|
قصة حصلت معك
موضوع شفته وعجبنى علشان ننشط
القسم قصه من حياتك . . . . . . . . عباره عن الكل هايتسأل عن .... ( غير شكل ) بما أن القسم هذآ للقصص , رآح نغير روتين المواضيع .... !!! ورآح نطالب صاحب الدور بــ ( قصة حصلت معاه ) يعني >>>> (( واقعية )) بس من دون ( بهارات ) >>> يعني بدون زيادة والمطلوب منك بس ( أنك تحكي لنا قصة حصلت معاك بحياتك ) سواء كانت غرامية ........... أو كانت قصة مرعبة ............. أو كانت قصة فكاهية ............ : : : باختصار ...... قصة حصلت معك سواء كنت صغيره أو كبيره . . بالمدرسة .......... أو بالشارع ........... أو بالدوام ............ أو بأي مكان ....................... : : : بس (( بشرط )) لاتنسووون ... تكون صدق يعني ... واقعية . . . رآح أبدأ معـــاكم واختار الضيف الأول .. يقولنا قصة حصلت معااه واذا ما وافق على الطلب راح يكون عقااابه : : : : اعدااااااااام هههههههههههه وقد اعذر من انذر http://upload.arabia4serv.com/images...nh4wazpwbk.gif |
رد: قصة حصلت معك
|
رد: قصة حصلت معك
القصه اللي حصلت معي وهي أثناء سفري من مطار الدمام إلى دولة مصر
وكنت وقتها سهران يوم كامل عشان أنام في الطيارة لأن رحله الطيران مايقارب ساعتين ونص ولكن مع الآسف حصل ماكنت أتوقعه وهو وصول الطائرة إلى القاهرة ونزلوا نص الركاب اللي بينزلون على مصر وأنا كنت نايم ولا أحد جلسني لأني ماأعرف أحد ولا أحد من الركاب يعرف هل أنا بنزل في مصر أو جزر القمر لأن كانت رحلة الطيران الدمام + مصر + جزر القمر وبعد مانزلوا الناس إلأى مصر باقي الركاب الآخريين أتجاههم إلى جزر القمر وتتجه الطائرة وأنا مازلت نائم وفي الجو صحيت من الجوع وأنا أقول معقوله ماوصلنا وأشغل الإنذار للمضيف عشان يجيب لي أكل وأول ماجاء سألته قلته له غريبه 4 ساعات وماوصلنا القاهره قال لي وش تقول أنت وسألني أنت على القاهره أو على جزر القمر وأنا ألتفت وأشوف الطيارة العدد اللي فيها قل عند العدد اللي كان موجودين وجاوبته أنا على جزر القمر وأنا رحلتي كانت على مصر قال ليه سألت ماوصلنا القاهره قلت له في واحد أبي أسلم عليه قبل ينزل قال لي نزلوا الركاب اللي على مصر ومتجهين لجزر القمر قلت له أبي أكل جوعان وجاب لي الأكل وأنا أضحك على نفسي على هالموقف ووصلنا جزر القمر وجلست فيها ثلاث أيام وبعدها رجعت على مصر وهذا موقف في السفرات ماأنساه ويسلمو بحرالرواسى ويعطيك ألف عافية |
رد: قصة حصلت معك
موضوع جميل ..
وقصة جميلة يا كحيلان وبإنتظار ضيف أخر |
رد: قصة حصلت معك
ههههههههههههههههههههههههههه اماكنت بتسلم على واحد قويه :kleej (138): واهم شي كانت رحلة جزر القمر حلوه شكراًلطرحك القصة الجميلة موضوع بطل بأنتظار الضيف القادم :kleej (298)::kleej (296): |
رد: قصة حصلت معك
شكرآ القلب ع القصه
وقصتنا اليوم مع هموسه:kleej (117): |
رد: قصة حصلت معك
يسلمو بحوره ع الاختيار :kleej (211): موقف حصل لي مضحك ونفس الوقت نرفزني كنت تعبانه ورايحه للمستوصف متعوده ع الدكتوره حقتي يوم رحت في دكتوره جديده صرت عندها اول ماقلت بطني يعورني عطول حاااامل <سلامااااات ماحد يعوره بطنه الا الحامل بعد هوش انا وايها اكتبت لي تحليل وحبوب يسكن الالم طلعت منها رحت للصيداليه كملتها حقت الصيداليه قرت اسمي والعائله وانا تعبااااانه ماقدر اوقف انتظر اخذ المسكن الا تقول لي عطني رقم امك < هنا عيوني تطلع قلت خلاص فيني مرض موزين تبي تقول لي ماما وارفض اقول ليش تقول ابيها موضوع ي بنت الناس لو تحلمي ماعطيك ليش وش فيني وش التحليل المطلوبه قلت لا ابيها موضوع خاص واعطيها نظر خلتها تكره يومها <من متى تعرفي ماما علشان تكلميها بي موضوع خاص اخر شي قالت ابي اخطب منكم زوجة خالي طالبه منى اخطب لها واعصب انا وش تحسين به تخطبين وانتي حتى ماشفتي شكلي ولا تعرفي اخلاقي بس من اسم العائله تخطبي قلت هي من نفس القبيله زوجة خالي قلت ماعليش حنا مع عندنا بنات لزواج وامشي وتلحقني ي بنت لا تقطي نصيبك ولارد عليها المضحك في الموضوع يوم ركبت السياره اناظر في اخوي وفي نفسي اقول اقول ولا ماقول اخر شي وانا اقول لها وهو يضحك علي رايحه تعالجي ولا رايحه عند خطابه ومسكها علي واول مادخلت البيت هو بس يمشي ويعلق علي عند اهلي كل ماشاف واحد منهم يقول اني رحت للخطابه بدل ماروح اتعالج ليومكم هذا حلفت ماعاد اروح للمستوصف هذا كل ماتعبت رحت للمستوصف اخر اخاف اطيح خطاابه ثانيه :kleej (28): هههههههههههههههههههههههههههاي |
رد: قصة حصلت معك
ههههههههههههههههههههههه أتخيل شكلك بوقتها والله ماعندها سنع كان عطتيها بوكس على خشتها :kleej (203): قصه بطله وموقف مضحك :kleej (169): يعطيك ربي العافية بأنتظار الضيف القادم :kleej (107): |
رد: قصة حصلت معك
هههههههههههههه
شكرآ هموسه ع القصه الحلوه كنوزه نبى نسمع قصتج:kleej (133): |
رد: قصة حصلت معك
مدري هو موقف ولا قصه ولا حدث لايمكن أنساه مثل كل مره وكل ليليه يجي فيها أخوي من الدوام يبتدي بحركاته الأستهباليه لي حتى وإن كنت معصبه يجي يسوي لي حركات يضحكني غصب بعدها الكل نام الا انا كالعاده انام بعد الصلاه وبعد ما اجلس امي للصلاه وخواتي للمدارس تقريباً على 5ونص الفجركان اخر يوم دراسه بعدها عطله لليوم الوطني المهم أدخل غرفتي أنام وعلى مايجيني نوم صارت الساعه 7 طبعاً الجوال لازم صامت عن الأزعاج في هذا الصباح كما تعودت يجلس اخوي 7 علشان ياخذ بنته لروضه وبعدها يستعد لدوام امي كان لها موعد بالمستشفى على الساعه 7 وطبعاً ابوي بيوديها وبهذا اليوم صار الحدث المشؤوم وهو رايح لدوامه الساعه 8(حادث أخوي ) كيف تلقيت الخبرانا توني انام يعني متعمقه بالنوم الجوال صامت اتصلت فيني اختي الكبيره وانا ولا حاسه بشي على اساس هي يلي عارفه قبل الكل عن طريق اتصال جاء لزوجها بس بالأساس يلي شاف اخوي متقلب اتصل على ابوي وخبره بوقتها هو بالمستشفى مع امي ابوي تركها بالمستشفى وتعذر بيروح البنك ويرجع لاكن امي حسة انا في شي صاير لان أول مره يتركها لحالها ويروح وصلت أختي مع زوجها لموقع الحادث وكانت حالة اخوي ماتطمن كان يتألم ولا يقدر يتحرك وسادحينه بالأرض طبعاً زوج اختي قبل يوصل لموقع الحادث كلم صديق له بالإسعافات وبسرعه تم نقله للمستشفى بعدها وصل ابوي لهناك وكلم احد الاقارب ياخذ امي من المستشفى يجيبها للبيت ويتعذر باي شي امي وصلت البيت وكالعاده مشغله القران وتسمع له وصل ابوي ودخل لصاله وجلس جنب امي وصار يبكي طبعاً لكم تتخيلون موقف امي :kleej (173): الحين انا كيف عرفت بالحادث ؟؟؟ كانت الساعه 10 كنت نايمه ماأسمع الا صوت حد يبكي الصاله قريبه من غرفتي فتحت عيوني وانا ماني مستوعبه في بكاء ولا انا أتحلم صرت ادقق بالصوت هذا صوت امي تبكي وقتها قمت من فراشي لصاله قسم بالله مدري شلون قمت وصلت لصاله وانا اشوف امي وابوي يبكون انا حسيت لاني قادره اقرب منهم ولاني قارده انطق واقول وشفيكم حسيت لساني مربوط وماني قادره امشي وكـأن رجولي موشايلتني شوي قربت وجلست جنبهم ابي اوصل لشي وامي تبكي تقوله ابدماني فاهمه شي شوي قويت حالي سالتها وشفيكم ماترد علي وانا اهزها يمه شفيكم برضو ماتتكلم وابوي ماني قادره اشوفه او احط عيني بعينه التفت عليه وقلت يبه وشفيكم عاد هنا علمني ابوي هنا بس انا بديت استوعب الموضوع وأدخل غرفتي وأبكي الحين جوالي صامت لما فتحته شفت المكاللمات يلي جاتني كلمت اختي وكانت لسى جنبه وصوتها ماكان يبشر بشي حاولت اخذ أي معلومه منها عنه ماحسيتها تتكلم صدق والناس صارت تجي لبيتنا ويلي شافو الحادث يتكلمون كيف صار ماكان من كلامهم في شي يطمن اختي وابوي كانو يحاولون مايقولون أي شي لاكن الناس ماتقصر نشرة اخبار رحنا للمستشفى وانصدمت لما شفته مهما اوصف ماراح اجيب الحاله يلي شفتها هو منسدح ويصرخ مايقدر يتحرك يمين ولا يسار هو يطالع فينا ويبكي هو يتألم لما جى الطبيب راح ابوي وطبعاً عشان ارتاح لحقت ابوي ماخل شي ماقاله هو نزيف بالراس هو القفص الصدري متكسر عنده سبعة هوفقرات الظهر صارت مو محلها هو كسر برقبته الجمجمه تكسر منها شي يحتاج عمليه براسه لو زاد النزيف ماباقي فيه شي عدل :kleej (18): اللي يشوفه يقول نجى من الموت بأعجوبه كل يلي يجي المستشفى يشوفه يبكي على حالته بنفس الليله قبل نطلع من المستشفى طلب الدكتور من ابوي توقيع لعمليه لراسه لو اضطرو لعملها وقال لا يتحرك ولا نبي نعطيه اي مسكن لحتى نتأكد هو يتألم من ايش بالضبط وهو يتحمل ( يعني ياغبي الحين كاتب لسته بلي فيه من كسور ونزيف بعد تخليه يتألم ليه ) قسم بالله قهرني زاد الم راسه واتضح النزيف زاد عليه وسو له عمليه لاكن لكم بتعليق الدكتور وش نتائح هالعمليه ( احتمال ماتنج ونخسره - احتمال تنجح لكن يتعطل شي من اجازء جسمه ) ولا عطنا أحتمال واحد يبشر بالخير بيومها محد نايف فينا وغير بس ندعي له بالشفاء والسلامه يومين كاملين مانمنا الى يوم سو العمليه لراسه ورحنا تطمنا عليه وكان كل شي اوك والأحتمالات يلي قالها الدكتور الحمدالله ماصارت باقي الكسور والفقرات لظهر مع الايام انجبرت لحالها والشكر لله طولت عليكم تراني اندمجت رجعت وراء للحادث ونزلت دمعتين هههههههههه:kleej (350)::kleej (237): لاكن بالأخير هذا قضاء وقدر والحمدالله على كل حال الأن صحته ممتازه وشراء له سياره جديده ورجع يداوم ولله الحمد والشكر السموحه على الأطاله :kleej (205): |
رد: قصة حصلت معك
أجر وعااافية أنشاء الله والحمد للـه على حلو القضاء ومره وأسأل الله جل علاه ألا يوريكِ مكروه في غاالي عليك وجميع من يقرأ ردي هذا ودمتي بحفظ الله دائماوأبدا وهو خير الحااافظين وألف ألف حمدلله على سلامة خيك http://public.blu.livefilestore.com/...anm.gif?psid=1 برق الليالي |
رد: قصة حصلت معك
بصراحة موقف صعب جداً
وألف الحمد لله على سلامته |
رد: قصة حصلت معك
حاسه فيك كنوزه :kleej (18):
الحمد لله ع سلامته |
رد: قصة حصلت معك
الله يسلمكم يارب من كل شر
بأنتظار الضيف القادم http://kleej.com/vb/images/smilies/kleej%20(107).gif |
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
