منتدى الخليج - شروط التسجيل في المنتدى أرجوا من الجميع الدخول

السلام عليكم http://www.hebsi.com/up1/get-4-2007-...m_0wc4p38z.gif

_____ شروط تسجيل في منتدى ( تموت من الضحك ) _____

~~~~~~~~~~~~~~~~~~~~
لقد تغيرت شروط التسجيل في المنتدى .... وتم تغيير مسمى المنتديات لتواكب مرحلة ما بعد الحرب الباردة :

أعرفوا الشروط زين وأفهموها و اللي مايبي هالشروط جعل أصابعه اللي طقت على الكيبورد الكسر ولو ماعليه كلافه يطق راسه بأقرب جدار حنا مانلعب واللي يبينا حياه الله بيننا فهمتوا http://www.hebsi.com/up1/get-4-2007-...m_1nizu5lx.gif

بما أن هذا الموقع موقعي بلحالي لابارك الله فيكم ولا في الساعة اللي فتحت لكم هالموقع فاللي يبي يسجل معنا يوافق على الشروط من ورى خشمه والشروط هي :-

1- اللي يسب أي واحد من الأعضاء نبي نجيه وبنربط حواجبه في صدامات الهايلكوس وبنروح ونطعس فيه بأقرب طعس ... همني قايلكم حنا ما نلعب .
2- لما تكتب موضوع خل البقيه يجون ويتميلحون ويتهاوشون بس بحدود وخلهم يذبون براحتهم واللي بيقلبها سب عز الله إن أمه داعيه عليه لأني أبحتريه وقت صلاة الفجر بالعجرا وأبشخمط وجه وبخليه يغني أغنية ... خروفي خروفي لابس بدله صوفي ... له عينين وأربع رجلين ... من كثر ما أمحطه بالعجرا همني قايلكم حنا ما نلعب .
3- اللي بيخربط بالدين ولا بالسياسه هذا عذابه عذاب بخليه يتخيل أنه قرد ولا عمره ذاق موز وبحجز له على أقرب رحله على طياره ترش الجراد وبطلعه على أرتفاع 50000 ألف قدم وبرميه على خوص نخله علشان ما يتعود لها همني قايلكم حنا ما نلعب .
4- أنتم أعضاء لكم تكتبون بس ولاأحد فيكم يسوي لي فيه مراقب مانبي مراقبين فهمتوا وإلا أفهمكم http://www.hebsi.com/up1/get-4-2007-...m_97yiei0f.gif
5- الساحه الرياضيه لكم واللي مايشجع لايوطوط فيذاك http://www.hebsi.com/up1/get-4-2007-...m_mdqcgxbq.gif ساحة أبو جدي وأنا حر فيها ولا عندنا ديمقراطيه ولا عمرنا سمعنا فيها وهي وشهي هي الديمقراطيه حاجه تنوكل ماقلنا تنشرب .
6- مسموح الذب والذب هي كلمه آتيه من الذباب وهي فعل مضارع جمع تكسير مضارع بسيط فهمتوا صح ولا ماهو صح قولوا صح لابارك الله بالساعه اللي جمعة هالخشش فيها واللي بيزعل من الذب بخربط وجهه وبخليه يطالع في المرايه ويطلع الأخطاء التسعه عشر أايه تسعطعش ساحتنا وحنا حرين فيها .
7- ياويلك ويا سواد ليلك لو تعطي أحد كلمة الضروس اللي عنده سؤال ليه سموها كلمة سر ليه ما سموها كلمة خشم ولا ضرس ولا مصران أحول قصدي أعور طبعاً قايلكم ساحتنا وحنا حرين فيها http://www.hebsi.com/up1/get-4-2007-...m_hjiw3rbd.gif
8- اللي بيسجل بأسماء قبايل وعوايل أو مخله بالأدب هذا بوديه لأقرب شيخ وبنكويه مع علباه وبعدين بناخذه لأقرب قليب وبغطسه وبطلعه وبغطسه وبطلعه ألين ماهي خلف ألين مايقول أشهد إن الددسن سياره وأشهد إن التفحيط ماهو بالشطاره ولا بالمصاله التفحيط فن يا هووووه وأشر لي بالمنديل يا هووووه قال أنا ماشي أقول لا تكثر بربستكم يا هووووه وش هالمسكه الغلط همني قايلكم ما نلعب http://www.hebsi.com/up1/get-4-2007-...m_arofppn1.gif
9- قريتوا الشروط هاه عجبتكم فهمتوها طيب ماعندنا تسجيل هالأيام واللي يبي يسجل معنا يرسل لي إيميل على التلفون حقي اللي ماني ذاكره لكم لأن الدعوه عناد واللي براسه حب ما أنطحن تراي أبطحنه له وإذا فيه خير يقابلني يتصل على .
10- كلنا عيال قريه وكلن يعرف خيه .
11- هماني قايلكم حنا ما نلعب http://www.hebsi.com/up1/get-4-2007-...m_pk8adq2m.gif

الآن أسماء المنتديات بعد التعديل :-
* منتدى شخبط وخمبق ترى محد لمك ... المنتدى العام سابقاً http://www.hebsi.com/up1/get-4-2007-...m_e9vjrak1.gif
* منتدى شاعر في المشمش ... منتدى الشعر والخواطر سابقاً http://www.hebsi.com/up1/get-4-2007-...m_b4p36usf.gif
* منتدى مواضيع مهناش أحد ..... منتدى الألعاب سابقاً .
* منتدى معاهم معاهم عليهم عليهم ... المنتدى الرياضي سابقاً
* منتدى كن صديقي ... منتدى الأسرة والمجتمع سابقاً .

بالنسبه للبريد إن شاء الله في السنه الجايه زي هالحزه ما حنا حاطينه كخخخخخخخخخخخ ... ماعندنا

بالنسبه للمحادثات ... تسان ودكم نسوي لنا طلعة بر على الطبيعه أزين http://www.hebsi.com/up1/get-4-2007-...m_8vb4323t.gif

ملاحظه :-
اللي بنكتشف أنه ولد مشورب ويكتب بأسماء بنات وإلا بنت وتكتب بأسماء أولاد هذولي بخلي خششهم كلمات متقاطعه يصعب حلها والله ما يضرب بعصا ياسرع طيحتهم http://www.hebsi.com/up1/get-4-2007-...m_1nizu5lx.gif

موافق

غير موافق