العين مثل هالمنطقه بالصوره . وايضا ترسمين أي لاينر رفيع جدا بهالشكل المميز ( على فكره طالع موضه هالستايل وبقوه ) للتكحيل بالظلال الكومباكت ( العاديه) : اسهل طريقه لتلافي الأخطاء ، والتكحيل بكل سهوله ، هو انك تستخدمين فرشه الظلال للتكحيل . مثل ماذكرت الفرشه المشطوبه . سابقا من فور ايفر SB 5 او من قبيسي Q11 أيضا فيه فرشه انسيابيه أكثر وسبق ذكرها Q13 ولها شبيه بفور ايفر ومن حسنات هالفرشه تقدرين تصلحين فيها بليندنج للسموكي ، وتبلينها أيضا بالماء ، يعني تغنيك عن المشطوبه . انا اشوفها من أحلى الفراشي ,واقتنائها يكاد يكون ضروري .فرشه لتوسيع نظرة العين : هذي الفرشه اعجبتني عند قبيسي رقمها Q15، ميزتها وسط بين الاي فرشة الاي لاينر وفرشة الظلال . تستخدم في زوايا العين لتوسيع النظره ، ولنشر الألوان الترابيه والمحمره .تعطيك مثل هاللوك . (يتـــبع )... [/CENTER] |
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
