منتدى الخليج - - سامحك ربي على كل الجروح

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - - سامحك ربي على كل الجروح (https://kleej.com/vb/showthread.php?t=68102)

- سامحك ربي على كل الجروح

كبيرة شرهه ايامي وحلمي جايرٍ محسود ..
فقير الحظ مابعثر [وفاي] الا من طعوني ..

فداني كل من يجرح ولا باقي بقلبي كود ..
مساحة خاليه لاخر // تراتيلي مع شجوني ..

يفيض الدمع مايلقى لزفراتي مدى وحدود ..
تواسيــني وسـادة همّ ولحــافي هي جــفوني ..

كلافة حيلتك "ياليل" ومهودي جفا وسهود ..
ابشـكـي لك وانا أدري كـسـيـره بـحـة لـحوني ..

بجرّ الصوت واتفنن كذا كنّي أسير العود ..
عَـساها تطــربك ياليل نـغـمـة من فضـا كــوني ..

سؤالي قبل لا أبدا - أغرد واطرب الموجود ..
اذا كنت الوحيد اللي كساني لون ؛مو لوني ..

بعد ماكنت أتبختر بريقٍ من سنا ورعود ..
وطـــول الليل ماعـكـّر صــــفـاي وانـتــهـى دونــي ..

وجات الخنْجر بظهرٍ كأنّه بالوعد موعود ..
وصاح الصوت يً قلبي على هونك على هوني ..

(اليمة) طعنة الصاحب عزيزه ما عليها زود ..
رسمت الطيب في ناسٍ بنفخة ريق يمحٌوني ..

اذا قلّطتهم صدري وقلت الجود بالماجود ..
غريبه ! كـيف يـمناهم تجـرّت تـكسر صـحونــي ؟

خلاص الحين جاوبني اذا عندك يقين وفود ..
هذيل الناس وش يطلع معاهم غير يشقوني ..

انا مالي سوا مايملي الخاطر بفعل جدود ..
بـسـامـحـهـم وانـا ادري ~ ولاجــونـي وتـرجّــوني ..

كئيب الصمت مايلقى اجابة من ليالي سود ..
على كثر الرجاوي {عاجزة} لاتمطر مزوني ..

خلاص الحين بغني وابيكم في صداي شهود ..
ابي هالورد يشهد لي ويشهد دفتر فْـنوني ..

بجرّ الصوت واتباهى بيدّي شايله هالعٌود ..
أبي تصـفيـق ينْـسيــني عـنــاي وخـيـبة ظــنوني ..

أناظر في بقايا هالحضٌور وأبتسم ببْرود ..
وانا ودّي أصارخ أخلوا المسرح .. وخلوني!

للشاعرة / بحة الحرف