افيق تاره وارجع اغيب تاره = من سبة المنّه ومن كثر ما اذوق
لعاد لا نظره ولابه زياره = معاد يبرد حرتي كون طاروق
يابنت ياللي عايشه في الحضاره=(انا بدوي ثوبي على المتن مشقوق)
من طيب ابوي اخذت منه الجساره=على المراجل والنظر رافعه فوق
لو كان يلحقني وراها خساره=في ذمتي ماردني دونها عوق
صارعتنا الدنيا وذقت المراره=منها عرفت ان كل مطرود ملحوق
ترا القمر لوغاب يعرف مداره=لكّن انا بنصحك يابنت برفوق
اما اعلني يابنت باقوا عباره=قولي تراني ما اقدر اعيش ياشوق
ترا الهوا والعشق ليل ن نهاره=صدق ونقا والدرب من قبل مطروق
الحر قالو يكتفي بالاشاره=وانا اكتفيت بماحصل والهوا ذوق
ارجي من اللي مايرجّع قراره=عطفه ولطفه لا وقف كل مخلوق
هني منهو مايضّيع مساره=يسبق بفعل الخير ماهوب مسبوق

المشاركة الأصلية كتبت بواسطة بحرالرواسى (المشاركة 904224) الحر قالو يكتفي بالاشاره=وانا اكتفيت بماحصل والهوا ذوق ارجي من اللي مايرجّع قراره=عطفه ولطفه لا وقف كل مخلوق هني منهو مايضّيع مساره=يسبق بفعل الخير ماهوب مسبوق هناأتوقف الكثيربماطرحت اهنيك ع مشاعرك واحساسك مبدع بكلماتك واكيدناطرين جديدك ويعطيك الف عافية

المشاركة الأصلية كتبت بواسطة كنز الغلا (المشاركة 904284) صح السانك على طرحك لهذه الكلمات الجميلة والرائعه بأنتظار المزيد منك يسعدك ربي

المشاركة الأصلية كتبت بواسطة ماتستحي ياموت (المشاركة 904296) الله الله ياشافي صح لسانك ملايين مبدع ماشاء الله عليك

يابنت ياللي عايشه في الحضاره=(انا بدوي ثوبي على المتن مشقوق)
من طيب ابوي اخذت منه الجساره=على المراجل والنظر رافعه فوق

شافي راشد النتيفات
رائع في طرحك وقلمك
ترجم الأحاسيس إلى كلمات قمة في الروعة
فبرغم دوامه عشقك تمسكت بالاصاله والكبرياء
رائع أنت
مرحبا بك وبقلمك الجميل نورت المنتدي
ومنتظرين جديدك الرائع

طائر الليل الحزين