أبي عقب التعب راحه لقى فيني التعب راحه
 

.
مما قرئت وستوقفتني حروف القصيدة وبين كل شطر وثاني و اتمنى انها تنال على رضاكم





.
يعين الله يادنيا تسـوق ايّامهـا الأحــزان
يعين الله .. وانتي مثل قفـل ٍ ضـاع مفتاحه





يعين الله ... وجروحي لها في كلّ وقتٍ شـان
كذوب اللي يقول ان الزمن بيـداوي جراحه





سقى الله يوم انا يمـّه غرير ٍ يزعج الجيران
سقى الله يوم انا طفلٍ يصج البيت بصياحه





سقى الله يوم كان اقصى طموحي .. لعبة الدنان
نهاية يومي المغرب ... واخاف الليل واشباحه





سقى الله يوم انا البس بشت ابوي وثوبه القيطان
واقلد كلّ شيٍ فيه .. حكيه .. جدّه .. مزاحه




واشيل المسبحه مثله ليا هوجس وهو سرحان
بيشعر ...واحسب ان اللي عطاه الشعر مسباحه





سقى الله بيتـنا ذاك البسيط مشقق الجدران
شجـاع ٍ يهزم الغدراء … بقنديله ومصباحه




تكحِّلنا القناعه .. لا طمع .. لا هم .. لا حرمـان
واذا جاء الليل تكفينا ... ثلاث اخوان .. طرّاحه





جميع الذكريات اللي غدت في قفرة النسـيان
يحـاكي حلوها عبره ... بموق العين سبّاحه



خذتني غربـةٍ عنوانها ... غربه بلا عنوان
ابي عقب التعب راحه ... لقى فيني التعب راحه




رجعت اليوم مثل اللي رجع عقب القنص خسران
غدا طيره وجاء يسحب سلـوقيه وملواحـه




قصيده مابَعَد مرّت ببال مسـاعد وضيـدان
هواجـيس ابدويٍ هايـم ٍ في عشق فـلاحه





وروح ٍ تايبـه كانت تبي لذنوبـها غفـران
خطـاي انّي كتمت اسرارها بعيـون بواحه




تقولين المطر ماهـوب … يمّـه دايمٍ هتان
اجل معذور قلبٍ في همومه ضاعت افراحه





انا يمـّه غلطت ولاني اول واحـدٍ غلطان
ابونا آدم من الجنه خرج باسباب ... تفاحه




خذلك الوقت فيني .. ماخذلتك ياأعـز انسان
وش الدبره ؟ وحظي صار.. قفل ٍ ضاع مفتاحه


لشاعر الشعبي الكبير
محمد الدحيمي





اخوكم علاوي

علاوي بصرآحه كلمآت في قمة الروعه

أقراها وكأني في محله واتخيل كل كلمه تقولها احسآس رآئع ...

تسلم يمناك على النقل لاهنت وربي يعطيك ألف عآفيه

علاوي
صح لسان الشاعر محمد الدحيمي
وسلمت يمناك على هذا النقل
كلمات بقمة الروعة
ربي يعطيك الف عافية

هلا وغلا فيك اخوي خالد الهاجري منور الصفحات يالغالي كعادتك اخوي دائما سباق في ما اطرح

اشكر تواصلك الدائم ولك خالص الشكر وكل الاحترام

مراحب اختي عجيد هلا وغلا به الطلة يسلمولي يا لابس الوردي اشكر مرورك العطر
ولك مني كل الاحترام وتقدير على تواصلك

يا مرحبا ويا مسهلا بمديترنا منورة يا الغالية الصفحات اشكر مرورك العطر وتواصلك الدائم

والله لايحرمنا من طلتك

اهلين بالغالي القلب الحزين منووووور الصفحات بطلتك اشكر تواصلك يا الغالي عسى دوم هالطلة يارب