منتدى الخليج - أضحك وأداري عباد الله وأجاملها

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - أضحك وأداري عباد الله وأجاملها (https://kleej.com/vb/showthread.php?t=30226)

أضحك وأداري عباد الله وأجاملها

السلام عليكم ورحمه الله وبركاته
جمعه معطره بذكر الرحمن
ابيات راقت لي فكانت هنا واتمنى ان ترتقي لذائقتكم :144:

أضحك وأداري عباد الله وأجاملها..
والله على نعمــة الكتمـان قــايدني.

دورت بالــخلق ضايعــها وعــاقلها..
ولا لقيت اللي لا من ضعت يرشدني ..

حتى الي بديــته من الناس بأكملها..
راح وغــدربي ولا كنه معاهــدني

مافيـه أحد يـحفظ العشره ويبجـلها
هذي الحقــيقه وشكـي ما يـراودني

إن مت كلن نسى ذكراي وأهملها
وإن رحت محدن من العالم بـ فاقدني

عزاه يا ضيقة بالصــدر شايلها
وين اللي يبكي علي ؟.. وإن طحت يسندني..

لا جيت أقرب لخــلاني و أواصلها
لقيت حتــى طريق القــرب يبعدني

يا اللي جروحك عرفت شلون أعاملها
أنا تعوّدت ,, لا داعي تعودني

يا أول سنيني وآخرها وأجملها
الله معاك ومعي..وأبيك توعدني ..

لا جات ذكراي في بالك تأملها
شف وش كثر كنت بـ التعذيب تجهدني

ليتك مثل ماتخيـلها تخيـلها
وتعرف الأحزان يا اللي كنت مسعدني

اليوم سلم على الصوره وقابلها
ما عاد فيني شعــور لك يجــودني

والله مدري أنا من وين أحصلها ؟!
من ضيم الأيام أو حظ معاندني

جتك الرسالة وأنا ما كنت أبرسلها
لكن هذي علومي يوم تنشدني .!!

لـ الشاًعر : سعود بن عبدالله بن مهدي