http://a6.sphotos.ak.fbcdn.net/hphot...06040821_n.jpg

الطريقه والمقادير جميع
صدر دجاج نقطعه بالنص عشان تصير عندنا شريحتين رقيقتين .
ممكن تدقونه بعدين عشان يرق أكثر بس عن نفسي ماسويت كذا .
عصرت عليه نص ليمونه وخليته يتتبل يوم كامل .
بعدين ناخذ الدجاج ونبهره بفلفل أسود وبابريكا وملح .
ونغمسه بطحين - الطحين بعد نذر عليه شوي فلفل أسود وبابريكا -
وبعدها نغسمه ببيض - البيض نفس الشي نذر عليه شوي فلفل أسود -
وبعدها نحطه على طول بالمقلى نكون حاطينه على نار متوسطه من أول وفيه زيت شوي
نخلي الدجاج 5 - 6 دقايق وبعدين نقلبه للجهة الثانيه .
لما يستوي ويتحمر شوي نشيله ونحطه بصحن ,
الحين بنفس المقلى نضيف كاس ماي مذوبين فيه نص مكعب ماجي ,
ونضيف عليه ربع اصبع زبدة وشوي بقدونس مفروم وشوي فلفل أسود وممكن ملح بس أنا استغنيت عنه عشان الماجي مالح .
ونحركه لما تذوب الزبده ويبدا يثقل شوي بس .
في هالمرحله نضيف الدجاج عليه ,وبعدها نقدمه .
وبالف عافيه