|
غربة عاشقين
في هاذي الدنيا الكبيرة .. الوحيده الي نرمي و نشكي عليها ,, نفرح و نحزن ,, دموع و بسمه ..
وجوه خير و جوه شر و انانية .. الفرحة بيوم و ليله تنقلب لحزن و دمووع مجروفه .. البطال القصة .. ايمان و ولاء كانو خوات و يحبون بعض حيل .. وعندهم اخوان اثنين محمد و حسين حسين كان الأكبر و الي يخاف على خواته وكانت آخر سنه له يدرس توجيهي .. ايمان البنت الكبيرة و الحبوبه والحساسه الرقيقه عمرها 16 سنه ولاء المشاغبة الي اهلها و اخوانها عندها الهوا الي تتنفسه وعمرها 13 سنه آخر العنقود و الدلوع الحبوب حمود و عمره 7 سنوات اما الأم والأبو اثنينهم حنونين ويحبون ويخافون على عيالهم وايد .. واي شي يطلبونه يلبونه لهم بس موب المستحيل !! اكيد في شخصيات غير و اكثر نتعرف عليها في القصة ! ..::..||| البـارت الأول |||..::.. في غرفة ايمان و ولاء ,, ايمان كانت راقده و تعبانه حدها وولاء كانت ملانه ماعندها شي تسويه وتبي ايمان تقوم من الرقاد عشان تهذر معاها .. ايمان راقده :.............. ولاء : ايمان ,, تصدقين عاد الليله يبي لنا طلعه حلوه جذي مع امي و اخواني ايمان : اي اي خليني بس اكمل نوم ولاء واهي واقفه عند الميز تواليت تلعب بمكياج ايمان : تصدقين عاد اختاه خاطري احط لي فل ميك اب خخخخخخ خاطري هم اجرب المكياج بتاعج .. ايمان واهي تصارخ : لا تجيسين اغراضي وطلعي برع خليني اكمل نووومي ولاء تفلع الموسده على اختها : قومي عاد انه ابيج تسولفين وياي ملانه ايمان : ذلفي برع .. ولاء غافلت ايمان و حملت المكياج كله و طلعت غرفه اخوها حسين لانه كان طالع ,, لانه من قوانين البيت انه اي احد يدخل غرفه حسين ,, اهني حسين يعصب يكره الحركه !! ولاء واهي تمشي على اطراف اصابعها : امبببببيه الحين وين اروح اذا رحت غرفه حسينو ودره اني هناك راحت علي بمشع شعري اهئ اهئ ,, يلا بروح غرفه امي و امري لله .. رحت غرفه امها واهي حامله اغراض ايمان في يدها فتحت الباب لقت ابوها راقد ولاء في نفسها : اووف شهالدنيا الكل راقد مالي الا غرفه حسينو خله يطقني ماعليه بس اهو شدرانه اني دخلت !! ماعليه يلا راحت غرفه حسين و قعدت تسرح شعرها و تحط لها مكياج و لبست فستان ايمان اختها الي اخذته الى خطوبه صديقتها >> الفستان يديد و ايمان مالبسته مزهبته الى بعد ليلتين << راحت عليج يا ولووي ام حسين >> امهم ركبت فوق تجوف عيالها فتحت غرفه البنات لقت ايمان نايمة ,, بس تسمع صوت استشوار . ام حسين : اكيد ذي ولووي بالغرفه .. لو ايي لها اخوها يذبحها طقت عليها الباب ولاء قلبها طاح من الرعبه مترددهه تفتح الباب اولا : من ؟ ام حسن : انه امج يالهيسه فتحي الباب بسرعة ولاء :انزين .. ام حسين : تعرفين لو يدري اخوج عنج يذبحج ولاء : انزين يمه ماعليج منه مابيدري وانتي لا تقولين له اوكي ام حسين : ههههههههه شمسويه بروحج ولاء : حلوه يمه لا ام حسين : اي حلوه ههههههههههههههههه ولاء : انزين ليش تظحكين ؟ ام حسين : عليج لا ناقصج المعرس بس ولاء : صج يمه ! ام حسين : تعالي انتي شلابسه ؟ ولاء : فستان لا ام حسين : روحي بدليه لا كف ع ويهج ذي مال امون الحين بس تعرف تروح عليج ولاء : خلها تولي يمه ابي اكشخ .. اصلا الفستان انه مختارته لها ام حسين : الحين بتقوم لج تقتلج ولاء : اوه يمه ماعليج منها زين رحت ولاء الى اختها توريها كشختها ولاء واهي شاقه حلجها بأبتسامه : اختي شرايج فيني امون اول مافتحت عينها على الفستان : مااااااااااااااانـــــــــي الهيسه الحين تروحين تبدلين لا اقتلج بسرعة ولاء واهي واقفه بكل براءه ايمان : روحي بسرعة الحين ماني بقتلج بلبسه ليله الجمعه الفستان وانتين كاشه فيه ولاء : هدي اعصابج الحين بفصخة !! بو حسين من فوضه البنات قعد من النوم : شعندهم البنات ام حسين : متهاوشين على فستان بو حسين : والله حاله ويه هالبنات .. ام حسين : اي ولاؤؤ الهيسه اهي الي تعصب اختها رايحه لابسه فستانها الى خطوبه صديقتها بو حسين : ليلحين صوتهم وصراخهم انه اروح اجوف شعندهم فظحونا راح لهم ابوهم وكانو ثنتينهم يتهاوشون على السرير فتح بو حسين الباب : شصاير ؟ بس صوت واحد من ابوهم جمدو البنات اتحنطو ايمان : لا يبه موب صاير شي بو حسين : موب صاير شي و حسكم الى تحت !! ولاء : لا يبه روح بو حسين : راحت روحج ولاء : بل ! بو حسين : انه تعبان وابي ارقد اذا سمعت لكم صوت بتعرفون شنو بصير طلعة الليله ماكو اوكي ولاء : لالالا يبه خلاص والله سامحنا آخر مره نوعدك ايمان : اي يبه سامحنا وحقك علينا .. بو حسين : فديتهم البنات المطيعين يلا حبايبي صلو المغرب والعشا وبعدين نطلع ايمان : وين نروح يبه ولاء : نبي نروح نتعشى يوعانه حدي ايمان : انتي كله يوعانه وبس ههههههه بو حسين : مادري براحتكم خطوو وين تبون تروحون بعد الصلاه ردو علي ويلا بسرعة صلو عدل ايمان : فديتك يا احلى ابو في الدنيا بو حسين : فديتكم يا احلى بنات صلو البنات و زهبو روحهم الى الطلعة ... ام حسين : يلا بناتي وين قررتو تروحون ؟ ولاء : يمه نبيج انتي تختارين ام حسين : لا مابي معاكم انه ايمان : لالا يمه عيل مابنروح ام حسين : والله ماودي اطلع ولاء : خلاص عيل نقعد في البيت ام حسين : انزين خلاص بدون زعل و بايي معاكم بس عشان خاطركم ... يا لهم اخوهم حمود الصغير : وين بتروحون خواتي ؟ ولاء : وين تبي تروح ياخوي ؟ محمد : اي مكان فيه العاب ام حسين : عيل شرايكم تروحون اي مجمع وانتو روحو اتسوقو وحمود يلعب وانه و ابوج في المطاعم ايمان: اي يمه خوش فكره ام حسين : باتصل في حسين ياليت ايي معانه ولاء : في المشمش ام حسين : لا بيي ولدي مايرفض لي طلب .ز اتصلت ام حسين الى ولدها حسين : هلا هلا يمه ام حسين : حبيبي حسين وينك حسين : انه عند الباب الحين داخل البيت ام حسين : تعال معانه بنطلع حسين : وين بتروحون ام حسين : مادري بس اي مجمع حسين : اوكي يمه صار بايي معاكم ام حسين : تعال لي المطبخ اوكي بجوفك وحشتني حسين ك فدييييتها امي عدي من الواحد الى الثلاثه وانه وراج ام حسين : 123 حسين باس راس امه : احلى بوسه الى احلى ام في الدنيا ام حسين باست ولدها : واحلى بوسه الى احلى ولد في الدنيا حسين : فديتج يمه ام حسين : فديت عمرك حبيبي حسين : وينهم خواتي ؟ محمد ياي ركيض الى اخوه و امه : خواتنا فوق يزهبون روحهم حسين : حمووود تعال بقول لك شي محمد : مانه ياي لك اقولك خذني وياك النادي ماتبيني لا حسين : ههههههههههههههه ماعليه بكره اخذك ام حسين : روح جوف خواتك ابوكم ينتظرنا برع حسين : اوكي يمه انه اروح اجوفهم لج ... في غرفه البنوتات ... ولاء : يلاااا وينها الشيله الي خذتها اخر مره ايمان : شدراني انه ابي الجنطة الي خذتها لي امي وينها حسين طق الباب : هاي خواتي شلونكم ظ ولاء ك بخير موب فاظين لك حسين : يه ! طرده في الفيس ايمان : حسون تعال دور معاي جنطه ذهبيه والله امي جايفتها حسين : يعني لازم جنطة ذهبيه مادري شتحطون فيهم ايمان : كاهي حصلتها حسين : هههههه اوكي يلا خواتي نزلو ابوي ينتظرنا ولاء : بتيي معانه ؟ حسين : اي عندج مانع ولاء : لا عندي دواس بس مانبيك تتحكم فينا اوكي حسين : من الحين بدينا ؟ يلا تحركي جدامي لا كف ع ويهج ايمان : خخخخخخخ اي يبي لها كف ... محمد : يلا انتو تاخرنا يات الساعة 8 الكل ركب السيارة واهم يظحكون ويمزحون مع بعض .. حسين : يمه تذكرت انه لازم امر رفيجي الحين آخذ منه شغله الى سيارته بو حسين : لازم الحين .. حسين : اي يبه لانه محل زينه السيارات يسكر الساعة ثمان و نص باقي بس نص ساعة زين يمديني الحق عليه ام حسين : اوكي عيل روح كمل شغلك وتعال لنا حسين اكيد يمه برد لكم حسين راح يقضي شغله و الباقي راحو مجمع الدانه ,, وصلو المجمع .. محمد مع الشغاله راحو شاكازولو و البنات يتسوقون و بو حسين و ام حسين في المطاعم يتريون حسين .. بعد نص ساعة بالظبط حسين وصل .. ام حسين : اكا وصل حسين حسين : هلا يمه هلا يبه بو حسين : هلا بولدي حسين : وينه حمود .. ام حسين : داخل مع الشغاله في الأعاب ياليت والله تروح تجوفه ما أمن انه معاها حسين : انشاءالله يمه بو حسين : شفيج يام حسين ماتأمنين على الشغالة جم سنه الحين عندنا ام حسين : بعد يبو حسين عيالي بخاف عليهم .. ماشاءالله عليهم اسره قلوبهم على بعض ,, كل واحد فيهم يخاف على الثاني .. ولاء : ايمانووو تعالي تدخل اهني ايمان : اي يلاا ولاء : امووون كملت فلوسي ماعندي الا دينارين ايمان : حرام علينا ناخذ اغراض بالهبل ولاء : شدراني فيج انه اقتصاديه ايمان : عدال على عمرج انه عندي يمكن 10 دينار ولاء : بعد فشله نروح الى ابوي نقوله نبي وايد عطانه ايمان :اي والله فشله ولاء : انزين يلا خلينا ندخل .. ولاء عجبتها تنوره جينس مع تيشيرت شك وردي .. ولاء : الاااي امووون صج كشووخ ابيها لازم آخذها ايمان : حتى انه ابي وحده صج حلوه وايد ولاء : اي جوفي كم سعرها .. ايمان : ولاؤؤ الوحده بـ 25 دينار ولاء : شرايج نقول الى حسون يعطينا مابقول لنا شي ايمان : اي والله فكره اتصلت ايمان الى حسين .. ايمان : هلا حسين وينك ؟ حسين : انتو الي وينكم ايمان : احنه في محل ........ الي يم ......... حسين : اي اي عرفته الحين بايكم ايمان : اوكي بسرعة ولاء: ها قلتي له؟ ايمان : لا الحين بيي قال |
ترى قصه اجزاء كل مره بنزل لكم جزء
ان شاااااااااااااء الله تنال اعجاابكم |
يسلمو العيون الباكيه
على وضك هذه القصة ويعطيك ألف عافية وبإنتظار التكمله لأني تحمست أقراها كامله |
يعطيك العافية حبيبتي
في انتظار التكمله تقبلي خالص احترامي |
.
. ++ { العيون الباكية ... http://www.srabuae.org/up-pic/uploads/763131172b.gif هلا و غلا فيك قصه حلوة يالله بانتظار التكمله يسلمو اختي على القصه يعطيك الف عافية ارق التحايــأ العطرة http://www.srabuae.org/up-pic/uploads/763131172b.gif ++ { الريم اللعوب ... |
||||..::.. البارت الثاني ..::..||||
وصل حسين الى خواته في المحل .. حسين : شعندكم ؟ ولاء : حسين تعال بقولك شي حسين : شفيج ؟ ايمان : شرايك في ذي حلوه لا حسين : ماعرف الى شغلات البنات ولاء : عطنا حسين 40 دينار لانه الوحده بـ 25 حسين : دفعو بالفيزا كارد ايمان : ماعندي بطاقتي موب معاي حسين : انه معاي بدفع لكم بها .. ولاء : عسى عيني ما تبجيك يا بعد هلي وناسي ايمان : عساني اجوفك معرس انشاءالله حسين : بدون هالكلام الفاضي ويلا بسكم شلتون المحلات وياكم ولاء : محسود الفقير على موتته الجمعه حسين : هههههههههههههه من وين لج هالمثل يالعيوز ولاء : هههههههه يلا اخواني اخواتي انه يوعانه حدي ,, راحو الأخوان الى امهم و بوهم ,, ام حسين : زين يتو يلا نبي نتعشى محمد : يوعتونا انه من زمان طلبت لي ولاء : خيانه ! بو حسين : شخذتو لكم حسين : اي يبه ماقصرو بناتك شالو المجمع معاهم ايمان : اي يبه نبي نعيش حياتنا و شبابنا معاك بعدين اذا تزوجنا محد بدلعنا هلون ولاء : ذي ماتفكر الا بازواج ام حسين : يلا طلبو لكم شتبون ايمان : يمه انتي شخاطرج فيه ؟ ام حسين : باستا حسين : عيل بروح اطلب لنا كلنا باستا شرايكم ولاء وايمان : اوكي .. راح حسين يطلب لهم باستا .. انتبه في طريقه الى صديقه ايمان مريم بس مريم كانت بنت وايد محترمة و خلوقه ماكانت ترفع راسها .. وصل حسين الى اهله حسين : امون جفت رفيجتج ايمان : اي رفيجة ؟ ولاء : اي رفيجة اموون ؟ حسين : مادري يمكن مريم ايمان : مريم ؟ اي يمكن بتصل لها بجوفها اتصلت ايمان الى مريم ايمان : الو هلا ريووم مريم : هلا هلا اموون ايمان : انتي وين ؟ مريم : انه في الدانه ايمان : وين واقفه مريم : في المطاعم ايمان : اوكي عيل مريم : شصاير ايمان تبي تسوي لها سبرايس لانه من زمان ماجافتها : لا ولا شي اوكي يلا باي مريم : براحتج باي .. ام حسين : اي مريم بنت وايد حلوه وخلوقه و مؤذبه ولاء : نتعشى ونروح لها بو حسين : اي عاد لا اطولون انه اعرف ابوها ريال معروف ويخاف ربه حسين : اي حلوه ايمان : احم احم ادري عن اخوي عنده ذوث في كل شي حسين : شقلت الحين انه ولاء : افهمها واهي طايرة حسين : سدو حلوجكم احسن لكم .. ولاء : مابنسدها لانه ناكل وشلون نسدها واحنه ناكل اكلو و حمدو ربهم .. ايمان: الحمدلله .. انه بروح الى مريم ولاء : بايي معاج حسين : ماخليكم تروحون بروحكم هناك كله شباب يتحرشون فيكم ايمان : الله يستر من هالييه حسين : امشو وانتو ساكتين ولاء : شفيك انت كل شي نسويه واحنه ساكتين نزحر ناكل ساكتين نمشي ساكتين ,, ترى انه ماعرف اسكت لازم اتحجه حسين : انزين انزين خلصينا امشي ايمان : وينها الحين مريم حسين : كاهي موب اهي الي قاعده مع امها هناك ؟ ايمان : اي اي اهي .. مريم اتفاجأت لما جافت ايمان .. مريم : اموووون انتي هني ؟ ايمان : اي انه هني شخبارج ؟ شمسويه مريم : بخير حبيبتي اسأل عنج ايمان : والله وحشتينا .. ولاء : هاااي مريوووم شخبارج ؟ مريم : هاياات ولووي تمام وانتي شخبارج ؟ ولاء : بخير الله يسلمج .. مريم : تعالو قعدو معانه انه وامي وبنات خالتي .. ولاء : لالا مره ثانية الحين ابوي ينتظرنا تحت ايمان : مره ثانية انشاءالله بس نسلم عليهم ونروح .. وصلو البنات سلمو عليهم و تباعدو عنهم .. حسين : يلا اموون و لوووي ولاء : انزين انزين ,, ام حسين : ها يمه رحتو لهم ؟ ايمان : اي سلمنا و مشينا ام حسين : يلا عيل بنروح البيت ولاء : اي يلا فيني نومة انه محمد : انتي يا نوم او اكل حسين : من بيي معاي بسيارتي ؟ ايمان : انه وبس ولاء : لا موب بس حتى انه بو حسين : يعني احنه نظل بروحنا ولاء : لا يبه انه بايي معاكم لانه بنتك ماتبيني ايمان : انه قلت مابيج !! افاا يالهيسة انه ماستغنه عنج ولاء : استغني عني هالمره بس ايمان و حسين راحو مع بعض بسياره حسين ,, في سيارة حسين .. حسين : امون ايمان : شنو ؟ حسين : لا بس خلاص ايمان : اعرفك انه .. في قلبك شي ؟ حسين : اي اموون مريم طيرت قلبي آآآآه بس على قلبي ايمان : هههههههههههههه مسكين ياخوي ,, مريم ماعندها هالسوالف حب و غرام لو اقول لها والله تعصب علي حسين : لا بكلم امي وبخليها تكلمها ايمان : صراحة مريم بنت وايد حلوه و خلوقه حسين : شرايج تعزميها على بيتنا عشى ولا غدا و تيي وبخلي امي تكلمها وجه لوجه ايمان : وايد بتنحرج هلون حسين : انه مابيها تكلمني او تتصل فيني لانه جذي راح تصير لنا مشاكل وايد مع اهلها ايمان : صح كلام ياخوي .. خلاص عيل .. بكره ربعي كلهم بيوني البيت واهي بتكوم معاهم .. حسين : انه مابي ربعج كلهم ابي بس مريم ايمان : ادري وصلوو كلهم قبل حسين و ايمان .. لانه حسين ولاء : يمه ماوصلو وين راحو عني ام حسين : اي عاد ما بغيتي الا اخوج هالحزة يطلع بايمان بو حسين : كاهم يوو مايو على الطريج الي طلعنا منه ولاء : انه بدخل و بنام اما حموود فكان في سابع نومه في السياره ولاء: يمه هههههههههههههههه ولدج راقد روحي له ام حسين : ايه عليه ولدي وعلييييييه نسيتك حمود : خلوني آرقد توها الليل وصل حسين و ايمان ايمان : شفيه ذي صوته لأخر الشارع بو حسين : يلا بسرعة شيلو اغراضكم و دخلو البيت شلو اغراضهم البنات و على طول دخلو يرقدووون ,, |
يسلمووو بانتظار البارت 3 |
نااااااااااااااااااااااااااااااااااااايس^^
انتظر التكمله ^^ |
كل الشكر لك أختي العيون الباكيه على هذا الطرح بانتظار الأجزاء ربي يعطيك ِ العافية |
الساعة 12 الظهر الكل راقد ..
اليوم ايمان عندها عزومة ربع على العشا .. تلفون ايمان يرن .. >> النغمة كانت : هلي وان جارت الدنيا عليه .. اوصيكم على روحي وصية ........>> ايمان : اوووف من الي متصل هالحزة كلش موب وقتها ايمان وهي ترد وصوتها ينعرف انها راقدة : الو .. المتصل كانت مريم مريم : هلا امون راقدة ؟ ايمان : هلا .. لا الحين اقووم .. مريم : اوكي عيل بعد شوي اتصل ايمان : قولي تره عادي قمت انه مريم : بعد نص ساعة بتصل اخليج براحتج ايمان : اوووكي مريمي انتظرج انه الحيت اقوم اغسل مريم : باي ايمان : مع السلامة .. ايمان غسلت و بدلت ونزلت تحت تفطر .. حسين اخوها كان في الصاله تحت عند التي في .. حسين : ههههههه شطاري عليها اليوم قاعدة من وقت ايمان : مريم متصله علي قومتني مادري شعندها حسين : مريم !! اي مريم ؟ ايمان : مريم الي جفناها البارح .. حسين : ايه عليها المريم .. والله زين ماتسوي فيج ايمان : اي خلك ساكت بس .. حسين : انزين لا تنسين الليله تعزميها على العشا .. ايمان : ايي لا تخاف على حبك اهي بعد شوي بتتصل .. حسين : ههههه اي حب بس .. طرف واحد وسمتها حب ايمان : انزين حسوني قولي .. اهي في بالك من زمان ؟ حسين : بيني و بينج اي .. يمكن من سنه .. من لما كانت اتيي تدرس معاج .. كنت اتعمد افتح لها الباب او ارفع التلفون اذا تتصل على تلفون البيت .. ايمان : صراحة حسون .. كسرت خاطري اليوم بكلمها عنك حسين : صج اموون .. اوكي عيل .. لا تنسين صبغي فيني عدل .. مدحي اووكي ايمان : لا توصي حريص ياخوي .. --------((( في بيت مريم )))--------- || نعرف بالأول عائلة مريم .. اهي الوحيدة الي بالبيت مع اختها الصغيره ( ملاك ) .. اختها الأكبرمخطوبة و قريب زواجها ( مها ) .. و اوخها اكبرهم متزوج وساكن مع زوجته و عياله في بيته .. ( اخوها مهند و زوجته منيرة و عيالهم فجر,, فارس و فراس التووم .. ) والحمدلله اهلها بخير و نعمة .. مريم داخلة على امها في المطبخ .. مريم : يمه يالحبيبه .. شقاعدة تسوين .. ام مهند : جوفه عينج حبيبتي آسوي الغدا .. مريم : ياااااي ماباقي شي على السفر غير سبوع .. ام مهند : اي شوراج روحي استانسي مع بيت اخوج واختج مريم : يمه يلا عاد انتي موب بروحج وياج ملووكه واحنه كلها ثلاث ايام نروح الكويت نزهم لعرس مها .. ام مهند : تروحون وتردون بالسلامة مريم : يمه تعالي معانه ام مهند : لا يمه مافيني شدة السوق و عوار الراس روحو تسوقو براحتكم .. اي خوب مابقى شي عن عرس اختج غير شهر .. مريم : ايي يايمه .. بتروح عني مهوووي .. ام مهند : انشاءالله مها بتتزوج وبتروح بيت ريلها و انتي بعدها .. و بيختلي علي البيت .. وتدخل عليهم مها .. مها : مو جنه سمعت اسمي مريم : لا اسم بنت اليران مها : عن اللقافة مريم : ويييه عشتوو قلنا بتعرسي عاد موب تتفلفسين مها : جب جب ام مهند : انزين وبعدين ؟ مريم : شنو يمه ؟ ام مهند : كملوو هواش لا مها : شدراني في بنتج ام مهند : قلبوو و يوهكم انتي وياها برع بسرعة لا تيون لي المطبخ وانه اسوي الغدا .. مريم : طردة طردة مها : ماتبين مساعدة يمه ؟ ام مهند : لالا بس ابيكم تروحون برع خلوني آخذ راحتي مريم : اووووه نسيت ماتصلت في مريوووم الحين تنتظري وعلى اعصابها .. راحت مريم بسرعة لتلفونها تتصل لأيمان .. تلفون ايمان كان في الصاله واهي فوق بغرفتها .. حسين يسمع تلفون ايمان يرن .. حسين ينادي على ايمان و اهي ماتسمعه .. حسين : ايمانووو تلفونج يالصمخة .. تلفوووونج يرن و ثول .. حسين حمل التلفون عشان يوديه فوق لأخته .. لقى المتصل ( مريمي ) قال : اكيد ذي مريم خل ارد عليها .. حسين : الوو .. مريم استغربت من الصووت : موب ذي تلفون ايمان ؟ حسين وهو مرتبك .. : اي تلفونها لحظة اناديها لج .. حسين ركيييييض الى اخته .. حسين : ايمانوو لحقي علي .. مريم متصله ايمان : ههههههههههههه انزين ومريم متصله ؟ حسين : رديت عليها كاهي على الخط بسرعة كلميها ايمان : هههههههه الحمدلله و الشكر ايمان : هلا هلا حبيبتي مريم : هلا اموون وينج بطيتي علي ؟ ايمان : كان تلفوني تحت وانه فوق مريم : اي اخوج الي رد علي ايمان : ههههههههههههههه اي نوو مريم : يو نو ؟ مولت عليج خرعتيني >> حسين ليلحين واقف يم ايمان ايمان : أ منت مريم .. مريم : اوكي ايمان : انت شفيك راز فيسك .. اقلب ويهك برع بسرعة حسين : والله مذله قامو يصارخون علينا بعد ايمان : انزين بعدين اعطيك الأخبار انت اثبر روح دارك حسين : زين زين .. لا تصارخين لا كف ع ويهج ايمان : ههههههههه ذلف .. ايمان : هلا مريم مريم : تكلمين من ؟ ايمان : هاذي اخوي حسوون يبي مني شغله ضروريه مريم : اهااا ايمان : لا تنسين الليله تعالي بيتنا ع العشا مريم : انشاءالله .. من زمان ماييت بيتكم ايمان : اي والله .. حياج اي وقت البيت بيتج بس انتي عيارة مريم : اسمع من يتكلم الحين انتي الي تيين بيتنا ايمان : ههههههههههه يلا تعالي لي الليلة وانه آييج مريم : اوكي نجوف .. بعد ثلاث ايام بروح الكويت ازهب نفسي لزواج مها اختي ايمان : صج و الله !!؟ زين لا مبروووك .. مريم : الله يبارك في حياتج .. انشاءالله باييب لكم بطايق ايمان : اي اووكي هههههه مريم : اوووكي حبوبه يلا اخليج الحين الليله انه عندج ايمان : اوكي اخذي راحتج مريم : سلمي لي على ولوووي و امج وايد .. ايمان : الله يسلمج وانتي هم سلمي لي على بيتكم خواتج و امج مريم : يوصل ... ( انتهت المكالمه ) حسوون دخل فجأة على ايمان : ها شصار ؟ ولاء كانت راقدة : ويعه تويعكم انشاءالله قولو آمين .. حسانوه : تويعج انشاءالله ايمان : خخخخخخخ من وين طالعة ذي بعد حسانووه : مانبي احد ملقوف يسمعنا قومي غرفتي او تحت ايمان : ههههههههه اوكي روح وانه وراك حسين : اي بسرعة عاد ولاء : تعال تعال .. شعندك انت وياها ؟؟ ماتعلومني ها ؟ لكن مايحتاي تقولون لي عرفت كل شي , عبالكم انه نايمة ها حسين : سدي حلقج لا اعطيج طراج بالطوف ولاء : بل !! بالطوف عاد .. هد اعصابك و اذلفوو روحو كلموو سوالف عن شسمها حسين : يلا ايمان اوكي بسرعة ... ايمان : هههههههههههه اوكي دخلوو ايمان و حسين غرفة حسين وقفلوو عليهم الباب بتفقوون على خطة عشان مريم ولاء واهي ادق عليهم الباب بقوة : ماتبون تعلومني بعد !!؟ بس هين .. خطوو وانه اخرب عليكم .. حسين : محد كفخ انتي ؟ ذلفي عن ويهي لا و الله اقوم اطيح فيج طق ولاء : خوفتني يا بابا .. حسين : مللتنا ذي .. انه اوريها توه حسين بيفتح الباب ولاء من خوفها ركيييييييض غرفتها وقفلت الباب .. ايمان : مابغينا نخلص منها حسين : ماعلينا منها يلا قولي لي شقالت مريم ايمان : قالت انها بتيي الليله حسين : صج قولي والله ايمان : يعني باجذب عليك اي من صجي اتكلم واهي بعد جم يوم بتروح الكويت تاخذ اغراض لعرس اختها حسين : عاد اموون عفية كلميها لي ايمان : صبر انت موب هلون اخرعها سلولي سلولي .. حسين : بس ارجوج بسرعة اووكي .. ايمان : انشاءالله .. شغالتهم ادق عليهم الباب : يلا حسين امون نزلو تحت تغدوو ايمان : انزين يايين .. حسين : مانه مشتهي غذا اليوم ايمان : افا بس يابعد جبدي غذا امي مايطوف .. حسين : مالي نفس والله ايمان : عشان خاطر عيون مريم قووم كل حسين : عشانها بس ايمان : اي لو الحين قايله لك عشاني ماقمت لا حسين : ههههه افا عليج انتي فيج الخير و البركة ايمان : عيل قوم تحصل امي الحين تتريانه حسين : يلا نزلي انه وراج ايمان : اوووكي .. نزلت ايمان و وراها حسين على الغذا ,, بو حسين : يلا ياعيال من متى ننتظر ولاء : اكلنا و بنكمل اهم توهم مكملين تحرياتهم الأجرامية محمد : بابا بابا ,, اليوم حسون اخوي بياخذني وياه النادي ... بو حسين : صج والله .. زين زين بابا يلا كل عشان اتصير عوود كبر حسين .. ام حسين : ولاء و حسين و مريم .. شعندكم مع هالنظرات كل واحد يطالع الثاني بنظرة غير شكل ؟؟ ولاء : سألي عيالج الا شعندهم .. تحريات اجرامية .. حسين واهو يخوزر في ولاء : صبري لي بس .. ولاء : خلوني آكل بس يوعانه حسين : اي يمه نسيت اقولج اليوم مريم بتيي ايمان على العشا ايمان : وانت شدخلك الحين ام حسين : هههههههههه شدراك انت حسين : ها ؟ اي سمعت ايمان تقول لها .. ام حسين : اممم جذي يعني ولاء : اشك .. ايمان : شوكة بحلقج محمد : انتو شفيكم كله هواش هواش مولت عليكم كلكم زين ام حسين : عيب ماما ماعليك منهم لا تسوي مثلهم حركات تصير شيطوون محمد : اي ماما انه موب مثلهم آكل يم البابا و وبهدوء .. ام حسين : عفية عليك .. اموون مريم ماتبي شي معين ع العشا ؟ ايمان : لا يمه مريم شيومة اي شي من يدج الحلوة بو حسين : تقصدوون مريم بنت بو مهند ؟ ايمان : اي يبه بو حسين : ماشاءالله عليه ابوها ريال طيب و محترم .. وايد احبه هالريال حسين : حته انه احبهم يبه بو حسين : تحب من ؟ ايمان : كح كح كح .. شرقت يمه .. ماي ماي .. حسين : لا يبه اقصد مهند وايد اسمع عنه و ابوه بعد ومريم صديقة ايمانو ولاء : الحمدلله .. شبعنا ايمان : اي خوب انتي اول وحده تاكلي و آخر وحده تكملي ام حسين : عليها بالعافية والله خلها تاكل ولاء : اي خلني آكل .. ام حسين : كملت حمودي ماما ؟ محمد : اي بس الحمدلله ام حسين : روح للشغالة تغسل لك محمد : اووكي ماما حسين : الحمدلله .. يلا يمه انه برتاح لي شوي والساعة خمس قوميني للنادي .. بو حسين : مرني غرفتي خذ رسوم النادي .. وسجل حمودي بعد العلطة الصيفيه توها بادية وخله يروح عن قعدته بالبيت ام حسين : اي والله حسوون سجله وياك حسين : انشاءالله بجوف له اليوم شي مناسب وبسجله محمد : يعني كل يوم بروح النادي مع حسين ؟ بو حسين : اي حبيبي كل يوم لما تفتح المدرسة الكل قام من ع الغدا .. اجتمعووو كلهم ع الجاي و يم التي في .. ولاء: يبه .. السنه ودنا نسافر بو حسين : لو بيدي والله رحنا بس عندي اشغال وايد ايمان : والله خاطرنا يبه نرووح ام حسين : الخواطر على طول شغالة حسين : يبه انت خلك بالبحرين وانه اروح مع امي وخواتي بو حسين : ماتروحون الا معاي ولاء : حكمهم حكم !! ام حسين : انه خاطري والله اروح العمرة بو حسين : اي روحي مع البنات حسين : واحنه ؟ بو حسين : اي روحو ليش لا ايمان : توك تقول مافي سفر الا معاك سبحان مغير الأحوال بو حسين : لا يبه انتو رايحين بيت الله وانشاءالله اقدر آيي معاكم حسين راح يرقد .. ولاء و حمودي عند التي في .. ام حسين كانت عند امها .. و بو حسين طالع .. و ايمان تسنع اغراضها و غرفتها |
تكلملت البارت الثالث
. . . . الساعة 7 بعد صلاة المغرب و العشا .. حسين و محمد توهم واصلين البيت .. خذوو لهم شاور وحسين على طول عند ايمان حسين : امووون وينها مريم ؟ ايمان : بسم الله الرحمن الرحيم .. الساعة ثمان بتيي حسين : بووو شيصبرني ساعة زيادة ايمان : ياالله عليك .. صابر كل هالسنين ماتصبر ساعة حسين : اصبر و امري لله .. دخلت حسين غرفته يزهب نفسه .. جنه مريم يايه له موب لأيمان بعد نص ساعة طلع حسين من غرفته .. وراح على غرفت ايمان و ولاء .. ولاء : يه يه يه شهالكشخة ياالخوو حسين : طول عمري كشخة جي بس اليوم ولاء : اي باين طول عمرك كشخة حسين : وينها ايمان ؟ ولاء : تسبح في الحمام حسين : الحين بتيي مريم رفيجتها و ليلحين في الحمام ولاء : شعندك ويه مريم وايد مهتم لها حسين : اي مريم ولاء : بنت الييران .. اي مريم بعد رفيجة ايمانو حسين : قلبي ويهج موب شغلج ولاء : يعني في شي حسين : قلبي ويهج ولاء : يعني في شي ؟ ام حسين كانت داخلة عليهم ام حسين : ها حسوون يمه سجلت اخوك بالنادي ؟ حسين : اي يمه سجلته وايد استانس .. ام حسين : يه يه شهالكشخة .. ولاء : طول عمره هالوردة كشخة طالع على اخته حسين : اول مرة تقول شي عدل ام حسين : ههههههههههه اي والله ولدي طول عمره كشخة ,, انزين يمه حسين تعال تحت ابيك في شغله .. حسين : اوكي يمه طلعت ايمان من الحمام ( وانتو بكرامه) ولاء : نعيما ايمان : خخخخخ اسمع صوت حسين و امي وينهم ولاء : مادري وين راحو قالت امي تبيه في شغله ..يمكن يعدل لها السيارة لانه موقفتها بالطريج ايمان : اي يمكن .. ولاء : الله يااموووون على ذاك العشا الي تحت ايمان : كشفتي عليه هههههههههه ولاء : ماقدر ماكشف .. انتي بس لو جايفة اخوج شلون كاشخ جنه البخت ايمان : صج والله !!؟ ههههه وعليه اخووي على نياته ولاء : انتييييي مريم بتووصل الحين .. طقت لج مسكوول وانتي في الحمام ايمان : ايي صوت الجرس يمكن اهني .. طبعا حسين الي يفتح الباب .. مريم : سلام حسين يطالع مريم واهي مستغرب من جمالها و اخلاقهاا : عليكم السلام .. مريم : وين ايمان ؟ حسين : اي ايمان داخل تفظلي .. مريم : ماعليه تناديها لي حسين : لالا دخلي عن الحر برع مريم : اووكي دخلت مريم جدام وحسين وراها .. مريم واهي مرتبكة : وينها ايمان حسين : فوق بغرفتها روحي لها البيت بيتج .. طلعت ام حسين : هلا هلا بمريم بنيتي مريم : هلا خالة .. ام حسين : شخبارج مريموومه حبيبتي مريم : بخير والله تمام ام حسين : حسين شفيك واقف ؟ روح ناد اختك مريم : لا خاله ماعليه انه اركب لها فوق دارها انه موب غريبة اول مرة آييكم ام حسين : اخذي راحتج يمه حسين : تبيني اوصلج لفوق ؟ ام حسين : شدعوة عاد مريم موب غريبة مريم : لا مايحتاي اروح لها ام حسين : مادري شعندها ليلحين فوق وركبت مريم فوق لأيمان ام حسين : تعال انت .. شفيك ؟ مستهبل ولا فيك شي ؟ حسين : يمه يمه لازم اقول يعني الي بقلبي ؟ ام حسين : اييي يعني في شي في قلبك ؟ حسين : يمه مريم ام حسين : شفيها ؟ حسين : حلوة يمه تهبل ام حسين : آدري .. في شي يديد حسين : يمه انــه ...... ام حسين : شنوو ؟ حسين : آبيها .. احبها ام حسين : شهالكلام بعد .. مريم بنت ناس وتخاف على نفسها حسين : يمه لا تفهميني غلط انه مابيني و بينها اي شي .. بس انجذب لها وايد .. احسها اهي المناسبة لي ام حسين : بعدك صغير على هالسالفه حبيبي حسين .. حسين : يمه ماقدر حسي فيني اتعذب والله .. ام حسين : انزين قولي شتبيني اسوي لك ؟ حسين : ابيكم تظمنونها لي .. ام حسين : شلون يعني ؟ انقول لأهلها ولدنا يحبج و يبيج ؟ حسين : مادري يمه .. ام حسين : انشاءالله حسوون حبيبي مابصير الا الخير وانه اتمنى لك وحده مثل مريم في غرفة البنات .. مريم : اموون هاذي اخوج الي فتح لي الباب ؟ ايمان : اي اخوي حسين .. مريم : ايي كبر خبري فيه قبل يلعب معانه في الحديقة و ولوووي كانت ياهل وكله تصيح ولاء : ههههههه اي آذكر لما تيين تلعبين معانه وناسة كان ايمان :اي جفتيه اخوي جنه قمر مريم : اي والله شحلاته ولاء : يلا ايمانوو صبغي في حسين زين .. مريم : موب قاعدين نصبغ بالعكس نقول الصج ايمان : قولي لي مريوومي ترايج في اخووي ولاء : عن ابوه تخبينها له مريم : هههههههه .. والله بالصراحة وبدون مجاملات .. اخوج حلوو وخلووق و مهذب و يهتم في دراسته وايد وهاذي اهم شي .. ايمان :اممممم صح كلامج ,, يعجبج اهوو ؟ مريم :شقصدج يعني ؟ ايمان : لا ماقصد شي .. بعداقولج اهني الجو مغيم .. ولاء : قولي قومي طلعي بعد غيم و رعد ومطر ليش مريم : ماعليج منها ولووي خلج .. لا طردة ولا شي ولاء : لا بقووم اروح العب مع حمود مريم : اكا راحت ولووي قولي لي شقصدج من هالسؤال ؟ ايمان : ماقصد شي .. بس كلنا نتمنى لأخونا بنت مثلج .. مريم : اي وكل بنت تتمنى واحد مثل اخوج .. وعلى فكره .. شكرا ع المجاملة الحلوة هههههههههه ايمان : هههههههههه مالت عليج .. وظلوو سوالف و ضحك مع بعض .. مريم : مو جنه نسينا امر ولووي تحت ايمان : ماعليج منها مريم : لا حرام قومي نروح لها ايمان : اوكي يلا قومي نزلوو ايمان و مريم و محمد و ولاء في حدية بيتهم يشربون عصير ..ضحك و غشمرة و سوالف .. حسين مرة وحده يقطع على ايمان و مريم كلامهم .. حسين : عسى ماظايقتكم ؟ ايمان : اي شوي مريم : لا عادي خذ راحتك .. حسين : شلونج مريم .. مريم : بخير وانت شخبارك ؟ حسين : انه اوكي تمام .. ايمان : احم احم .. اقعد ليش واقف .. حسين : لا انه بطلع اتمشه برع ع البحر .. ايمان : زين لا ولاء : خذنا وياك .. حسين : قعدي مكانج عندكم ظيفة ايمان : مريوومه اختنا عادي نروح كلنا مع بعض مريم واهي تهمس لأيمان : لا اموون شفيج ايمان : انزين نطلع وياه نتمشى ونرد البيت نتعشه مريم : مادري والله براحتكم بس قبل العشر ونص انه في البيت حسين : ولا يهمج مريم احنه نردج بيتكم مريم : لا فشله عاد امي بتمرني حسين : انزين قومو الحين زهبوو نفسكم نروح البحر ايمان : بخبر امي بس بقولها بنطلع مع حسين .. حسين : روحي انتي زهبي روحج وانه اقولها .. مريم : ايمان انتظريني بايي معاج ايمان : وين بتيين انه شوي ازهب نفسي وانزل خلج مريم : اووكي لا اطولين حسين راح يخبر امه انهم بيروحون البحر وامه طبعا ماعارضت بس وصته انهم مايطولون .. الكل زهب و الكل ركب السيارة .. حسين كان مشغل اغنية ( حبك بحر ماله حدود و اسمك بقلبي موجود انتظرك طول العمر و اقضي عمري كله وعوود ) ايمان : هالأغنية تمووت عليها مريووم مريم : اي احبها حسين : حتى انه احبها ولاء : احم مريم تحركت مشاعرها اتجاه حسين .. بدت تحس له .. وقلوبهم تهمس لبعضها .. وصلوو البحر .. حسين : يلا نزلوو اهني انه بجون بارك للسيارة وكلهم نزلوو لعب و وناسة .. مريم : بسج ولوووي ذبحتينا من الظحك .. ولاء : هههههههههههههههههه ايي وذاك اليوم اموون اختي حصلت لها طيحة يم باب المدرسة هههههههه تخيلي بس جدام كل البنات ايمان : اي عاد اليوم انه الي ولووي تضحك علي ولاء : اهو في غيرج مريم : ههههههههههههههه انه بروح اقعد ع الكراسي تعبت ولاء : وانه بلعب بالكره مع حموود وحسوون ايمان : عيل بروح آشتري لكم شي تاكلوونه حسين ومحمد ولاء يلعبون بالكره و ايمان راحت تاخذ لهم آسكريم و مريم قاعدة ع الكرسي بروحها و تتأمل في البحر .. حسين حاول يلهي اخوانه محمد و ولاء .. واتقرب من مريم .. حسين : انشاءالله ماضايقتج ؟ مريم : لا كنت بروحي عادي حسين : جوفي البحر اشقد حلوو مريم : اي وايد حلوو حسين : وجفتي النور الي طالع من البحر .. جنها حورية في وسطه مريم : ........................... حسين كان حامل علبه صغيره في يده : مريم .. لا تفهميني غلط .. تقبلينه مني ؟ مريم منصدمة : ................... حسين فتح العبلة لمريم وكان خاتم ذهب حده رووعة ومحفور داخله اسم مريم .. مريم : لا حسين سامحني ماقدر آخذه .. حسين حمل عصا : مريم انه اول مرة اصير جريئ هلون .. بس ماقدر اسكت او اكتم في قلبي .. (( ايمان لمحت لمريم تكلم حسين بس راحت عند ولاء و محمد )) مريم : تكتم شنوو حسين : انه مابقدر اتكلم .. بس جوفي هالعصا الي في يدي .. يمكن تقدر تخط لج ع الرمل و بين البحر .. وتكون امواج هالبحر و كل الي فيه شاهد علي .. حسين كتب لمريم ع الرمل : احبــــــــــج .. مريم انحرجت و عينها دمعت حسين : مسحي دموعج .. مريم : ها ؟ اوكي حسين : يلا اجوف .. مريم : انشاءالله كاني مسحت ... حسين : شرايج ؟ مريم : مادري والله حسين احس الوقت كلش موب مناسب .. حسين : مريم انه انتظرت هاللحظة اكثر من ثلاث سنوات .. من صرت واعي على هالدنيا وانه اجوف احلاهم مريم وكنتي املي انتي بس مريم : انه افكر في دراستي ومستقبلي بس مافكر في شي ثاني حسين : حبنا مابأثر على دراستج مريم .. مريم : سوري حسين .. ماقدر ارد عليك الحين .. حسين : مريم ارجوج لا تكسرين قلبي .. حسي فيني .. مريم : كاهي ولوي يات معاها ايمان وحمود غير الموضوع .. حسين : اوكي .. بس فكري زين .. ولاء : انتو اهني !؟ حسين : لا اهناك ايمان : ذاب العسكريم ههههههههه مريم : احنه قاعدين اهني جان يبتيه لنا حسين : وين حمود عيل .. ولاء : اكا يركض ايمان : يلا حسين نروح البيت .. الحين بنتعشه حسين : اموون انه ماحب آسكريم هلون مابيه .. مريم : خذ مالي .. حسين : لا فديتج بالعافية ولاء : خذ مالي حسين : لا باخذ مال مريم وبعطيها عسكريمي ايمان : هههههههه عليكم بالعافية يلا بسرعة نروح نتعشه وصلوو ع البيت .. تعشوو واستانسوو وايد وايد .. ظلوو سوالف و حش وعقرة و غشمرة .. مريم : يلا بتصل في امي اتيي لي وايد تأخرت ايمان : خلج عااااد ماشبعنا منج ولاء : اهني امي و حسوون وابوي يقدرون يوصلونج بعدين مريم : لالا امي بتيي لي ايمان : يلا عاد سمعي الكلام و قعدي مريم : مرة ثانية ,, ايمان : صج دلاعة .. براحتج بعد عشر دقايق وصلت ام مهند لمريم .. مريم : كاهي امي طقت مسكوول يعني وصلت .. يلا حبايبي بامشي الحين واااااايد استانست معاكم .. ولاء واهي اطل من الدريشة : مريووم اكا امج نزلت من السيارة تسلم على امي .. مريم : امممم اوكي يلا بنزل .. نزلت مريم .. : يلا مع السلامة خاله و مشكورين ماتقصرون ام حسين : بالعافية حبيبتي .. حسين لحق مريم لي الباب : فكري مريم لا تنسين .. |
يسلمو العيون
|
..::..||| البارت الـــــــرابـــــع |||.::..
ايمان : تعال حسينوو شقلت لمريم حسين قال لأيمان كل شي صار في البحر .. ايمان : والله طلعت خطير ياخوي بس وايد ستعيلت حسين : بعد لمتى آصبر و آصبر .. تلفون ايمان يرن .. المتصل ( مريمي ) ايمان : الطيب عند ذكره حسين : من ؟ مريم ؟ ايمان : اي خل ارد عليها .. ايمان : هلا هلا مريم : هلا مريم ايمان : هلا بيج شفيه صوتج ؟ شفيج ؟؟ مريم : محتارة وتعبانه وايد ايمان لحظة شوي .. >> ايمان تباعدت عن حسين .. حسين : شصاير ؟ ايمان : ها ؟ بعدين بعدين ايمان : هلا مريم قولي مريم : ايمان اخوج خلاني اتوتر .. انه ماكنت افكر بهالشي ابد .. ماجذب عليج اذا بقولج اني ما كنت متجاهلته .. بس مادري ايمان انتي تعرفيني ايمان : والله قلت له هالكلام .. بس اهو يحبج مريم والله يحبج وحسين اخوي ماقدر اجوفه يتعذب عشانج مريم : مادري ايمان .. اهوو قدم لي خاتم بس انه رفضته ايمان انصدمت بس مابينت لمريم انصدامها : امممم من حبه لج مريم : انه ليلحين ماعرفته زين .. ايمان : شلون تبين تعرفينه ؟ مريم : مادري ايمان : تبين تكلمينه ؟ بس اهو مايبي هالشي يقول بسبب لج مشاكل مريم : هم مادري محتارة .. اولا مابي اظلمه معاي وثاني شي مابي اخسر واحد مثل حسين ايمان : انتي فكري وردي علي وهالشي انتي الي تقررينه محد غيرج مريم : اوكي اموون ايمان : يلا ارتاحي الحين وباجر يصير خير وفكري زين مريم : انشاءالله .. سلمي لي على حسين وولووي ايمان : حسين ؟ هههههههه مريم : اي حسين شفيج ؟ ايمان : لا مافيني شي بس اذا تحبينه قولي تره بقوله مريم بعد تحبك ههههههههههههههههه مريم : اووه اموون يلا عاد ايمان : انزين انزين قلبي ويهج يلا باي مريم : باي ( انتهت المكالمة ) ايمان راحت على طول عند اخوها .. ايمان : حسين حسين الحق حسين واهو مخترع : ها ها بشري شقالت ايمان : اي صج تعال انت يالهيس حسين : شنو بعد ايمان : انت عاط مريم خاتم ؟ حسين : اي اهي قالت لج ايمان : ايي قالت لي حسين : هالخاتم من سنين عندي وعليه اسمها ايمان : امممممممم اهي ماخذته ؟ حسين : لا حسين : يلا انه بقوم آرقد تأخر الوقت ايمان : اقد اسهر وياي مابقه شي ع الأذان حسين : باجر عندي شغله مع ابوي لازم اقوم من وقت ايمان : اوكي عيل اروح اجوف ولاء اهي عند الابتووب حسين : يلا تصبحين على خير ايمان : وانت من هله يابعد طوايف هلي كلهم .. \\ في بيت مريم \\ مريم كانت محتارة وتبجي .. مريم ماتبي تخسر حسين .. كان وايد معجبه فيه وانصدمت لما قال لها يحبها .. اهني مشاعر مريم وايد تحركت اتجاه حسين .. خايفة تقول له احبك و تخسر اشياء وايد .. وخايفة هم تقول له ماقدر اربط نفسي فيك وتخسره وخسر حبه .. مريم : اووف ياربي شاسوي في روحي .. آرقد احسن لي اشرق يوم يديد .. يمكن ينشر الحب و المحبة .. او ينشر اشواك الألم على قلوبهم .. الصبح الساعة 7 .. حسين قايم من النووم لانه ابوه يبيه في شغله .. بس ماكان يدري شنو هالشغله .. بدل حسين ونزل عند ابووه .. حسين : صباح الخير يبه بو حسين : صباح النوور حسين : ............... بو حسين : تريقت ؟ حسين : لا يبه اول ماقمت يتك على طول بو حسين : علي ولد عمك بروح الهند يكمل دراسته .. نسبته 80 و برووح وانت ماشاءالله عليك نسبتك 91 وبتكمل اهني شرايك تروح تدرس في الهند معاه .. انه رتبت لك كل شي قبل لا قول لك .. حسين : يبه دراسة الهند مابقه عليها شي .. احنه تونا بداية سبعه واهم على نهاية سبعة يروحون .. بو حسين : ايي آقولك انه كملت لك كل الأجراآت ... حسين : والله ودي ادرس برع بس ...... بو حسين : بس شنوو ؟ انه اتمنه ان يكون عند ولد كفوو يدرس برع وايي بعدين يجابل شغله اهني ,, آبيك تكون ناجح متفوق مثلي ومثل اعمامك .. حسين : وانت تجوف تفوقني ونجاحي برع ؟ بو حسين : القرار الأول و الأخير لك وانت الي تحدد حسين : بس يبه انه موب متعود ابعد عنكم وخصوصا امي بو حسين : انت موب رايح تلعب رايح عشان تدرس حسين : ولو يبه هم بشتاق لكم بو حسين : يلا بيه توكل على الله .. وروح .. حسين : الي تجوفه يبه بو حسين : انه ماغصبك .. بعدين لاتقول ابوي غصبني حسين : لا يبه بالعكس .. انه مصلحتي اجوفها عندك وانت خايف علي و على مصلحتي بعدين بو حسين : الله يكتب الي فيه الخير .. حسين : يلا يبه انه استأذنك الحين بروح برجة مع ربعي بو حسين : الله وياك حبيبي اتحمل بروحك حسين : انشاءالله .. طلع حسين من عند ابوه كان وايد مضايج لانه بيبعد عن اهله وكل الي حواليه .. بس في نفس الوقت لقاها فرصة لانه ابوه يهتم في مصلحته .. توكل حسين على الله وراح لربعه البرجة .. مرت الساعات .. ساعة ورا ساعة .. لما يا وقت الغدا .. في بيت بو حسين طبعا ماكان احد على طاولة الغدا غير بو حسين و ام حسين و حموودي ولاء وايمان راقدين لانهم كانوو سهرانين وحسين مع ربعه في البرجة .. ام حسين : اليوم الصبح حسين كان عندك بالمكتب ؟ بو حسين : ايي ام حسين : خير ؟ فيه شي ؟ بو حسين : يام حسين .. حسين بعد اقل من شهر بروح يدرس مع عيال عمه في الهند . ام حسين واهي منصدمة : شنوو ؟ ولدي يبعد عني ؟؟ لا ماقدر يبو حسين .. اعذرني .. ماتخيل حسين حبيبي واهو يبعد عني يوم .. تبيه يبعد عني خمس سنوات او اكثر .. بو حسين : طولي بالج اهو وين بروح لسبب ولدراسة ام حسين : اهني عندنا جامعات وبقدر يدرس فيها بو حسين : بس اهناك افضل له و الله ام حسين قامت من ع الغدا : حسين ولدي مايبعد عني .. مايرووح .. ماقدر اتخيل واحد من عيالي ناقص بو حسين : ياام حسين هدي بالج اهوو رايح يدرس وهالشي لمصلحته .. ام حسين على طول دخلت دارها وظلت تبجي على ولدها .. ولاء قعدت من الرقاد .. ولاء : يبه شصاير ؟ محمد : حسين يبي يسافر وامي موب راضية ولاء : يسافر ؟؟ وامي موب راضية ؟؟ شالسالفه ؟ بو حسين : ولاء يبه روحي لأمج غرفتها جوفيها ولاء : موب بالأول اعرف السالفه ؟ بو حسين : انتي روحي لها ولاء قبل لا تروح لأمها اتصلت في حسين عشان تعرف شصاير .. ولاء اتصلت اكثر من خمس مرات اهوو مايرد عليها .. ولاء : يلا بحاول آخر مرة .. واخيرا حسين رد عليها ولاء : حسوون شفيك ماترد ؟ البيت قايم قاعد مادري شصاير ؟ حسين : شصاير ؟ ولاء : امي تبجي وحمود يقول انك بتسافر وامي موب راضية فهمني السالفه حسين : ولاؤؤ الحين انه ايي البيت ولاء : حسين فهمني السالفة بروح اجوف امي شفيها حسين : اهي عرفت اني بسافر ؟ ولاء : بتسافر ؟ وين ؟؟ حسين : بروح الهند بدرس ولاء : من صجك ؟ وعشان جذي امي تبجي ؟ حسين : ولوي ماقدر اجوف امي تبجي الحين ارد البيت .. ولاء : اوكي بسرعة لا تتأخر .. حسين على طول استأذن من ربعه وطلع من البرجة ولاء راحت عند امها غرفتها .. ولاء : يمه حبيبتي شفيج تبجين ؟ على حسين انه بسافر ؟ ام حسين : حبيبتي يمه ماقدر اعيش يوم كامل بدوون واحد من عيالي .. تبين الحين يبعد عني سنوات .. لا والله ماقدر ولاء : اهو رايح يدرس ماتبين يصير عندج ولد دارس برع عشان ايي يأمن مستقبله اهني ام حسين : آدري يمه .. بس قلب الأم يحن على عياله ولاء : الحين اهوو بيي من البرجة ام حسين : ليش خليتوه يطلع من البرجة ؟؟ ولاء : اهو قال ماتهون علي دمعة امي ام حسين : فديته والله .. مادري شراح تكون حياتي بدونه ايمان صحت من النووم .. >> صح النوم ياامون لقت ولوي وحمود في غرفة امها .. وابوها واقف في الصاله الي فوق .. |
بانتظااااااااااااااااار تكمله القصه ^_^
|
|||..::.. البــارت الخــامــس ..::..|||
ايمان تسأل ابوها : شصاير ؟ بو حسين : صح النووم اكا حسين وصل لبيتهم .. حسين : وينها امي ؟ بو حسين : في غرفتها روح فهمها انك لازم تسافر وموب عدلة تسوي في روحها هلون ايمان : شصااااااير ابي افهم .. يبه قولي شصاير ؟ بو حسين : مالي مزاج اقولج متوتر حدي الحين ايمان راحت غرفه امها مع اخوانها .. حسين : يمة حبيبتي شفيج .. ام حسين : حسبين انت موافق انك تروح عني ؟ تبي تخلي امك بروحها ؟ حسين واهو يبوس يد امه : يمه كلهم وياج .. ايمان و محمد و ولاء .. وانه بروح ادرس وبايي .. يلا يمه لا تكدرين روحج من الحين ام حسين : انه لما سمعت ابوك يقولي حسين بروح يدرس في الهند ماعرفت شسوي قلت لا محد يبعد عني من عيالي ايمان : شصاير ؟ فهموني ؟؟ ولاء : كل هالفلم و مافهمتي ؟ حمود لما جاف امه تبجي قعد يصيييح .. حسين : ايه عليه هالكتوكوت بعد يبجي علي ؟ محمد : ماما وين حسين برووح ؟ مكان بعيد ؟ ام حسين : بس ياعمري حسين بروح جامعة في مكان بعيد وايد .. محمد : بعدين من يوديني النادي ؟ ام حسين : تروح مع عيال خالتك ايمن و امجد .. ايمان : يعني حسين اخوي بسافر يدرس ؟؟ ولاء : بوو توها مستوعبة الفلم حسين : اي بسافر .. ايمان : صج حسين ؟ مايسوى البيت بدونك شي حسين : شسوي بعد .. ايمان : حسين !! ماقدر افارقك .. انت موب بس اخو لي بالهبيت .. يمكن انت اكثر واحد انسجم معاه حسين : يلا اموون سكتي لا اتكدرين امي بكلامها الحين امي بتقووم تتطلع من غرفتها وتنزل معانه تحت ام حسين : انشاءالله .. تغذيت ؟ حسين : لا يمه ام حسين : عيل قومو كملوو غداكم تحت بو حسين : ها يم حسين .. اقتنعتي ؟ ام حسين : لو بيدي يابو حسين ماخليته يروح بو حسين : يلا هونيها ونزلي مع عيالج تحت كملو غذاكم هالأسرة المترابطة مع بعضها .. الي كل قلب فيها على الثاني .. ماتقدر يوم من الأيام تفارق اي نبضه من نبضات قلبوبها .. ماكانوو متخيلين انه حسين يسافر عنهم بكل هالسهولة حسين كان اهو الغالي على قلوبهم بدونه ماتسوى حياتهم .. وشيصبر قلب الأم على افراق غاليها .. الله يصبر قلبج يم حسين كلها اسابيع ويسافر عنج الغالي .. الساعة خمس العصر .. ام حسين راحت بيت امها .. و حسين في غرفته ع اللابتوب ماله .. محمد و ولاء و ايمان في غرفتهم موب عارفين شيسوون .. ولاء : حمود تعال بقولك .. محمد : نعم شتبين ؟ ولاء : اقعد اهني يم الميزتواليت باسوي لك شي .. ايمان : هي انتي .. لعبي ع الياهل .. محمد : ايمانوو سكتي انتي شعرفج ايمان : اجوف طلع لك لسان بعد محمد : اي من زمان انه فيني لسان .. ولاء : تعال معاليك منها بس ولاء اخذت اخوها و حط له مكياج ولبسته فستانها لما كانت ياهل .. ولاء : ماشاءالله عليه اخوي صاير جنه القمر .. محمد : الاااي جني سندريلا ,, ايمان : ههههههههههههههههههههههه جنك سحليه محمد : سحليه تاكلج .. ولاء : ماعليك منها .. انتي ايمانو خلج هزاز اوكي ايمان : مولت عليكم محمد : يلا ولووي تعالي نروح نوري حسين .. راحو ولاء و محمد غرفة حسين .. حسين : بسم الله الرحمن الرحيم .. من ذي الي وياج ولووي ؟ محمد : سندريلا حسين : ههههههههههههه شمسوي في روحك ولاء : نيوو لووك حسين : حمود انت موافق تصير بنت ؟ محمد : مادري .. اذا صرت بنت انت بتبقى ولد بروحك في البيت حسين : ههههههههه ولاء : يلا حمود تعال تشيل المكياج و الكلبس الي في شعرك .. والبسك اثيابك الحين الماما بتيي ايمان في نفسها : مادري مريم متى بتروح الكويت .. خل اتصل لها .. ((" في بيت مريم ")) مريم كانت مع اختها مها و ملاك في الصاله .. وتلفونها فوق غرفتها .. مريم : شصاير في الدنيا اليوم ؟ مها في البيت مها : ههههه شقصدج يعني ماتبيني اقعد في البيت ؟ ملاك : اي انتي كل يوم في بيت خالد خطيبج اليوم قاعدة في البيت .. مريم عرفت مها انها كانت مضايقة مريم : مهووي في شي ؟ مها : لا خليها على الله .. مريم : تعالي فوق قولي لي شصاير بينج وبين خالد ؟ مها : صعدي وانه آيي وراج مريم وصلت لغرفتها لقت تلفونها فيه 3 مكالمات من ايمان .. اتصلت فيها .. ايمان : آلو هلا مريووم مريم : هلا هلا اموون شخبارج ؟ ايمان : بخير الحمدلله انتي شخبارج مريم : تمام ايمان : ملانه حدي بفطس من الملل مريم : قومي تعالي قعدي معانه في بيتنا ايمان : لا مابايي فشله مريم : اي فشله يلا قومي تعالي ايمان : اووكي بس ابدل وآييج .. مها : من كنتي تحاجين ؟ مريم : اموون رفيجتي الحين بتي مها : اييي اموون من زمان ماجوفها مريم : يلا عن الجمبزة قولي لي السالفه شعندج ويه خالد .. مها : شقولج ياخيوتي .. خالد احسه وايد متغير علي .. وايد وايد .. يقول لي وين تبين نروح شهر العسل قلت له ايران اهوو يقول لا احنه مخططين على اوروبا .. بعد اهو سألني وين خاطرج تروحين قلت الي خاطري فيه مريم : على هالقصة بس مسويه روحج زعلانه ؟ مها : لا موب بس على جذي .. يقول لي انتي متغيره من الحين الله يعين لما تنزوج مادري شبصير فيج مريم : الله يهداه خالد بس .. حبج خمس سنوات وبعدها انخطبتو والله ماغير عليكم الحين ياي يقولج متغيره ؟ مها : شعرفني فيه كل مره يدور له حجة عشان يخلق مشكله مريم : يلا حبيبتي ماعليج منه اهو اصلا مايقدر يفارقج الحين بيي لج يصالج .. مها : اي اكيد .. كل مرة ازعل اهو الي يراضيني .. === في بيت بو حسين ===== ايمان : حسوون قوم وصلني بيت مريم حسين : الحين اوصلج .. طيارة تحت امرج .. ايمان : اي اي شعليك حب ياخوي .. حسين : ايمانوو باقى شي على سفري .. ومريم موب راضية تفيسني ايمان : انت اصبر ياخوي والله ماردها لك حسين : انزين يلا تحركي انه بروح اطلع السيارة ايمان : اوكي .. وصلوو عند بيت مريم لانه موب بعيد وايد عن بيت ايمان حسين : ذي بيتهم ؟ ايمان : ايي حسين : اتصلي فيها خلها تنزل بجوفها ايمان : والله العظيم فاظي حدك ماعندك سالفه .. حسين : انزين يلا قلبي ويهج وسلمي عليها وقولي لها فكرت او ليلحين ؟؟ ايمان : انشاءالله يابعد الي راحو ولا يوو .. حسين : ومتى ارجع لج ؟ ايمان : بتصل فيك حسين : اتحملي بروحج ايمان : وانت بعد وصلت ايمان عند بيت مريم .. طلعت لها مريم الي مثل القمر مريم : هلااااا متغوية ؟ ايمان : ههههههه ويهج متغوية مريم : يلا دخلي تو مانور البيت ايمان : منور بوجودكم ام مهند : ياهلا ياهلا بامووون ايمان : شخبارج خالة ؟ ام مهند : بخير حبيبتي انتي شخبارج ؟ شخبار امج ؟ ايمان : بخير الحمدلله تسلم عليكم ام مهند : الله يسلمها .. اتفظلي مع مريم حبوبه مريم : يلا اموون تعالي نصعد غرفتي .. ايمان : اوكي ظلوو البنات سوالف وضحك مع بعضهم .. ايمان : مريم .. الا شخبارها غدير ؟ مريم : اييي غدير من ثاني يوم اجازة راحت قطر عند اهل امها ايمان : ايي انه اجوف كلما اتصل لها لايمكن مريم : اسبوع او سبوعين وبترد مابطوول .. ايمان : يقولج فكرتي ؟ مريم : من ؟ ايمان : حسين لا في غيره !! مريم وملامح الخجل على ويها : امممممممم مادري ايمان : سمعي انتي لا تلفين او تدورين قولي بسرعة اي او لا مريم : يقولون الصراحة راحة ,, مابي اخسر قلب اخوج ايمان : على فكره مريم .. حسين مابقى شي على سفره يمكن سبوعين او اقل مريم : اوه زين زين ,, وين بروح ايمان : اي زين بس مريم : خير ؟ ايمان : حسين بروح يدرس في الهند مريم : من صجــج !!؟ ايمان : ايي .. والله امي كل ما انيب لها هالسالفه تبجي مريم : الغربة صعبه واخوج بيتغرب عنكم ايمان : مريم .. حسين مايبي يفقد الامل فيج مريم : اخوج وراه سفر .. بسافر وبيلهي روحه بالدراسة وبيناسني بعد ايمان : من قال ؟ اخوي يحبج .. كتم في قلبه حبج كل هالسنين تبينه يوم بيتغرب عن الكل ينساج ؟ لا مريم .. كلامج غلط .. قلب الأنسان اذا حب يوم عمره مايقدر ينسه حبيبه مريم : وانه باجر بسافر في الليل .. بروح الكويت سبوع ,, ايمان : امممم عليج بالعافية مريم : ايمان .. بتكلم وانه مقمضة عيني .. عشان ماطلع فيج وآستحي اتكلم .. ايمان : ههههههههه يحليج يلا قمضي وتكلمي .. مريم قمضت عينها وتكلمت : اجذب لو قلت ماحبه .. اجذب لو قلت مابيه .. حرام الي اسوي فيه اعذبه .. مابقى شي عن سفره ,, مابخليه يحمل جفا او صد مني .. لا .. بخليه يحمل امل انه لما يرد في مريم تنتظره وتحبه وتخاف عليه ايمان : مريييييييييم انه في حلم ام علم مريم : يلا عاد ايمان .. ايمان : كلللللللووووش .. واخيرا ياخوي برد قلبك خلني اتصل فيه اقوله .. مريم : شفيج .؟ اموون آستحي ايمان حظنت مريم : مريم ريحتي قلبي ,, والله حملت هم اخووي .. مريم : يلا لا اتصلي في اخوج .. ايمان : الو مايرفع الخط بعطيج تكلميه وقولي له كل شي قلتيه لي مريم : اوكي .. ايمان : الو حسين .. حسين : هلا خوختي ايمان : يود مريم تبي تحاجيك على طول سلمت التلفون لمريم من غير ماتعرف رد اخوها مريم : ايمانو آستحي اتكلم .. ايمان : قولي بس انه مريم واهو بقولج .. صيري جريئة شوي مريم : لالا ماقدر انه بقولج وانتي قولي له ايمان : اناءالله كلهم يستحوون ايمان : ها حسوون .. اهي بتقول لي حجي وانه اوصله لك حسين : اموون متأكده ؟ ايمان : من شنو اتأكد ؟ حسين : انه في حلم ؟ ايمان : لالا موب في حلم في واقع حسين : يلا خلها تقول ايمان : مريووم يلا قولي .. مريم : قولي له .. حسين سامحني .. على كل هالسنين الي ظلمتك فيها .. اعذرني ماكنت ادري انه في ملاذ من الحب على عرش متربع ينتظرني .. حسين .. احبــك .. ايمان : اظن سمعت كل شي .. حسين : شنو شنو ؟ لالا ماسمعت قولي لي شنو قالت مريم في النهاية ؟؟ ايمان خلها تعيد شقالت ؟ ايمان : هههههههههههه ايه على حظي ,, حسين : عطيني بسمعها منها موب مصدق والله ايمان : اوكي لحظة بقولها .. ايمان : مريووم يبي يسمعها منج .. مريم : آستحي ايمان : حسوون اكا تقول تستحي حسين : قولي لها تستحي من حبيبها الي يحبها ويمووت فيها ؟ مريم : مون قولي له والله آستحي .. ايمان : تستحي حسين : خليه سبيكر .. ايمان : اوكي .. يلا حسون اكا خليته سبيكر .. حسين : مريوومه .. تغلى علي الكلمه اسمعها مرة ثانية منج ؟ مريم واهي تذووووب في الحيا : ........................... حسين : اموون آدري فيج مستحية ,, بس انه موب بس احبج .. الا اموت فيج اقتل نفسي عشان اوصل لج مريم بصوت رقيق وناعم : وانه بعد حسين : قوليها عفية .. انتي شنوو مريم : ...................................... ايمان : يعني اظل ساكته ؟ حسين : اي خلج ساكته مريم : هي كل شي ولا اموون لحد يكستها حسين : افا عليج .. ماطلبتي شي .. يلا مريووم قوليها مريم بصوت واطي وبكل اناقة وخجل : حسين .. حسين : عيونه مريم : .................... آستحي مابي اقولها الحين حسين : يااااااااي اموون من صدقج انتي مريم تتكلم ؟ لالا انه موب مصدق بطييييييييير من الوناسة .. مريم متى بتقوليها لي؟ مريم : لازم اقولها ؟ اهي في قلبي وخلها في قلبي حسين : اوووكي خليها في قلبج ياقلبي انتي .. ايمان : حسين يلا بسك تعال خذني .. مريم : وين ياخذج تعشي وياي ايمان : لا فشله وراج سفر باجر والحين ارتاحي حسين : مريم بتسافرين ؟ مريم : اي بروح الكويت سبوع حسين : اهاا تردين بالسلامة .. امون بعد ربع ساعة باييج ايمان : اوكي لا تتأخر حسين : يلا باي .. ( انتهت المكالمة ) طير من السعد شاذي .. يغرد في سما حبه .. طيور الحب تتلايم على عزفة و دموع فرحة .. تجمــعت طيور الحب في قفص ذهبي واحد ,, واخيرا ياحسين .. عقب صبر وكتب حب مريم في قلبك .. فرجت .. بس ماندري الزمن شراح يقدم لنا ؟ |
.
. يسلمووووووووووو العيون بس احس ان النهايه حزينه << الحاسه السادسه اشتغلت عندها ههههههه اذا حزينه ما ابي اكلمها قولي لي دبه |
يسلمووووووو العيون الباكيه على القصه
ولاتخلى تحمست لقصه نريد التكمله |
|||..::.. البارت الســادس ..::..|||
وصل حسين عشان ياخذ ايمان من عند مريم .. ايمان : يلا مريووم اجوفج على خير .. اكا حسوون وصل .. مريم : صج دلاعة .. ليش بتروحي عني ؟ ايمان : اووه نسيت انج بتسافري ,, يلا مع السلامة عمري اتحملي بروحج وايد .. مريم : وانتي اكثر .. سلمي لي على امج وولوووي وايد .. ايمان : يوصل مريم : تامرين على شي من اهناك ؟ ايمان : لا والله سلامت قلبج .. سلمي على مها .. مريم : مها مع خطيبها في غرفتها متزاعلين وياي يراضيها .. ايمان : اهاا .. يلا مع السلامة حبوبه بتوحشيني مريم : وانتي اكثر .. طلعت ايمان من عند مريم .. حسين : جان ماطلعتي خلج شوي بعد ايمان : بعد احد يقعد مع مريم ويمل منها حسين : انزين ركبي مالي بارض احد ايمان : شصاير .. حسين : باقي سبوع بالظبط على السفر ايمان : صج !! بتروح الهند حسين : لا عيل اتغشمر وياج ايمان : صج الأيام بسرعة تمشي حسين : توه ابوي قال لي .. اتصلو فيه عيال عمتي وخبره ايمان : اممممم حسين : اووف الحين شلون اخبر امي ؟ ايمان : لا تقول لها الا يوم الي بتروح فيه حسين : لالا اخاف يصير لها شي ايمان : اوكي خل ابوي يتفاهم معاها لما تقتنع >> وصلوو عند بيتهم .. حسين : يلا نزلي .. ايمان : وين بتروح ؟ حسين : مادري افتر في السيارة ايمان : اوكي تحمل بروحك لا تفكر ولا تهم روحك وايد حسين : يلا الله كريم ,, اهم شي ارد والقى مريم ونتزوج ونعيش مع بعضنا ايمان : الله لا يفرقكم ياخوي يالغالي ,, الساعة 9 في الليل مريم راحت الكويت تجهز لزواج مها ,, في بيت بو حسين .. الساعة 11 ,, بو حسين : بنوره (( نورة الا اهي ام حسين )) ام حسين : آمر بو حسين : بعد سبوع مباشرة حسين بروح الهند ام حسين وبدت علامات الحزن تظهر على وييها : يعني بروح عني ولدي بو حسين : الله يهداج وين بروح عنج .. المفروض تفتخرين انه لج ولد يدرس بره وبيي رافع راسنا ,, ام حسين : خلاص بو حسين غير الموضوع مابي اتأسف عليه من الحين ,, اذا بروح يصير خير بو حسين : تتأسفين على شنو ؟ عيل راحتج مانبي نذكرج .. في غرفة البنات .. ولاء كانت ع الابتوب وايمان على سريرها ايمان : ولوي ,, حسين بعد سبوع بسافر ولاء : امبيه من صجج ايمان : اي بروح اربع سنوات يدرس ولاء : اربع سنوات مانجوفه !! ايمان : لا عاد يعني بيي لنا بين كل فتره ولاء : مايسوى البيت بدون احد من اخواني .. ايمان : اي والله .. ولاء : يعني بكمل حسين دراسة الا انتي متزوجة ايمان : يالهيسة انتي كله ذي تفكريج ولاء : ههههههههههه اي لا اقول الصج .. الا متى زواج مها ايمان : سبوع الياي كأنه او بعد سبوعين ..::..||| الــــــبارت الســــــابع |||..::.. ايمان : الا وينه حمود ؟ ولاء : تلقينه في سابع نومة الحين ايمان : ايه عليه ولاء : ايه على حظي ايمان : انجبي انتي خليني آرقد ولاء : شصاير في الدينا ؟ ايمان : تعبانة حدي ولاء : انه اقوم اجوف حسين شيسوي .. راحت ولاء عند اخوها لقت عينه منغمره من الدمووع .. ولاء : حبيبي حسين شفيك ؟ حسين على طول مسح دموعه : لا فديتج مافيني شي ولاء : تبجي وتقول مافيك شي حسين : ولووي مابي ابعد عنكم .. ماقدر .. تعودت اعيش بينكم ولاء : ولا احنه .. محد يقدر يتخيل يوم من الأيام احد يبعد عنا حسين : ولاء لا تنسوني ولاء : مستحيل ننساك ,, انت اخونا ونحبك .. حسين : حتى انه احبكم واحب مريم ولاء وهي متعجبة ! : اي مريم ؟!! حسين : مريم رفيجت ايمان .. ولاء : تصدق يابعد جبدي حاسيت بهالشي ومن متى هالكلام ؟ حسين : ههههه ساحرة لأنج ولاء : طالعه على اخوي .. . . . . . وظلوو الاخوان سوالف وضحك لي اذان الفجر . . . . . يوم ورا يووم .. . . . . حان موعد سفرهم ويل حالي بلاهم يعل ربي يحفظهم لي في قلبي غلاهم كيف بسلى عقبهم كيف بنسى هواهم كيف البي زقرهم دون مااسمع نداهم ياخلاوة محلهم لي به ايلس وياهم وين دوسة جدمهم وقت ولحظة لقاهم وين بلقى مثلهم لي شرى الماء صفاهم والله اني احبهم مااتحمل جفاهم الأهل و الحبايب كلهم في بيت بو حسين .. اليله الغالي بيودعهم .. كان في بيتهم خالاتهم و عمومهم وربع كلهم .. نزل حسين من فوق غرفته لقى الكل ينتظره تحت .. بس حسين مانزل وحده نزل واهو حامل جنطة سفره معاه .. ربعه كانو في الميلس و خواته مع الحريم ,, ام حسين ماتمالكت روحها على طول اخذت حسين وظمته لها ام حسين كانت وايد تبجي على ولدها .. خالتهم منيرة : بسج ياام حسين الولد بروح يدرس وبيي لنا في الأجازة ام حسين : ماقدر ابتعد عن احد من عيالي يوم واحد الحين تبون حسين يبعد عني سنين .. صعبه حسين : يمه لا تسوين في روحج جذي .. خليني اروح وانه مرتاح .. ام حسين : غصب عني حبيبي .. حسين : يلا يمه مانبي نتأخر ع الطائرة لبسي عباتج وخلينا نروح المطار منيرة : لا حسين امك مابتيي المطار ابوك وخواتك وربعك كلهم بيوون معاك حسين : يلا خالتي مع السلامة .. منيرة : في حفظ الله .. اتحمل بروحك .. حسين : يلا يمه !! بودعج اودعج يايمه وداع المهاجر .. وداعك يلحبيبة فطر قلبي والخاطر ,, لا تتطول رحتك ترى قلبي عليك ماهو بصابر غصب عني يالحبيبه اخليج .. وسط البكى والنوح يايمة بخليج .. اخاف اطول رحلتي ولا جوف من بعد نور العيون يضوي لي عيوون .. ياضيا عيني رجيتك .. خافقي معك مانستك ,, في امان الله يوليدي عسى الله يسدد دروبك اببعد عنج يايمه وداع الطير المهاجر ,, ترك عش(ن) ملاه بروحه حنانج وشلون اليوم اهاجر ؟ ام حسين ماتمالكت نفسها حظنت حسين بقوة وظلت تبجي عليه .. بو حسين والدمعة في وسط عينه بس ماحب يهلها : يلا يبه حسين تأخرنا .. حسين : يبه خلووني عند امي شوي .. آبي احظنها و اقبلها .. بو حسين : يلا يم حسين تأخرنا ايمان : حسين ! حسين وعينه مغمورة كلها دموع : عيون حسين انتي ايمان حظنت اخوها وظلت تبجي تبجي عليه : احسين تحمل بروحك بتوحشنا .. البيت مايسوى بدونك شي حسين : وانتي اكثر وحده بتوحشني في هالبيت .. ايمان واهي ليلحين متماسكة بحسين وحاظنته وتبجي : موب قادرة اتخيل روحي انك بتباعد عنا حسين واهو يبجي : شسوي غصب عني .. ولاء : وانه ؟ حسين : انتي الغلا كله ولاء حظنت اخوها ,, : وتمالكت دموعها :: بتوحشنا ياغالي .. حسين : وانتو اكثر .. ماوصيكم على امي .. بو حسين : امك في عيونا محمد : حسوون اخوي وين بروح ؟ ليش تبجون عليه حسين : تعال انت ياشيطوون .. انه بسافر عنكم محمد : وين بتروح حسين : بدرس محمد : عيل من اوديني النادي حسين : روح مع عيال خالتي منيرة او ابوي محمد يجي بصوت عالي : لالالا مابي ابي حسين ماما حسين دموعه كلها دموع : يلا حبيبي عطني بوسة عشان اروح محمد : اموح ,, بس متى بترد ؟ حسين : مابطول شوي وراجع ... ام حسين : يلا يمه ,, روح ابوك ينطركم برع حان موعد سفرهم ويل حالي بلاهم يعل ربي يحفظهم لي في قلبي غلاهم كيف بسلى عقبهم كيف بنسى هواهم كيف البي زقرهم دون مااسمع نداهم ياخلاوة محلهم لي به ايلس وياهم وين دوسة جدمهم وقت ولحظة لقاهم وين بلقى مثلهم لي شرى الماء صفاهم والله اني احبهم مااتحمل جفاهم ولاء ,, محمد ,, ايمان ,, بو حسين .. وربع حسين .. احمد .. ناصر .. علي كلهم في المطار مع حسين .. ايمان كانت تبجي وايد وايد على اخوها .. ودع حسين ربعه ,, واخوانه وســـــــــــافر حسيـــــــــــــن ,, ايمان كانت في السيارة مع ابوها واخوانها ,, رادين البيت من المطار .. وصلها مسج من مريم (( هلا اموون انه في مطار الكويت عقب ساعات باوصل مطار البحرين )) ردت لها بمسج (( وانه توني رادة من المطار .. حسين سافر )) مريم انصدمت لما وصلها الخبر ,, عينها دمعت لا شعوريا ,, مها : شفيج مريم ؟ مريم : لالا مافيني شي بس ايمان مطرشة لي مسج حزين خالد : ايي ماتعرفون مريم بسرعة تتأثر وبعدها بساعات .. وصلت مريم على مطار البحرين .. كان وقت وايد متأخر تقريبا الفجر .. على طول كلمت ايمان ,, ايمان : الو مريم : الو هلا ايمان شخبارج ايمان وصوتها كله حزن : هلا مريم بخير الحمدلله على سلامتج مريم : الله يسلمج ,, عيل سافر حسين ؟! ايمان : اي سافر ,, مريم هم كانت تبجي : الله يرده بالسلامة ايمان : مريم ,, لا تتخلين عن اخووي ,, اهم يحبج وايد ويسلم عليج مانساج .. حتى لما كنا في المطار و في البيت قال لي اهم شي مريم حطيها في عينج مريم : اكيد مابنساه في قلبي ,, الأيـــــــــام تمشي يوم ورا يوم كانت ليله زواج مها ,, مريم كانت في اروع مايكوون ,, وايد حلوة .. ناعمة وتهبل ,, كل الي يجوفها يتغزل فيها ,, مغطيه ع الكل .. في بيت بو حسين .. ايمان : ولووي وين الشدوو اليديد ؟ ولاء : شعرفني خليني اكمل استشوار شعري ايمان : هيي انه كملت وانتي خلج بنروح عنج ام حسين : ها يبنات ليلحين ماكملتوو ولاء : يمه تعالي كملي لي برزوو البنات بعد قصة معاناة لوول .. وصلووو الى الفندق .. ايمان : يمه كاهي خالتي ام مهند ام مهند : ياهلا ياهلا ,, ام حسين : هلا ام مهند .. شخبارج ؟ متباركين ام مهند : ياهلا فيكم بخير الله يسلمج ,, شلونكم بنات ايمان : بخير خالة الله يسلمج ولاء : بخير الله يسلمج خاله ,, الا وينها مريم ؟ ام مهند : كاهي مريم يم بنات خالتها ايمان : بووووووو ماشاءالله ذي مريم ؟ ام مهند : ههههههههه اي ماشاءالله عليها صايرة تهبل ام حسين : اي والله طالعه جنها قمر ولاء : خلني بروح لها .. |
يسلمو العيوووووون الباكية
|
..::..||| البارت الثامن |||..::..
يات لهم مريم : سلااام ام حسين : هلا بالقمر ,, ايمان : شهالكشخة ولاء :يه يه يابخته اخوي فيج >> زله لسان ايمان : ايي اي ولاء ماتقصد شي ام حسين : والله ياليت ناخذها لحسين الله يرده بالسلامة مريم واهي مستحية وبس تبتسم مريم : الحين بتوصل مها .. اهي في الطريج يلا ننتقل الى قصة العروسين .. الي بعد حب و معاناه وصلوو الى بعض .. خالد ومها كانو في طريجهم للفندق خالد : واخيرا التقينا مع بعضنا ,, وجفتج وانتي لابسة فستانج الأبيض خلاص مهووي انتي لي مها : اي ياعمري .. مابعد الصبر الا الفرج خالد : ياااي موب مصدق عمري مها : تبي اعطيك كف عشان تصدق ؟ خالد : لا خل لبعدين ههههههه نزلت مها و خالد من السيارة ,, واتوجهوو الى القاعة .. مها كانت تهبل ,, حدها كانت حلوة .. جمالها موب طبيعي مها وخالد .. التقوو عصافير الحب في قفص واحد .. مها ماسكة يد خالد وعلى اغنية البدر لراشد الماجد .. الكل كان يناظر لمها بستعجاب كانت وايد وايد حلوة .. وصلوو المعاريس ع الكووشة .. سلموو عليها البنات وباركوو لها ... مريم و ايمان و ولاء وكل ربعهم كانو يرقصون ,, بس مريم مغطية عليهم كلهم .. ام حسين : يلا ولووي امون تأخرنا الساعة 3 الفجر الحين مريم : خالة عفية خليهم بعد شوي ام حسين : ههههه لا حبيبتي تأخرنا وانه اخاف امشي السيارة هالحزة ام مهند : لا تنسين ياام حسين باجر عندنا الغدا في البيت ام حسين : ولا يهمج ياخويتي .. ولاء : يلا يمه نمشي .. ام حسين : وينها ايمان ايمان : كاني يمه ام حسين : بيي شيطلعني الحين في نصايف الليل ,, اخاف والله ايمان : اسوق عنج يمه ؟ ولاء : مابقى على السواقة شي ايمان : اي والله .. ام حسين : يلا ركبوو بسرعة الحين شيوصلنا انه اخاف من الطريج ولاء : اتصلي في ابوي ايي لنا ام حسين : صج غبيه .. جان انحصل لنا زفة ع التأخير هههههه ركبوو البنات السيارة وراحو على بيتهم .. الأم كانت وايد خايفة لانه الطريج ظلمة وفاضي ,, وصلووو البيت على خير .. بــعد ثلاث اشهــر .. حسين كان دايم يتصل في امه واخواته او انه يكلمهم ع المسن ,, وعلى طول يكلم مريم ويسأل عنها ... اتصال بين مريم و حسين >> طبعا موب اول مرة .. حسين : آلو هلا حبيبتي مريم : هلا هلا حبيبي حسين : شخبارج ؟ مريم : بخير الحمدلله .. انت شخبارك شمسوي ؟ حسين : اوووكي ماشي الحال .. مريم .. وحشتيني مريم : وانت اكثر بعد شاسوي .. حسين : صبري بس كلها جم شهر وانزل البحرين في الأجازة واكحل عيني فيج مريم : متى بس .. حسين : ايه عليج والله . . . . . . . . . . و طيور الحب عايشين اجمل واحله قصصهم .. وهم ايمان و ولاء مستانسين وايد .. فتحت المدرسة على خير .. وانتهت الأجازة .. وسافروو عايلة بو حسين العمرة وردو وكاهي الأيام تمشي وتمشي ... بعـــــد سنــــــــــة وسبــــــــعة شهوور .. ام حسين : يلا يبنات عندي لكم بشارة تسوى مليون ولاء : صج يمه ؟ بتعطيني مليون ام حسين : هههههههههه لانه الي بيي لكم باجر يسوى مليوون واكثر ايمان : حسين اخوي بيي باجر ؟؟؟ من صجج يمه ام حسين : اي يمه .. ايمان : وحشــــــناااااا ام حسين : اي والله وحشنا وايد وايد ايمان : يمه اهو قالج لما كلمتيه ام حسين : عن شنوو ؟ ايمان : يمه !! ماقالج ؟؟ ام حسين : لا خير ؟؟ ايمان : حسين يبي يتقدم لمريم ام حسين : خوش والله .. خطط على كيفه ولا جنه عنده اهل .. ولا حتى افتكر يقولي .. ولاء : اي يمه اهو قال لنا عبالنا انج تدرين ام حسين : بكلم ابوج انه بقوله .. وبعدين حسين ليلحين يدرس وصغير .. يفكر في دراسته احسن .. ايمان اتصلت في مريم .. مريم : آلو ايمان : الوين .. عندي لج بشارة مريم : مايحتاي تقولين حسين بيي باجر ايمان : شدراج ؟!! مريم : هههههه قالي .. ايمان : انزين ماعلينا .. اهم بيون يتقدمون لج مريم : شنو شنو ؟ انه ليلحين ادرس وحسين هم يدرس ايمان : المفروض تكونين طايرة من الفرح مريم : من قال اني موب فرحانه !! ايمان : المهم بعد جم يوم بيون اهلي بيتكم يتقدمون لج مريم : على خير .. ايمان : انزين مريم خلينا نروح اليوم الى غدير وحشتنا مريم : اي ليش لا ايمان : اوكي عيل امرج ونروح لها ام حسين كانت وايد فرحانه بردت ولدها .. وكانت تزهب له غرفته وغيرت اثاث غرفته وخلتها مثل ماكان يبيها .. وكانت طايرة طايرة من الفرح !! ايمان نزلت لأمها : اي اي شعليك منو قدك قوم ارقص هز خصرك حسوون بنور البحرين باجر .. ام حسين : ههههههه اي وحشنا وليدي ايمان : يمه العصر بروح بيت غدير .. ام حسين : بسج طلعات ايمان : اصلا من سافر حسين ماقمت اطلع مثل قبل ام حسين : احد ميودج عن الطلعة ايمان : يالله عليج يمه توج تقولين بسج طلعات ام حسين : وين بتروحين ؟ ايمان : بيت غدير وبعدين بنروح الموول ام حسين : بيت غدير اووكي بس المول سألي ابوج اهو بيت يدج المول كل يوم طاقتها ورايحة ايمان : انزين ولووي وياي بعد ام حسين : انزين فكينا ذلفي روحي .. ايمان : يمه الحين اعطيني جواب نهائي اروح او لا ؟ ام حسين : بتروحين روحي الطريج حاط روحه ايمان : خلاص خلاص مانبي نروح ام حسين : الحين ماقلنا لج لا تروحي ايمان : من لهجتج وياي ام حسين : كيفج والله .. انحطهم فوق راسنا ويذلونا بو حسين سمع ضجتهم بو حسين : شفيكم ,, صاير ايمان دلووعة ابوها على طووول راحت له : يبه جفت امي ماتبيني اطلع من البيت ام حسين : انه ماقلت لها لا تتطلع بس اهي وايد تقل اذبها لما تكلمني وترفع صوتها بو حسين : لا ياايمان .. ماعندنا بنات اطول اسانها على امها ايمان : بس يبه انه مارفعت صوتي ام حسين : ولج عين بعد اتجذبيني .. ايمان : يمه خلاص عاد قلنا مانبي نطلع ومافي داعي للمحاظرات وركضت ايمان على غرفتها واهي حدها معصبة بو حسين : شفيها ذي ؟ ماعندها احترام لحد ام حسين : ايه ,, لو اهني حسين محد يتجرأ يرفع صوته علي ,, بو حسين : يلا باجر اهوو عندج .. ام حسين : انزين بطول اهني ؟ بو حسين : مادري والله اهو قال على حسب .. ايمان الدلوعة راحت غرفتها وظلت تصيح ولاء : اووهوو .. شفيها ذي بعد تبجي ولاء : امووون شفيج ؟ اكيد محصله لج زفة حلوة من امي وابوي ايمان : ولوووي تكفين خليني بروحي وذلفي برع ولاء : جي انتي عبالج الغرفة بروحج ؟ انه لو ماخاف بروحي جان مانزلت روحي آقعد وياج في غرفة .. ايمان : ولووي والتالي وياج .. قلنا لج ذلفي برع ولاء : زين زين جب لا تعصبين اعصابج بس ,, خل انزل اعرف السالفه من ابوي نزلت ولووي الى امها وابوها تحت ,, وكانو يسولفون ويجهزوون الى ردة ولدهم حسين ام حسين : ياني شكثر مشتاقة لشوفته ولدي بو حسين : له وحشة كبيرة والله ,, ام حسين فجأة تغيرت الوان ويها .. و راودها شعور وجنها موب قادرة تتنفس ,, بو حسين : شفيج يالغالية ؟؟ عشى ماشر اول مره اجوفج بالهحالة ام حسين : لالا مافيني شي عادي كل مرة ايني هلون بو حسين : وبعد كل مرة وماتقولين ام حسين : عادي اصلا بو حسين : لا موب عادي لازم تروحي لطبيب ام حسين : لا تكبر السالفه و تخرعني وطبت عليهم ولووي الشيطونه مرة وحده ولاء : هاي بابي هاي مامي شقاعدين تسوون بو حسين : نلعب الصيدة ولاء : افاا يبه ماتقولون لي ام حسين : بسج هذره فاضية و وينه اخوج حمود ؟؟ ولاء : يلعب بليستيشن في غرفته ,, لعبت معاه شوي وقمت عنه ولاء : الا شفيها اموون تبجي ؟ بو حسين : اهي ليلحين تبجي ؟؟ ام حسين : اي خلها تحس عشان ماتقل اذبها غير مره علي في بيت مريم ( بيت بو مهند ) طبعا مثل ماعرفنا المسؤول عن مريم اهوو اخوها العود مهند .. لانها ابوها متوفي لما كانت صغيره مهند كان يسولف لأمه ,, مهند : يمه ,, اليوم عمي كلمني عن مريم ام مهند : شفيها مريم ؟ مهند : يقول يبيها لولده ناصر ام مهند : شلون شلون ؟؟ لا ياولدي بنتي توها ماكملت ثنوية مهند : يمه لا تخليني اعصب .. افهمي شوي آنه ابي مريم تاخذ ناصر رضيتو او انرضيتوو ,, هلون نقدر نحصل شي من الورث الي مابقا لنا منه ولا فلس ام مهند : قلعته هالورث موب على حساب مستقبل بنتي مهند : رضيتوو او مارضيتوو في الطقاق وانتمنى انج ماتكلمينها عن هالسالفه .. ام مهند : اذا انت حكمت على شي نقدر نغيره .. طبعا لا مريم اتصلت في ايمان مريم : الو هلا اموون وينج ؟ ايمان : هلا مريم .. مضايقة شوي ,, مريم : من شنو بعد ايمان : متى بس ايي حسين ماعرف اعيش بدونه حياتي ماتسوى بدونه مريم : عيل انه الي تعلقت فيه شقول ,, ايمان : انزين اعتذري من غدير انه مابقدر اروح لها لانه شوي تعبانه وامي وايد معصبة علي مريم : ولا انه اخوي ثقيل الدم في بيتنا مع مرته نفرتيتي المتوحشه ايمان : ههههههههههههههه بنت عمج تقولين عنها هلون مريم : ماعندي انه عيال عم .. وينهم عني لما توفى ابوي همهم الفلوس وبس .. يــوم يديد .. كان حافل بالأمل و الوعد .. اليوم حسين بنور البحرين بردته .. الصبح الساعة 9 الكل يزهب روحه في بيت بو حسين عشان يروح المطار يستقبل حسين .. ام حسين : يلا يلا يابناتي احنه ننتظركم تحت حمود : هيييييي انتووو قومو نروح الى حسين يا من الهند ولاء : انزييييين بايي ايمان : يمه يمه .. مريووم خاطرها اتيي معانه ام حسين : اووكي عيل انتي ومريم تعالو مع خالتج منيرة ايمان : اوكي عيل .. اتصلت ايمان في مريم ايمان : هلا مريوومه بعد شوي بمرج مع خالتي منيرة منروح المطار مريم : يااااااااي وناسة اليوم االبحرين بتنور بتنور .. ايمان : طبعا اخوي القمر بشرفنا مريم : الا وينهم بيتكم راحوو ؟ ايمان : اي اي توهم من شوي بس ماشين ... اكا شكلها خالتي يات ,, مريم : اوكي عيل يلا انه جاهزة ايمان : قوة خالتي شلونج ؟ منيرة : هلا هلا حبيبتي بخير الحمدلله انتي شخبارج ؟ ايمان : انه بخير الله يسلمج منيرة : يلا حبيبتي نمشي ؟ ايمان : اي خاله بس نمر صديقتي مريم لانه ودها اتيي معانه المطار منيرة : ولا يهمج وصلوو عند بيت مريم .. مريم كانت مستعدة ومتحمسة حيل لستقبال حسين الكـل في المطــار ربع حسين .. خواته واخووه و امه وابوه ,, وخالته منيرة و حبيبه قلبه وامله الوحيد في الحياة ,, مريم حمود : بابا وين حسين ,, موب لازم يطلع من اهناك ام حسين : هههههههه اي حبيبي الحين بيي لنا حسين من الطيارة .. ولاء : يمه يبه قومو قووموو حسين وصــل الام كانت تمشي لحسين وكانت في المقدمة ويمها ايمان ومريم حسين على طول عينه طاحت على امه وشلون اهي طايرة من الفرح والوناسة لجوفته ,, } ماعهدتج يايمه من غربتي آعوود .. واحمل بقلبي مسك من العنبر والعنوود ,, و شوق من الوله يالحبيبه موجوود ,, فديت قلبك حبيبي طولت علي الوعوود ,, وانا ناظر همس رسمك على جدران بيتك الموعود .. طويله رحلتي بالشوق كانت ,, حنين الذكري يرجعني الج يايمة بحظانك و اظمج .. { حسين واهو حاظن امه بقوومة ماكانت عينه تناظر غير امه وبس : يمه احبج وحشتيني .. ام حسين : وانت اكثر يابعد قلبي ,, شلونك حبيبي ؟ حسين : بخير يمه انتي شخبارج .. ام حسين : انه بصير زينه دام اني جفتك .. اول مارفع حسين راسه من حظن امه عينه على مريم .. حسين : مريم !!! مريم : حسين !! شخبارك ؟ حسين واهو يغمز لها : انه بخير يالغاليه ,, انتي شخبارج ؟ مريم واهي تخجل : انه بخير .. ايمان : احم احم .. حسين : هلا بالنور كله هلا بأحلى واغلى خوات عندي اموون ولووي ... ايمان : حسين وحشتــــــتنا مووووت حسين : وانتووو اكثر يا احله خوات ولاء : حسوون وحشتني سوالفيك حسين : وحشة جوفتك اكثر هههههههههه بو حسين : وآآآآآنه ؟ حسين : انت بالقلب يابعد هالدنيا كلها بو حسين : الحمدلله ع السلامة حسين : الله يسلمك .. منيرة : الحمدلله ع السلامة حسين .. حسين : الله يسلمج خاله ,, شلونكم ؟ منيرة : بخير الحمدلله انت شخبارك حسين : انه صرت اوكي لما رديت وصت اهلي وحبايبي .. حموود : حسين انت وين تروح عني ؟ حسين : فديته فديته هالحلوو ,, انه اروح آدرس وآرد حموود : بس انه نسيت شكلك الحين انت صرت عوود حسين : هههههههههههههه بو حسين : عاجبنكم المطار ؟ يعني تبوون اطولون بعد ولاء : اي انه وايد عاجبني هههههههه |
يسلمووو العيون الباكية
بانتظار البقية لا تطولين علينا |
تسلمين خيتوو
..::..||| البــــــارت الـــــتاسع |||..::.. وصلوو كلهم الى البيت وكانوو وايد مستانسين بردة حسين ,, الكل مجتمع مع حسين في الصاله ,,واهوو يسولف لهم عن كل شي سواه في الهند وعينه كانت بس على مريم .. ايمان : يلاا انه بروح فوق مع مريم حسين : وانه بعد بروح ارتاح لي شوي في داري طبعا غرفة حسين كانت يم غرفة ايمان .. صعدت ايمان و ومريم فووق غرفتها .. وحسين صعد وراهم كانوو ايمان ومريم في غرفتها .. >> طق الباب .. ايمان فتحت الا اهوو حسين ايمان : هههههههه اقولك تفضل ؟ حسين : وحشتوني موووووت ايمان : كلنا او بس مريم حسين : كلكم بس مريمي غير غير .. ايمان : ههههههههههه حسين : آبي اكلمها خل توقف ورا الباب وباكلمها من برع ايمان : اووه الأخ صاير رومناسي وايد ايمان : مريوووم تعالي مني مريم : لالا استحي ايمان : عشتوو .. الحين طول هالفتره تكلمينه وتقولين تستحين بعد ,, مريم : اي آستحي ايمان : يلا يلا قومي كلميه من ورا الباب بس واهو بكون برع حسين نط في الخط مرة وحده : مريوووم حبيبتي تستحين من حبيبج يلا عفية بس صيري ورا الباب وانه من برع احله صورة رومناسية لأحله اثنين ,, حسين : شلونج حبي .. مريم : انه بخير انت شلونك شمسوي ؟ حسين : انه بخير دامج بخير ,, اسأل عنج مريم : سألت عنج العافية حسين : مريم مريم : عيون مريم حسين : آحبج آحبج آحبج مريم واهي كلها خجل : امووت فيك حسين : اوكي مريم بعد جم يووم بتقدم لج ,, بس خطبة ولما تكملين دراسة راح نخطب وبعدها نخطط ع الزواج مريم : يصير خير ,, . . . .لانها كانت حاسة بكوون رفض من اخوها . . . . . ومرت ثلاث ايام من وصل حسين البحرين ,, حسين كان عند ابوه في مكتبه الي في بيتهم ,, حسين : يبه بغيتك في كلمه راس بو حسين : تفظل حبيبي قوول كل الي في قلبك وانه اسمعك حسين : يبه آبيكم تروحون تخطبون لي بوحسين : ههههههههه توك ع الشقا و الخطووبة ليلحين توه عمرك 22 سنه يوليدي حسين : لا يبه ,, ابيكم تحجزون لي هالبنت مابيها تظيع مني بو حسين : ومنهي هالبنت ,,؟ حسين : مريم بنت المرحووم بو مهند بو حسين : اي والنعم فيها والله ,, بس وايد صغيره وماعتقد اهلها يوافقوون حسين : وليش مايوافقون فيني شي ؟ بو حسين : يبه حسين انت ماحطيت بالك على السنية و الشيعيه ,, احنه شيعيه واهم سنه .. لايمكن يرضون بالهشي وهاذي عادات وتقاليد الكل يمشي عليها حسين : شلون يعني ؟ انزين كلنا مسلمين وكلنا اخوان بو حسين : اي ,, هالكلام انه وانت نقوله بس اهلها لا .. حسين : ليش يبه !! انت تحطمت آمالي كلها بو حسين : انشاءالله مادار بينكم شي حسين : بس انه احبها و اهي قالت لي انه اهلها راح يوافقون بو حسين : شلون يعني .؟ انت كلمتها حسين : اي يبه كلمتها بو حسين واهو معصب : وشلون تراضاها على نفسك تكلم بنات الناس حسين : يبه انه موب من النوع الي يلعبون على خلق الله ,, انه احبها بو حسين : لا يبه .. ذي موب كلام ,, شرف البنت و سمعتها مايلامس القاع حسين : يبه احنه ماسوينا منكر بو حسين : عبالك هالشي عادي حسين : انزين يبه مابيها تظيع مني بو حسين : يصير خير ,, بكره راح اكلم اهلها وبجوف السالفه حسين : مشكوور يبه ماتقصر .. ماراح انسه لك هالمعروف طول عمري ,, بو حسين كان مع ام حسين ,, بو حسين : سمعتي بدعة ولدج ام حسين : شنو بعد بو حسين : يبي يخطب ام حسين : اي اعرف ,, يبي مريم من زمان بو حسين : شلون تخلينه يكلمها ام حسين : اهو كان في الهند وانه ماعرفت ارد له طلب بو حسين : انزين شنو الحين بتسوين الي في باله ؟ ام حسين : والله ذي زواج موب لعبة بو حسين : انه خايف من سالفه وحده ,, على الطائفيه ام حسين : شدعوة يبو حسين عادي ,, دمنا احمر كلنا اخوان ماكو فرق بو حسين : بس لو تقدمنا لها من عمومها شي اكيد راح يدققون على هالشي ومثل ماتعرفين اخوها مهند شري ,, ام حسين : اذا الولد يبيها مانقدر نوقف في ويهه بو حسين : عيل على بركة الله ,, خير البر عاجلة نروح لهم المغرب بعد الصلاة ,, ام حسين : انشاءالله .. المغرب بعد الصلاة ,, حسين سوا الى مريم هالشي سبرايس ,, بو حسين : يلا يام حسين مشينا ام حسين : اي يلااا بو حسين : وينها منيرة مايات ؟ ام حسين : اي لازم منيرة انه مااخط خيط الا معاها .. كاهي تتنظرني في سيارتها .. لانه بروح معاها وانت وحسين .. ولاء درعمت مره وحده عليهم : وين رايحين حسين : موب شغلج ولاء : يه يه اخوووي كشخة حدك ام حسين : تعال حسين بشببك قبل لا نروح حسين : وييه يمه لا توني راش لي عطر مابي تروح الريحة ام حسين : تعال زين اي ريحة اي خرابيط .. ولاء : لالا في سر ,, الخبر عند اموون اكيد تذري .. ام حسين : احنه عندنا مشوار صغير ورادين تحملوو بحمود و البيت ولاء : مو بالأول نعرف وين رايحين ام حسين : موب شغلج يلااا ذلفي والكــل استعد للروحة لبيت مريم ,, وطبعا الكل متفائل و خصوصا حسين .. ام حسين كان يراودها الألم بس ماكانت تبين لهم انها تتألم .. وصلوو بيت بو مهند .. بو حسين : الا وينهم خالتك وامك للحين ماوصلوو حسين : لا يبه كاهم يوو من الطريج الثاني .. ام مهند كانت ترحب فيهم وتهلي .. وكانت مستغربة من الزيارة المفاجأة وطبعا حسين و ابوه ظلوو نص ساعة ينتظرون احد من الريال يعبرهم .. واخيرا وصل مهند ,, مهند : السلام عليكم بو حسين : عليكم السلام مهند : ياهلا فيك يبو حسين ,, تآمرني بشي ؟ تراني حيل مشغول حسين استغرب اهم ياين يخطبون موب لشي ثاني و مهند ترحيبه خشن بو حسين : بس يا مهند احنه ياينك في موضوع ضروري و حساس ,, مهند : وكاني قعدت لكم , قولوو بو حسين مستغرب من تصرفات مهند ,, بو حسين : والله ياخوي احنه ياين نطلب يد اختك مريم لولدي حسين حسين : واذا ماكان عنك مانع ,, ومستعد انتظرها لين تكمل دراستها مهند : هاهاههههي بو حسين انت تعرف جم عمر ولدك .. وتعرف جم عمرها مريم ؟ او ماتعرف انه مريم لازم تاخذ ولد عمها وبتاخذه انشاءالله واهي مواقفه حسين : شنو شنو ؟مريم بتاخذ غيري ؟ مهند : وانت من عشان تاخذك وماتاخذ غيرك انت ماعلمك ابوك انه احنه غير وانتوو غير حسين : غير في شنوو ؟ كلنا مسلمين ومافي تفرقه مهند : لا في .. انتوو شيعه و احنه سنه وماناخذ الا الي من ثوبنا ,, بو حسين : هلون تفكيرك ؟ مهند : اي ,, وهاذا آخر كلام عندي ,, اظن في اكثر من سبب مقنع يخليكم ماتفكرون تتقدمون لها حسين عصب و انهار : غصب عنك و رضيت او انرضيت انه باخذ مريم مهند : طلعوو برع من غير مطروود بو حسين : الله فوقك يامهند حسين : احنه طالعين ,, بس مريم لي وانه لمريم مهند : قلت لكم برع ,, و لاتنسون حريكم خذوهم معاكم طلع بو حسين و حسين من المجلس ,, اتصل حسين في امه حسين : يلا يلا يايمه قومي ام حسين : خير شصاير ؟ حسين : طلعوو وانه افهمج شصاير .. ام مهند : خير شصاير ؟ ام حسين : مادري والله بس احنه نستأذن يام مهند ,, مشكورة وماتقصرين ,, منيرة : وانشاءالله متى ناخذ الرد من عندكم ؟ ام مهند : بعد اسبوع بالكثير برد عليكم ,, حياكم الله .. حسين كان حده مصدمووم ومريم جهزت نفسها ونزلت مالقت احد .. خوب اخوها طير حبيب القلب ,, ام حسين : انزين خبرونا شصاير ؟ حسين : اخوها هالندل ام حسين : قولو شصاير .. بو حسين خبر ام حسين وخالتهم منيرة بكل شي صار في المجلش ام حسين : صج جليل حيه هالصبي ,, ايمان كانت في غرفتها و تبي تعرف آخر التطورات ,, راحت لأخوها حسين وكان يكلم مريم .. حسين : ايمان حبيبتي طلعي شوي برع بعدين باي آقولج بكلم مريم ايمان : اوكي .. حسين : الو هلا حبيبتي مريم : هلا هلا حسين : مريم اخوج أهاني في بيتكم مريم : حتى انه استغربت نزلت مالقيت امك و خالتك تحت حسين : بالطيب بالقوة آخذج يعني آخذج مريم : حسين عمري سامحني الفشيله في ويهي حسين : لا تقولي جذي ,, من اخوج انتي مالج ذنب ,, اقول مريم .. خلج ع الخط عندي مكالمه من الهند مريم : اووكي حسين كانت يايت مكالمة ضرورية من الهند .. يبونه يرجع بأسرع وقت ,, ومثل ماتعرفون دراسة و انشغالات اهناك .. حسين كان وايد مصدووم .. لانه الوقت كلش ماكان مناسب واذا راح بيتأخر في الردة للبحرين بكمل الكورس كله وبعدين برد حسين : هلا حبي مريم : طولت وايد حسين : مريم عمري انه بروح الهند باجر مريم : شنو حسين ؟ من صجك او تتغشمر حسين : لا من صجي مريم : بس الوقت كلش مب مناسب حسين : شاسوي بعد غصب عني مريم : حسين بتخليني بروحي ؟ حسين : مابخليج حبيبتي دايم في قلبي .. انزين انه بروح اكلم ابوي وبعدين بتصل فيج مريم : اوكي خذ راحتك .. حسين راح لأيمان لانها كانت تبي تكلمه طق حسين الباب ,, ايمان : ادخل حسوون حسين : اموون عندي لج خبرين موب شي ايمان : شنووو بعد حسين : رحنا بيت مريم ايمان : اي اي شصار حسين : اخوها الحقير قال انها لولد عمها .. و مايبي يعطيني مريم لانا شيعه واهم سنه و كل واحد مذهبه غير عن الثاني ايمان : بووو الحين انه مع مريم من سنين مع بعض مايا هالشي على بالنا سنه و شيعه كلنا مسلمين وماكو تفرقه حسين : نذاله فيه ايمان : والخبر الثاني ؟ حسين : انه لازم اروح الهند باجر و بأسرع وقت ايمان : معقولة !! انت توك ياي حسين : شسوي بعد ايمان خلت راسها على صدر اخوها وظلت تبجي : حسين ماصدقنا انك اتيي وبعد بتروح حسين : اي انه ييت بس من ردي برد مره ثانية ايمان : والله ماصار لك سبوع من ييت حسين : يلا حبيبتي مسحي دموعج ولا تحاتين |
..::..||| البارت العــاشر |||..::..
حسين وايمان كانو بخبرون امهم ,, بأنه حسين راح يسافر الهند باجر وبأسرع وقت .. ام حسين وايد اضايقت عشان ولدها .. بس ماقدرت تحسسه بأنها مضايقه او ماتبي تفارقه .. يمكن هالشي يأثر على دراسته .. ام حسين : الله يوفقك يالوليدي وترد لنا بالسلامة .. واجوفك من احسن الناس حسين : انشاءالله يمه .. ايمان : والله مايسوى البيت بدونك شي .. حسين : وانه من غيركم اضيع .. اتغرب ام حسين : الغربة صعبه حسين : وايد .. يلا انه استأذنكم بروح داري شوي .. ايمان : وانه بروح آدرس لي جم كلمه ام حسين : اي يمه روحي فتحي لج كتاب ماشاءالله عليها ولاء اختج على طول تدرس ,, ايمان : ماعليه يمه تدرس روحي جوفيها عند الابتوب او تهذر في التلفون ام حسين : حسبي الله عليها اهي قايله بتروح تدرس .. حسين كان يكلم حبيبه القلب مريم .. يخبرها انه راح يسافر باجر .. وطبعا حال مريم بفراق حسين موب احسن من حالة امه !! مريم : حبيبي بعد بتخليني مره ثانية .. حسين : حتى لو طولت لازم برووح .. اسبوعين ولا بالكثر شهر ورايج مريم : الله كريم .. بس تأكد انك راح تلاقني موجوده لك وبس حسين : ومابيج تفقدين الأمل فيني ,, انه لج وانتي لي ومها يصير مريم : بس حسين ...... حسين : بس شنوو محد يقدر يفرقنا ,, لا اخوج ولا ولد عمج ولا طوايف اهلج كلهم .. مريم : شلون انت بتروح وامي قالت بترد على امك خلال اقل من سبوع حسين : اي صج !! موب مشكله اتواصل معا امي من اهناك و اكيد اهي بتخبرني .. واكيد موافقه !! مريم : ويحصل لي ماوافق حسين : هههههه فديتج والله ,, ومــر يــوم كــامل وحسين كان يــودع كل نســمة هوا تــمر عليه .. كــان يــودع اجمل اللحـظــات الي يقضــيها مع امه و كــل حبايبه .. يودعـــ روحــه الــي بيــبتعــد عنها .. الي متعلقــة بأمل مايندرى شنو مصيره في الأخير !! الســاعة اربع الفجــر في بيت بو حســين ,, حسين كان قاعد مايته النووده .. كان حاس انه بصير شي عقب سفره .. كان دائما يقول لأيمان اخته : ماودي ارحل عنكم حاس بصير لكم شي وايمان كانت خايفه من كلامه بس كانت اطمنه : لا ياخوي لاتقول جذي .. شبصير لنا يعني .. يتذكــر حسين كل كــلمه قالها في هالبيت .. وكل همسه همسها .. وكل ضحكة ضحكها .. وكل دمعة سالت من عينه ,, طق الباب غرفة خواته ,, ايمان كانت غرقانه في النووم ,, بس ولاء فزت على طوول .. ولاء واهي خايفة .. احد يطق بابهم الساعة اربع الفجر : من ؟؟ حسين : هاذا انه حبيبتي ولووي افتحي .. ولاء : انشاءالله .. فتحت له الباب : خرعتي حسين : ههههه مارقدتي ولاء : امبله بس صحيت اصلي ,, لانه احاتيك حسين : فديتهم الي يحاتوني .. تعالي ننزل تحت اهني ايمانوو راقدة ولاء : اوكي يلااا .. حسين كان يفرغ لأخته ولاء كل الي في قلبه !! ماكان يخش شي ابد عن خواته !! كانوو اهم روحه وحياته .. وامه طبعا الهوا الي يتنفسه !! ومريم الأمل الواعد .. الي ينتظره حسين وماوده يفقد هالأمل ولاء : صليت ؟ حسين : اي .. آخر صلاة لي في البيت .. ولاء : حسين بتوحشنا .. نضيع من غيرك حسين : عيل انه شقوول .. انتو حياتي وروحي .. ولاء : عيل شخليك لمريم .. حسين : سكتي بس لا تذكريني .. خايف يولووي اني ماخذها ولاء : اذا اتحبك تتحدى الدنيا كلها عشانك .. ويتسمى ذي تخلف بمعنى الكلمه الي يفرقون بين سني وشيعي .. حسين : وانتي الصاجة تخلف .. ولاء : ماعلينا الحين ولا تقعد اتحاتي مريم هالكثر بتاخذها يعني بتاخذها .. حسين : انشاءالله .. وانتو بعد شدوو حيلكم في الدراسة ولاء : انشاءالله وظــلوو بفرغــون لبعض كل الي بقــلوبهم .. كانت آخر جلسه بين حسين و ولاء .. وبعد ساعة ,, نزلت ام حسيــن .. ام حسين : صباح الخير .. شمقعدكم هالحزة ؟ حسين : صباح االنور .. ابد يمه بس صحينا للصلاة ومارقدنا ولاء : اي يمه .. قعدت اسولف ويه حسين .. ام حسين : ههه زين يايمة .. حسين حبيبي الساعة سبع لازم نكون في المطار حسين : آدري يمه .. وطبعا كلكم راح اتيون معاي ام حسين : اكيد .. بعد شوي بينزل ابوك نتفطر ونروح كلنا .. ولاء : ايمانوو منفاخ النوم ماصحت ليلحين ام حسين : شعليج انتي خليها تنام على راحة ,, توها الساعة خمس انتو جنكم دياي قاعدين لي من غبشه ! حسين : هههههههه شنسوي بعد ورانه سفر ولاء: يمه يواعة ام حسين : الحين باسوي لكم شي تاكلونه :: :::: :::::: ::::::: ::::::::::::: ::::::::::::::::::::::::: :::: احــله جمعــة مع احله قلووب !! الكل كان مجتمع ايمان صحت وعلى طلول نزلت عند ااخوها وامها ابوها .. الكل كان مزهب نفسه .. يفطرون ويروحون المطار .. ام حسين .. بو حسين .. ايمان .. ولاء .. محمد .. وحسين .. كانوو كلهم يظحكوون ويسولفوون .. عيون كل واحد منهم مرسووم فيها ألم و في نفس الوقت فرحة .. بأنهم ليلحين متجتمعين و لآخر لحـظة !! ويمكن هالقاء الله يعوده عليهم بعد سنه او اكثر .. بو حسين : يلا ياعيالي .. تأخرنا ع المطار حسين : انشاءالله يبه ... بس اتصل اخبر ربعي لانهم بروحون لي المطار حسين : يمه !! اذا ماعليج امر خذوو مريم معاكم ام حسين : اهي قاعدة الحين ؟ حسين : اي قلت لها تقعد بس مادري .. ام حسين : انشاءالله .. خالتك منيرة بتمر عليها انه بايي معاكم و ابوك ايمان : يمه بتيي لنا خالتي منيرة ؟ ام حسين : اي يمه لا تنسون مروو مريم حسين : لا تنسوون مريم .. ولاء : مابننساها عن ابوووه حسين : ههههههه ,, حموود اول واحد راكب السيارة ام حسين : لانه اكثر واحد يتفقدك في البيت مشوو ع المطار ام حسين و عيالها و بو حسين .. وصلت منيرة وخذت معاها ايمان و ولاء ومروو على مريم .. مريم كانت زاهبه و تنتظر وعلى طول طلعت .. الكـــــــل في المطــار حسين كان حاس انه راح يصير شي .. كان يودع امه وداع غير طبيعي ,, كان اهو الي يبجي عليها وايد واهي هم تبجي على فراق ولدها موب سهل على كل ام فاقدة شمعة .. الشمعة الي كانت تضوي كل دربها .. حسين : ماوصيج يمه على خواتي .. و ماوصيكم على امي ولاء و اموون .. مريم حبيبتي لا تنسيني .. اتذكري اني راح آخذج مهما يصير ,, يبه دير بالك على امي وخواتي ,, ولا تنسوون حمودي اهو اغلى شخص على قلبي .. امون و ولاء هالله هالله في الدراسة ,, بو حسين : لا توصي حريص .. وانت تحمل بروحك وايد .. واي شي تحتاجة اتصل فينا على طول احنه في رسم الخدمة الكــل راسم صورة الوداع ,, اظنها انرسمت في بال كل شخص تابع غربة عاشقين !! مريم كانت تهل عينها دمووع لانه وداع الحبيب صعب !! ايمان اكثرهم حنه و رقه .. ماكانت تقدر تبتعد لحظة عن حسين .. وهالمرة غير احتمال يطول في سفره اكثر من سنه و ام حسين اهي اكثر وحده حارقها قلبها على ولدها و بو حسين مايبي يحسس حسين انه جابرنه على الدراسة برع ولاء كانت تشتاق الى سوالف اخوها و نصايحه لها .. وعلى طول حسين في بالها .. خياله مايفرقها محمد كان يتسائل ليش حسين سافر ؟ او ليش الكل يصيح عليه ؟؟ خيال طفل حفر في قلبه نقش على صخره ( وداع ) كان يتصور كل انسان وله يوم وبودع غاليه .. منيرة .. كان اهي اخت ام حسين الوحيدة .. مابقى لها من هالدنيا ,, وكانت تواسي اختها على طول وماتستغني عنها !! |
..::..||| البارت الحـــــــادي عشـــــر |||..::..
في بيــت بو حسين .. (( في غرفة ولاء و ايمان )) بعد سنه من رجعه حسين الهند ولاء كانت ع الابتووب .. ولاء : امووووووووووووون تعالي حسين اخوووي اون لاين ايمان : صج صج حسين اوون ,, ولاء : اي تعالي بسرعة ولاء ظلت تسولف ويه حسين و تسأل عنه وكانوو وايد فرحانين ,, ولاء : حسين يسألني عن امي .. ايمان : روحي نادي امي باكلمه شوي .. ولاء راحت اسعاف لامها .. ولاء : يمه حسووون نكلمه ام حسين كان قلبها يألمها وايد وزايد عليها الأم .. ولاء : يمه وينج نزلت ولاء تدور امها .. حسين كان يسأل ايمان عن مريم .. لانه يتصل فيها تلفونها مقفل حسين : ليش تلفون مريم مقفل ؟ فيها شي ؟ ايمان : لابس اهي عند اختها لانها يابت لهم بنت حسين : اهااا .. مادري والله ايمان : اي .. ايمان كانت تدري انه مريم بتنخطب من ولد عمها بس ماحبت اضايق اخوها .. ماكان باقي شي على خطوبة مريم مريم جهزت نفسها نست حسين .. ماكان حبها لحسين من خالص قلبها .. لو كانت صج تحبه ما استغنت عنه او تحدت اخوها مهند عشان حسين .. ولاء لقت امها طايحة في المطبخ !! ولاء : يــــــمه شفيييييييييج ؟ ام حسين ماكانت تقدر تتنفس وحالتها لله .. ولاء : يبــــــــه الحق علينا امي مادري شفيها .. ايمان سمعت صوت ولاء تصارخ وعلى طول نزلت لها .. حسين كان يتكلم وماكانوو يردوون عليه !! حسين : وينهم خواتي .. لا الظاهر فصل .. بو حسين ماقدر يجوف ام حسين بهالحاله على طول اتصلوو في الأسعاف ,, محمد و ولاء و ايمان كانو وايد خايفين على امهم .. للأسف الأسعاف وصل متـأخر .. نقلوو ام حسين للمستشفه .. و لحقوها عيالها بالسيارة ,, كانت في العناية المركزة ,, ماكانوو يعرفوون شصاير لها بالضبط وصلت الخاله منيرة لهم ايمان : خاله لحقي علينا .. طاحت علينا امي وماندري شصار لها منيرة : اسم الله عليها انشاءالله مافيها الا كل خير ولاء : رحت اقول لها انه حسين اخوي يبي يكلمها بس لقيتها ماتقدر تتنفس و تحرك نفسها .. ومحمد اخوي وايد خايف عليها منيرة : انزين وينه ابوج ؟ ايمان : طلع بمحمد اخوي برع المستشفه لانه وايد خايف خالتهم منيرة كانت تقرأ قرآن و تدعي الله يقوم ام حسين بالسلامة ,, ولاء : خاله وينه ابوي ؟ ماكو احد طلع يبشرنا .. منيرة : اتصلي في ابوج خله ايي يجوف لنا دكتوور .. بو حسين كان عند راس ام حسين .. بس ماكانوو بناته يدرون .. لانهم اذا دخلوو كلهم مره وحده بتسوء حالتها .. ام حسين : ماوصيك يابو حسين من بعد عيني على عيالي ,, ماوصيكم على حسين شمعة الدار .. على الي فارت عيني ضياه .. ماوصيك على زهور عمرك .. تره عيالي من بعد عيني مالهم غيرك .. ولا تنسى محمد عضووه بغيابي .. بو حسين : لا تقولين جذي يالغاليه ماعليج شر انشاءالله .. بتقومين لنا بالسلامة .. ام حسين : بو حسين انه احس يومي قرب .. ولدي صار لي اكثر من سنه ماجفته .. الله يخليكم .. يبو لي حسين .. آبي اجوف حسين قبل لا امووت .. بو حسين : مانبي نخرعه يم حسين .. مانبي نقول له انج مريضة .. انشاءالله بتقومين بالسلامة و نوعدج انه ايي لج او حتى نروح له ام حسين : مابقى من العمر كثر مامضى ,, الله يخليكم يبو لي حسين .. بو حسين : انشاءالله بو حسين ماقدر يقعد مع ام حسين اكثر من جذي .. حالتها كانت تبجي الصخر .. راح بو حسين للبنات .. وكانت عينه مليانه دمووع ولاء : ها يبه .. وين امي ؟؟ فيها شي ؟؟ ايمان : بشرنا يبه منيرة : بشرنا يبو حسين .. بو حسين : دقات قلبها وايد ضعيفه ولليحن الدكتور ماعرف شنو بالضبط فيها .. منيرة : الله يوقمج يالسلامة ياختي .. بو حسين : منيرة تعالي عندي وياج كلمة راس .. منيرة : انشاءالله .. آمرني قول يبو حسين .. بو حسين : ام حسين عندها جلطة بالقلب ماحبيت اقول هالشي جدام البنات .. وحالتها حرجة منيرة : شقاعد تقول يبو حسين .. بو حسين : واهي تبي تجوف ولدها حسين بأسرع وقت منيرة : آآآآآآيه عليج يا اختي .. والحين شبتسوي ؟ بو حسين : لا زم اتصل في حسين ايي البحرين بأسرع وقت .. منيرة : تعتقد ضروفه اهناك تناسب انه يرد بو حسين : والله مادري .. اتصل و آجوف حسين في الهند في اسوأ ضروفه .. دراسته اتدهورت .. و مريم مايدري عنها .. تلفونها كان مغلق او اذا يفتح المسن مايقاها .. واذا يسأل خواته يتهربون من الأجابة .. اتصل بو حسين الى حسين في الهند .. حسين : اووه ذي ابوي ,, خير انشاءالله .. رد حسين حسين : الوو بو حسين : سلام حسين: عليكم السلام هلا هلا يبه بو حسين : هلا حسين شلونك ؟ حسين : بخير وانتو شلونكم شخباركم ؟ بو حسين : كلنا تمام .. حسين : شخبار امي و البنات .. بو حسين : كلهم يسلمون عليك .. يبه حسين .. متى بترد البحرين حسين : مادري يبه يمكن بعد اربع شهوور .. بو حسين : يبه تعال باجر حسين : باجر !! وليش باجر ..؟ صاير شي ؟ بو حسين : لا بس ولهنا عليك حسين : لا يبه في شي ؟ صاير شي ؟؟ قول بو حسين : لالا ماصاير شي بس شوي امك مريضة مصخنه ودها تجوفك تقول انها راح تصير زينه لما تجوفك حسين : متأكد امي بس مصخنة مافيها شي ؟ بو حسين : اي .. حسين : انشاءالله يبه .. الا بسألك .. تقدمتوو مره ثانية لمريم ؟ بو حسين ماعرف يرد على حسين .. لانه البنت الليله خطوبتها : لا ماردو علينا خبر .. ايمان كانت توها تدري بخطوبة مريم .. مريم خبرتها في وقت متأخر .. ماكانت مهتمة لحسين ابد .. عندها هالشي عادي .. وتقنع روحها و تقول حسين لو كان يحبني ماطلع برع البحرين .. او رد يخطبني .. بس حسين يمكن اكثر من اربع مرات يتقدم لها و اهلها يرفضون .. اتحدى كل اهلها عشانها .. وفي النهاية بكل سهولة مريم تتخله عنه ... حسين في الهند رتب امووره و قرر انه يرد البحرين لمدة يومين بس .. ماكان يدري بحالت امه .. ولا عنده خبر انه مريم الليله خطوبتها .. طبعا ليله وصوله البحرين كانت ليله خطبت مريم .. وصل حسين بيتهم لقى ابوه بس .. حسين سلم على ابوه حسين : شصاير يبه ليش مايتوني المطار .. بو حسين : لا موب صاير شي .. بس يلا نروح المستشفة حسين : المستشفه ؟ بو حسين : اي امك شوي تعبانه حسين : لالا يبه امي اكيد فيها شي .. بو حسين : لا مافيها شي بس اهي بالمستشفه حسين : اوكي عيل يلا نروح في طريجهم للمستشفه ,, كانوو ولاء و ايمان و منيرة عند امهم .. طبعا مادخلوو لها لانه حالتها ماتسمح ,, ومحمد كان عند احد عمومه لانه مايبون يخرعون الياهل بأمه .. طـلع الدكتور من غرفة ام حسين .. منيرة : بشر يا دكتوور .. و الدكتور واقف عند منيرة و البنات .. و بو حسين و حسين كانوو توهم وصالين .. الدكتور : وينه زوجها ؟ ولاء : كاهو وصل .. بسرعة يا دكتوور بشرنا .. بو حسين : بشرنا يادكتوور عن حالة ام حسين ؟ اكا حسين و صل لها الكل اتحمد لحسين بالسلامة الدكتور : حسين امك وايد تسأل عنك .. ادخل جوفها بس لا تنفعل او يصير لها شي موب زين .. حسين : انشاءالله دكتور .. دخل حسين عند امه .. كانت امــه وايد فرحانه عشان انها جافت حسين .. ام حسين ماكانت تقدر تتكلم .. بس حسين يقرأ كل حرف و كل كلمه بعينها .. حسين : يمه شلي وصل حالتج جذي ؟ ابوي قال لي انج بخير ,, يمه آحبج .. لا تتخلين عني .. يت من الهند عشانج يالغالية بس .. يمه .. عيني ما تقدر تنظرج وانتي بهالحاله .. لا تخليني يمه مالي بهالدنيا غيرج .. ام حسين : حبيبي يا يمه .. اتحمل بخواتك من بعد عيني .. حسين : لا يمه لا تقولين هالكلام .. ام حسين : انسى مريم ياوليدي .. مريم راحت في دربها.. حسين : ماعلي من مريم علي منج الحين >> حسين ما ركز ع الكلام الي قالته امه عن مريم .. مرة وحــــــــــده ,, اتعس اللحــــــــــــــــــــظات ,, توقفت الأجهزة .. دقات قلب ام حسين توقفت .. الدكتوور سمع الصوت على طول دخل عند ام حسين .. حسين صرخ : يمـــــــــــــــــــــــــــــــــه ردي علي .. الدكتوور : البقا براسك .. حسين : لا دكتور امي مامتت .. ابوي قال لي انها راح تصير زينه لما تجوفني ..لالالالالالا دكتوور قول لي امي ماماتت .. لاا دكتوور ,,, يمه ردي علي .. آدري فيج ليلحين مارحتين عني !! يمه ردي علي.. خواتي برع كلهم ينتظرونج ,, لا يمه .. يمه كلميني .. مالي غيرج في هالدنيا الدكتوور : يلا يحسين اطلع الحين برع حسين : شلون تقول لي اطلع وامي ؟؟ امي ماماتت لاااا ولاء وايمان سمعوو ضجة حسين .. : شفيها امي ؟؟ بو حسين : حس انه فارقت روحه الجسد .. الجسد الي كان يحمل روحين .. فارتها الروح .. منيرة : شصـــاير داخل شفيها اختي ؟ طلع حسين وكان يبجي و يقول : لالا امي للحين تكلمني اسمعها .. كانت يدي بيدها .. ماودها تتركني .. لاا دكتوور لا تقول لخواتي امي راحت .. ولاء : يمـــــــــــــــــه لااااااااااااااااااا لا تخلينا يمه ايمان نزلت على ريل الدكتور واهي تبجي : لا يادكتوور امي ما ماتت صح اي ماماتت .. وراحت ايمان واهي في اسوء الحالات عند امها .. ايل فارقتها الورح ايمان : يمه قومي حسين حبيبج وصل .. كلنا ننتظرج تردين البيت .. الممرضة كانت تحاول تبعد ايمان عن امها بس ايمان كانت تقول : امي ماماتت ليلحين عايشة وتبي تكلمني .. و بو حسين قلبه تقطع من البجي .. و منيرة ماكانت تقدر اتجوف عيال اختها يبجون على اغلى انسانه كانت بحياتها .. يا اعز الناس والله انتي شمعة الدار يمه كنتي اعز الناس .. والله انتي شمعة الدار يمه كنتي ... بصدرج الدافي تحظنيني وبحلى الحنان رويتيني شلتي همي في صغرتي ,, تسهرين على راحتي بصدرج الدافي تحظنيني وبحلى الحنان رويتيني شلتي همي في صغرتي ,, تسهرين على راحتي يااعز الناس والله انتي شمعة الدار يمه كنتي اعز الناس .. بعدج يايمة صرت وحيد .. في من الفضى يازمان .. يمه العزيز يرحــل في القلب يبقى مكانه وين الوفا ياناس .. ظلم وغدر وخيانه .. عايشين بدون احساس والحب يبقى مكانه .. حبي لج يايمه محفور في قلبي ,, اطلب من الله رحمته تكون امي في جنته ,, ..::..::..::..::..::..::..::..::..::..::..::..::.. ::..::. عهدتج يالحبيبة عني ماتغيبين .. وابقى انا وليدج يابعد عمري قريب .. مهما تطول المسافات لج انا يايمة وحيد .. شبيدي .. شبيدي يوليدي على حكم القدر مكتوووب .. مكتووب القدر والله و الموت مكتوب .. ما تناظر طيف عيني غير روحك بالقلووب .. ومابعد اسمك نطقت وينه حسين مو موجود ؟ يمه انا مقدر على حسره الغالي .. راحت مني شمعه الدار و الوادي .. مابقى غير حسج بهالبيت والعين الي تهل دمعتها ..::..::..::..::..::..::..::..::..::..::..::..::.. ::..::. مريم كانت في احله لحظاتها .. كانت ماسكة يد ولد عمها .. ونست حسين وكل شي يربطها بحسين .. شلون قلبج يامريم صار قاسي ؟ وين الكلام و الحب الي بينكم ؟ كل شي اتحول سراب ؟ |
..::..||| البـــارت الثــاني عشـــــــــر |||..::..
حسين .. محمد .. ايمان .. ولاء .. و بو حسين .. صاروو كلهم يتامه بدون الغالية .. انطفى حس السعادة و الهنا .. غاب ضي القمر و رقص النجووم .. مابقى غير الحنين .. كانوو في اسوأ حالاتهم .. دووم يتخيلون طيف امهم موجود وفي اصعب من فراق الأم ؟ ايمان و ولاء فقدوو اغلى كنز في حياتهم بو حسين الشي الوحيد الي كان يفكر فيه عياله ! ومستقبلهم و حياتهم بدوم امهم وبعد ثلاث ايام من وفاة ام حسين .. حسين ماجاف مريم في العزا ,, حالت ايمان ماكانت تسمح انه اخوها يكلمها !! وبعد هالثلاث ايام شوي هدأت حالتهم .. حسين كان ورا باب غرفة ايمان .. ايمان : ادخل ياخوي حسين : شخبارج ايمان ؟ ايمان : عايشين في هالدنيا اونت شخبارك ؟ حسين : الحمدلله على كل حال .. الا بسألج عن مريم ايمان : مريم !! حسين : اي مريم ايمان : توك الحين ياي تسألني عن مريم حسين : الظروف ماسمحت اني اسأل عنها .. ولا حتى جفتها في العزا ايمان : شلون اتيي عزا واهي عروس حسين : عرووس ؟ من العروس ؟ ايمان : مريم حسين واهو منبهر و يصارخ : وشلون عروس ؟ شيطلع الكلام ذي ؟ وعروس على من .. ايمان الله يخليج فهميني شصاير .. امي الله يرحمها لما دخلت عليها قالت لي انساها بس ماحطيت بالي على هالكلام .. ارجوج قولي لي .. ايمان : اهدأ حسين والله مايسوى تسوي في روحك كل ذي حسين : لالا ايمان قولي بسرعة ايمان : مريم انخطبت لولد عمها .. حسين :قولي لي شلون ؟ شلون ؟؟؟ ايمان : مادري .. اتصلت فيني وقالت لي حسين : قولي لي كل شي بالتفصيل .. >>> اهني الحوار الي دار بين مريم و ايمان لما اتصلت لها تخبرها بخطبتها وطبعا هالشي صار قبل بشهر >>> ((( مريم : هلا ايمان شلونج ؟ ايمان : هلا هلا يالقاطعة بخير وانتي شخبارج ؟ مريم : والله انه بخير وتمام .. بس قولي لأخوج لا يتصل فيني اذا يبي لي السعادة .. ايمان : انتي شقاعدة تقولين ؟ مريم : مابقى على خطوبتي شي .. ايمان : خطوبتج ؟؟ مريم يلا بدون غشمرة مريم : قسم بالله ماتقشمر .. وليش باجذب عليج .. انه باخذ ولد عمي ناصر ايمان : وحسين ؟ و تضحياته عشانج مريم : حسين الحين لاهي بدراسته .. يوم معاي و سنوات برع يدرس وتقولين لي حسين ؟؟ ايمان : حرام مريم حسين يحبج مريم : لا مايحبني .. من قالج انه يحبني ايمان : والله يحبج واهو يسوي كل ذي عشانج مريم : لا تحاولين تقنعيني بهالكلام .. انتو مذهبكم غير واحنه غير وانه لايكن ارضه بهالشي لنفسي .. آخذ شيعي .. عيالي بعدين شبصيرون ؟ سنه ؟ او شيعه ؟ .. او شلون انه اصلي غير و في وقت غير و زوجي غير عني ؟؟ عاداتي غير عنكم في كلشي .. ايمان : بس تفكيرج غلط .. كلنا مسلمين .. وكلنا بحرينين ودمنا احمر وكلنا اخوان مريم : هالكلام انه وانتي واخوج نقوله .. اهلنا لا ايمان : طلعتي وحده ماعندج قلب .. ماتحسين .. مريم : لما اختار سعادي مع الأنسان الي احبه تقولين ماعندي قلب ؟ ايمان : ولد عمج تحبينه ؟؟ مريم : الحب بعد الزواج .. شفيها يعني ؟ ولد عمي و احق علي من الغريب ايمان : انسانه خاينه .. حقيرة .. ماعندج دم تحسين .. اخوي بموت عليج و يبيج بأسرع وقت وانتي ولا مهتمه حتى مريم : مافي داعي تغلطين علي .. كفاية عاد مايا من اخوج ايمان : شسوى فيج اخوي ؟ قولي شسوه ؟ مريم : مافي داعي اقول .. ايمان سكرت الخط في ويه مريم )))) ايمان : وهاذي كل الي صار ياخوي .. حسين : لالالا ايمان .. جذبوو على غيري انه اعيش وهم مب واقع مريم لا .. ( حسين طلع من بيتهم .. يمشي في الشارع واهو يصارخ ويقول .: مريم احبج لا تروحين عني .. وكل واحد يلقاه في طريجة يقوله :: وين مريم ؟ انت الي خذيت مني مريم ؟؟ ولاء لما جافت اخوها يطلع من بيتهم واهو بالحاله حاولت تمنعه بس ماقدرت .. ولاء : اخوي لا تسوي في روحك جذي حرام الي قاعد يصير لنا والله حرام حسين : ولاء انتي خذيتي مريم ؟ تدرين عن مريم من خذاها ؟ اي خذاها الي مايحبها لا ولاء : حسين يصير فيك جذي ؟ ايمان : حسبي الله ونعم الوكيل .. ليش الدنيا تصفع فينا من كل صوب حسين الأمل الي كان ينتظره غاب .. ومجاديف الأمل انكسرت ايمان اتصلت في ابوها .. ايمان : يبه وينك ؟ بو حسين : انه في المكتب ارتب اشغالي صار لي سبوع ماداومت ايمان : يبه الله يخليك تعال بسرعة بو حسين : شصاير ؟ ايمان : حسين عرف انه مريم انخطبت .. وطلع برع البيت واهو يصارخ وحالته مأساه يبه .. بو حسين : انزين انزين خلااص .. بو حسين على طول هد كل الي بيده وراح يدور على ولده .. بو حسين ماخل مكان الا دور فيه حسين .. بس للأسف مالقاه اتصل في رفيجه ( علي ) و قاله يدوره معاه .. في كل مستشفه و مركز شرطة .. وهم مالقووه علي : وين بكون راح حسين يعني ؟ حسين كان يمشي في ظلمة الليل .. ولقا مزرعة كبيرة .. وكان باب هالمزرعة مفتووح .. دخلها حسين .. واهو ينادي .. مريم .. انتي اهني ؟ ييت لج مريم تعالي . .. مريم ... مريم ... حسين فجأة طاح مغشي عليه .. من كثر البجي و الصراخ و الأنفعالات .. ماكان في المزرعة غير حس الجلاب .. و حسين المقطوط .. بعد دقايق .. اوتعه حسين .. حسين : ويني انه ؟ من يابني اهني في الظلمه ؟؟ اكيد مريم اهني مريم .. تعالي انتظرج الأجانب ( الهنود ) الي كانو بالمزرعة سمعوو صوت حسين ينادي .. طلعوو يجوفون من !! لقوو حسين وجنه يدور عن احد حسين : من انتوو ؟ وين مريم .. الأجانب .. اطلع بره اهني مكان مال شيووخ وناس كباريه .. حسين : لالا مابطلع الا لما تقولون لي وينها مريم الأجانب : اي مريم شنو قاعد تقول حسين : قلت لكم مابطلع الا لما اجوف مريم طبعا ماكان في قلوبهم رحمه .. اتفقوو على حسين .. وخذووه و ربطووه بحبل و ظلوو يجروون في حسين . . وحسين كان يقول : سوو اي شي فيني بس ردو لي مريم .. قاسى الويل منهم ... طقووه طق .. ماكان يقول غير : مريم احبج مابتخله عنج .. حذفووه برع الزراعة .. وكان مربط وماكان يوعي بالي يمه .. هالمزرعة كانت قريبه من المنطقه الي اهم فيها .. ولما كانوو ربعه يدورونه .. لقووه مقطوط ومربط يم المزرعة .. علي : احمد احمد وقف اهني .. جوف ذي من ؟ احمد : ذي حسين ؟؟ انزل يلا جوفه علي : حسين رد علي .. حسين : ماكان يوعي بالي حواليه .. احمد : يلا شيله نوديه المستشفه .. نقلوه ع المستشفه ,, اتصلوو في ابوه و على طول راح له .. ايمان و وولاء في بيتهم يحاتون اخوهم .. ولاء : ايمان ابوي تأخر علينا ماطمنا .. اتصلي له .. ايمان : آآخ ولاء مب قادرة افكر .. حياتنا ادهورت بدون امي .. ولاء : واليوم بعد خالتي مايات لنا .. ايمان : خالتي مب فارغة لنا كل يوم .. عندها اشغال و ضروف .. رن تلفون بيتهم .. ولاء : اكيد ذي ابوي .. ردت .. ولاء : الو المتصل بو حسين : الو هلا يبه .. لقينا حسين .. ولاء : صج يبه .. انزين وينه ؟ بو حسين : في المستشفه .. ولاء : المستشفه ؟!! و ليش ؟ بو حسين : لا مافيه الا العافية بس تعالو مع خالتكم منيرة انه اتصلت فيها وخبرتها اتمركم .. ولاء : انشاءالله يبه .. ايمان : ها قولي شصاير ؟ ولاء : مادري امون يقول حسين في المستشفه .. ايمان : حسبي الله على من كان السبب .. حوبه اخوي مابتروح مكان .. انشاءالله سامحوني حبايبي ع التأخير ماكان عندي نت مثل ماقالت لكم وفاء .. وآدري البارت قصير بس نزلت الـ مكتوب عندي وبعد المنتصف بنزل لكم البارتات بسرعة ... |
..::..|| البــارت الثــالث عشــر ||..::..
يات لهم خالتهم بيتهم .. خالتهم منيرة : سلام عليكم .. شخباركم بنات ؟ ولاء : احنه بخير خاله الله يخليج اخذينا عند حسين .. ايمان : سامحينا خالتي والله متعبينج معانه انتي وراج عيالج و اشغالج منيرة : لا تقولون هلون تعبكم راحة .. مستعده اشيلكم على كفوف الراحة بس تامرون ايمان : الله يخليج لنا .. الى وينه محمد مايبتيه معاج ؟ منيرة : محمد مايصير يروح المستشفه و انتي تعرفين انه يخاف من هالأشياء و يتخيل امه .. ولاء : الله يكون في عونا من بعد امنا .. منيرة : يلا تأخرنا على ابوج .. وراحوو البنات مع خالتهم المستشفه .. كانو وايد خايفين انهم يخسرون اخوهم مثل ماخسرو امهم .. بس الله يكون في عونهم .. وصلوو عند بوابة المسشتفه .. ولاء : خاله ؟!! منيرة : هللا يمه قولي .. ولاء : خايفة ادخل عند اخوي .. منيرة : ليش ؟ ولاء : لانه حسين اهو الغالي عند أمي .. وما كانت ترضه عليه .. والحين بين فراش المرض وامي مب موجوده .. مالي قلب ادخل و امي مب معانه وحسين محتاج لها .. اهني عين منيرة دمعت من كلام ولاء .. ايمان حظنت اختها : ماعليج خيوو هاذا الي الله كاتبه ولازم نرضه بالمكتوب .. ولاء : بس ليش الدنيا تصفع فينا من كل صوب .. اخوي اتدمر و السبب انسانه .. دراسته اتحطمت .. وامي فقدناها لانها كانت تكتم المرض فيها .. ليش كل ذي يصير لنا ؟ منيرة : بس حبايبي مثل ماقلتوو الي الله كاتبه لازم يصير .. و الحين ابيكم تدخلون على اخوكم وانتو مبتسمين عشان ترتاح نفسيته و يحس انكم ليلحين حواليه ايمان : غابت البسمة من لما غابت عنا امي .. بس لازم نصنعها عشان نقدر نواصل حياتنا .. دلخوو الخوات عند اخوهم وكانو راسمين البسمة على شفاتهم .. ايمان : حسوون احنه وصلنا .. بو حسين : هلا بالبنات .. توه حسين يسألني عنكم حسين كانت حالته النفسيه تعبانه وكان يفكر في مريم بس لما جاف خواته انشرح صدره حسين : تعالوو يالغالين .. وحشتوني .. ولاء حظنت اخوها و اتحمدت له بالسلامة : ماتجوف شر ياخوي .. وحسبي الله على من كان السبب .. ايمان : سلاماتك حبيبي ماتجوف شر .. نبيك دوم مبتسم ولا تفكر في شي غير دراستك منيرة : ها يمه حسين صرت اشوه الحين ؟ حسين : الحمدلله خاله .. بس احس انه حبايبي ناقصين ؟ وينهم ؟ بو حسين : من تقصد ؟ حسين : القدر حكم اني افارق كل الي يحبوني و احبهم بس ليش غربني الزمن ؟ ...... وظل حسين يقول كلام وكلام .. ايمان : بس بس حسين ماقدر اسمعك تقول هالكلام .. كلنا معاك و حواليك مابنروح عنك لو شنهو يصير .. دخل الدكتور .. دكتور : ماشاءالله عليك حسين صرت احسن .. بكره الصبح تقدر تتطلع من المستشفه حسين : وليش مب من الحين الدكتور : مستعيل ؟ حسين : أي وايد .. ماحب اكون في هالمكان الكتور : اهو يصير تتطلع اليوم .. بس بعد ماتسوي لك كل الفحوصات .. ونتأكد انه ماعندك كسور غير الي بيد و ريلك .. وبعد ساعات طلع حسين من المستشفه ! وراح على بيتهم ... واول مادخل حسين على بيتهم ..صرخ : يمــه ..!! حبيبج حسين رد لج وينج ؟؟ يـمه ليش خليتوني بروحي .. والله اني محتاج لج .. بو حسين : صل ع النبي ياولدي امك الله يرحمها .. ادعو لها بالرحمة و المغفرة .. حسين : الله يرحمج يالغالية .. منيرة : يلا يحسين ادخل دراك ارتاح ولا تعب نفسك .. حسين : وينه محمد ؟ ابي اجوفه قبل لا آدخل ارقد وايد وحشني .. منيرة : الحين اتصل في السايق ايبه لانه عندي بالبيت .. بس انت روح ارتاح في دراك .. بو حسين : انه استأذنكم الحين .. ايمان : اتحمل بروحك يبه بو حسين : تامرون على شي ؟ ايمان : لا سلامتك وبعد ربع ساعة دخل محمد مع شغالة خالتهم منيرة .. محمد : حسووون انت اهني ؟ يبت امي معاك من المستشفه ؟ منيرة : لا حموود الماما مابترجع خلااص .. محمد : ليش مابترجع ؟ اهي ليش راحت ؟ ماتحبنا ؟ منيرة : لا الماما راحت مكان بعيد .. راحت عند الله ..اذا تذكرتها قول الله يرحمها محمد : الله يرحمها .. حسين : يلا حمود تعال معاي نروح نارقد فوق .. محمد : أي انه ياتني النوده بروح آرقد مع حسين .. ولاء : حته انه بروح آرقد حدي تعبانه ايمان : صج ماتستحين ع ويهج .. وخالتي من بيقعد معاها ؟ ولاء : آسفه خاله بس لازم انام منيرة : ويه شدعوة تتهاوشون عشاني ؟ اخذي راحتج ولوي انه برد البيت دام السايق لليحن ماراح .. ايمان : خاله خلج معانه نامي اهني منيرة : من بكون في البيت ؟ ايمان : تكفين خاله ابوي عنده اشغال و بيتأخر .. وانتي ماوراج عيال و زوج منيرة : نسيتي عندي انه ولد .. ايمان : اي خاله خلج تكفين .. منيرة : انشاءالله حبيبتي راح ارقد معاكم .. وفي دراج و يمج ايمان : تسلمين لنا يا اغلى خاله .. باتت منيرة مع بنات اختها في دراهم .. محمد طبعا رقد من قبلهم مع حسين ! في غرفة البنات .. ولاء : خاله .. كلمينا عن حياتج مع امي .. منيرة : من وين ابتدي لكم .. امكم كانت اهي احسن صديقة عندي .. كانت كلشي في حياتي .. ولما كل وحده منا تزوجت هم ظلينا مثل محنه ... وتوفى عمكم الا هو زوجي وامكم طول الوقت ظلت معاي و تواسيني .. وجنه المصيبه عندها .. لانها ماكانت تهون عليها تجوف دمعة اختها .. ايمان : يعني حلوة كانت ايامكم مع بعض منيرة : احنه كنا خوات ثنتين .. كل وحده قلبها على الثانية .. لما كنا بنات في عمركم كنا ما نفارق بعض بس الموت الي كان اكبر مني ومنها ومن حبنا لبعض .. غصب عنا بعدنا عن بعض .. ولاء : الله يرحمها .. احمه ما كنا نتخيل يوم من الأيام انه امنا تروح منا .. والله خاله شنقول لج !! احنه بنات ونبي ام حنونه معانه .. ايمان : خاله ممكن اقولج شي منيرة : قولي حبيبتي كل الي بقلبج ايمان : خاله .. اتزوجي ابوي ..!!! >> منيرة انصدمت .. ماتوقعت ايمان تسألها هالشي .. وماكان عندها جواب او رد .. منيرة : شلون اتزوج ريل اختي ؟ ايمان : ليش لا ؟ يصير منيرة : اعرف انه يصير بس مالي قلب آخذ ريل اختي ايمان : انتي مابتقدرين اتيين كل يوم لنا واحنه نحتاج لج ولاء كانت منصدمة من كلام ايمان و ساكته !! منيرة : ابوج الي يقرر اذا يبي يتزوج او لا ولاء : ومن قال لج يا ايمان اني راح اوافق ابوي ياخذ غير امي ؟ ايمان : ابوي مابياخذ غير خالتي .. منيرة : ابوج فتح لكم الموضوع ؟؟ ايمان : لا اهو مافتحه ولا فكر بالهشي .. و حالته النفسية وايد تغيرت لما توفت امي .. منيرة : عيل خلاص ابوج ماتكلم انتي لا تتكلمين ايمان : خاله مانبي الدنيا تبعدج عنا منيرة : وانه مستحيل ابعد عنكم انتو في عيوني .. ولاء غلبتها النودة و رقدت .. منيرة : وكأنه نقول قصة قبل النوم اكاهي ولاء رقدت ايمان : هههه يلا خاله انه برقد .. ولا تفكرين في الموضوع منيرة : يعني انه بفكر فيه .. و بتعتبر انج ماقلتي لي شي وروود تغربت .. كانت تبحث عن من يسقيها و يرشها من الندى ,, تجوب روض الحياة بقسوة الشوك .. تعصر الدموع من نهري عينيها الحيرة قتلت قلوبهم .. ايمان و ولاء .. لا يقدران على مفارقت ظل الحنان من بيتهم .. نور و غاب .. شمعة و انطفأت .. بقي الظلام ليحكي ( غربة العاشقين ) ويرسم احداثها على جدار اليأس .. رماه حبه المكنون في زوايا اليأس .. فقد دراسته .. فقد امه .. وهي اغلى مايملكه في حياته .. تغرب عنها بحجة الدراسة .. و اليوم هاهو يتغرب بعيدا عنها وأنين الحائرين يراودها جثمانها .. طفل لا يعلم ما الذي يحمله الزمن .. اخذ من حياته الشوق و القسوة !! و فراق من يحب .. كانت عيناه و جميع ما يحس به يتسائلون عن مغيب امل حياته .. طفل تائه باحث عن حظن يلملم دموعه المقذوفه .. وجنتاه السائله منها الماء كانت تحكي الكثير .. الحيرة و الآه .. ينتظر عوده من يحب .. من حيث لا يدري !! والأب.. يناظر حيره و فقد الشمعه من يد اولاده .. وما باليد حيله على فقدان الأحبه ! هل يستطيع ان يلبي كل مايطلبه احبابه ! ام يبقى يناظر حيرتهم و يحتار معهم .. يكون في عون كل عشيق فارق عشيقه بقدر الموت .. النهاية التي تحجب كل منظور و محسوس .. >> ننتقل الى باقي احداث القصة .. الصبح الساعة 7 ونص .. في بيت ناصر و مريم .. ناصر : مريم بسج رقاد قومي .. مريم : وانه متى رقدت عدل في هالبيت ناصر : مب عاجبج تقدرين تتفظلين بيت ابوج مريم : أي انت شعليك .. اهم شي راحتك وانه في الطقاق الي يطقني .. ناصر : بسج تحلطم وقومي زهبي لي فطوري ... مريم : تعبانه ماقدر ناصر : شفيج تعبانه ! جنج الا البخت فومي يلا بلا عيارة مريم : انت تعرف اني حامل و ماقدر اشتغل وايد .. وكافي انه ماعندي شغالة .. واذا ابتدت الجامعة غصب عنك تيب لي شغاله .. ناصر : قلت لج يلا قومي بلا هذرة زايدة .. مريم كانت عايشة في جحيم مع ولد عنها ناصر .. تندمت لانها كسرت التاج الي بعلقه حسين على راسه .. خسرت اغله حب .. و ما كفاها كل ذا .. هدمت دراسته ! عيشته في حاله نفسية وخلته طول الوقت يفكر في مريم وبس .. تحملي يامريم ماياج .. بعــد سنـــــــــه من وفات ام حسين .. >> مريم يابت بنت و سمتها ( ايمان ) على اعز صديقة كانت عندها و خسرتها .. حسين قدر بفضل الله و العلاج يتخلص من الحاله النفسيه الي كان فيها .. ولاء كانت من احسن مايكون في دراستها ودووم الاوله .. و كانت تبي تحقق الأمنية الي امها تمنتها انها تجوفها متفوقه طول حياتها و الحمدلله الله وفقها و صارت من اكبر المتفوقات في البحرين .. ايمان كانت تتمنه انه خالتها تتزوج ابوها عشان يرجع نور الشمعه الي انطفت في بيتهم .. و ايمان درست طب في الجامعة وحققت كل اماني امها .. و عوضت محمد اخوها عن حنان امه الي انفقد .. وقامت بكل شي في بيتهم .. حسستهم انه امهم ليلحين موجودة .. وهم حركة سوتها ايمان .. انها علقت في كل زاوية من زوايه بيتهم صورة امها .. و كأنه امهم موجوده ماغابت .. بو حسين كان أي شي يتمونه عياله ايبه لهم .. ماكان مقصدر عليهم بأي شي .. وحاول يقنع في حسين يرد يدرس في الهند بس للأسف خسر كل شي و اكتشف بو حسين ان حسين كان مجبور على سفره الهند .. و واصل حسين دراسته في البحرين .. في بيت مريم وناصر .. مريم كالعادة قاعدة بروحها .. مريم واهي اطالع في بنتها : تمنيت بنت مثل ايمان الي كانت اغلى من اخت بالنسبة لي .. وانشاءالله .. واتمنى من ربي يخليج لي يا بنتي و تصيرين مثل ايمان .. رفعت مريم التلفون و قلبها على طول اتصل على ايمان : ايمان كانت مع اهلها ع الغدا .. رن تلفونها ايمان : رقم غريب .. من متصل فيني .. حسين : عطيني انه ارد .. ايمان : يود رد .. حسين : الوو .. مريم >> من ذي : السلام عليكم حسين حس على طول انه مريم الي متصله : عليكم السلام اختي .. مريم : مب ذي تلفون ايمان حسين : أي بغيتي ايمان ؟ مريم : أي اذا ممكن تعطيني اكلمها حسين : ومن اقول لها مريم : رفيجتها مريم قبل .. حسين ظل ساكت و منصدم : ............................ انتي مريم !!! مريم : انت حسين ؟ ايمان ..: من متصل حسين ؟ معقولة مريم حسين : شلونج مريم ؟ |
...:::..||| البارت الرابـــع عشــــر |||..::.. ايمان : عطني التلفون حسين ,, مريم من وين طلعت لنا مريم كانت ساكته وتبجي : ................................. حسين : مريم ردي علي شفيج ساكته ؟ مريم : لو سمحت حسين ماقدر ارجع الماضي الي انه ليلحين متندمه لاني خسرته حسين : شلون ؟ مريم : حسين انه خسرت اغلى حب في حياتي .. ضيعتك من بين يديني حسين : وتوج الحين حاسة بهالكلام مريم : حياتي وايد مأساه حسين .. عندي الحين بنت و ناصر ماعاد يعاملني مثل قبل .. كله صراخ و قسوة واذا احاول ألجأ لأحد من اهلي يرفضون يسمعوني .. حسين : الله يكون في عونج يالغالية .. وانه توها حالتي متحسنه .. تعاجلت والحين الحمدلله مريم : شخبار دراستك ؟ حسين : أي دراسة بس .. مريم : انه السبب صح حسين : لا تقولين هلون .. مب انتي السبب .. حكم القدر علي .. مريم : حسين انت للحين تحبني ؟ حسين : مادري مريم .. >> حسين عقب مافهم الحياة اكثر .. و استفاد من تجاربه .. عرف انه مريم مجرد ماضي وراح وانه الي انكسر عمره مايتصلح .. والي باعك بيعه ولا تشتريه مريم : ممكن ايمان اكلمها .. حسين : انشاءالله .. حسين : يودي ايمان مريم تبي تكلمج ( وقام حسين على طول ) بو حسين : ايمان يبه سكري الخط من عند ذي راعية المشاكل و كملي غداج .. ايمان : انشاءالله يبه ولاء : من وين طالعة لنا ذي بعد والله مب ناقصين .. بو حسين : ولوي يبه روحي جوفي اخوج و قولي له ينزل يتغده .. ولاء : انشاءالله مريم كانت تبجي و قاعدة لحالها : ليش انه سويت فيهم جذي .. ليش اخترت ناصر و تركت حسين الي كان يبحني و بدون سبب .. شذنبها الياهله الي بحظني .. تعيش بين وحوش .. يارب سامحني . سامحني يارب .. محد بقى لي لا اهل ولا قراب .. في بيت بو حسين .. ولاء راحت لأخوها ,, ولاء : حسين شفيك ؟ ليش قمت من ع الغذا .. ماعليك منها زين ماضي و عده حسين : حتى لو مثل ماقلتي ماضي و عده .. لكن انه انسان ولي قلب يحس بحال مريم الي كنت احبها .. تعرفين انه مريم الحين حالتها ميؤسه و ريلها مايحبها .. ولاء : الله راواها .. لانها تركتك و راحت لولد عمها و بدون اسباب .. واهلها رفضوك والسبب انته تعرفه مافي داعي اقوله حسين : مب سبب ذي الي رفضوني عشانه .. كل واحد ما ياخذ الا نصيبه .. ولاء : صح كلامك .. انزين ماتبي تكمل غذاك ؟ حسين : لا بس انسدت نفسي .. ولاء : براحتك .. بس لا تكدر نفسك .. وبعد شوي بتي خالتي منيرة ما نبيها تجوفك وانت بهالحاله .. حسين : انزين قلبي ويهج عطيج ويه وايد اليوم ولاء : اووووبش حسون من زمان ما سمعنا منك هالكلام المتوحش .. حسين : هههههه تبين تسمعين يعني ؟ ولاء : لالا ارجوك .. الســاعة 4 العصر .. منيرة كانت في بيت بو حسين .. مع عيال اختها .. ايمان : خاله ماتدرين شصار اليوم ع الغدا .. منيرة : شصاير بعد ؟ ولاء : خاله اتصلت مريم على تلفون امونو منيرة : أي مريم ؟ ولاء : مريم بنت ام مهند الي كان يحبها حسين منيرة : امبيه من وين طالعة لكم ذي ا ايمان : مادري والله خاله اتصلت على تلفوني و الي رفع الخط حسين .. منيرة : وحسين شسوه ؟ ولاء : قام على طول من ع الغذا .. بس لما لاحت كلمته ماحسيته وايد متأثر عشانها .. بس كسرت خاطره .. منيرة : الله يستر على ريلها بس .. ويصبرها عليه ولاء : امبيييه مسكينه مريم .. ايمان : الله يكون في عونها .. و يصبرها عليه .. ولاء : الا وينه حمود ؟ منيرة : راح النادي مع حسين .. بعد سنـــتين .. حسين صار من احسن رجال الأعمال في البلد .. بفضل الله و بفضل تواصله في دراسته و طموحه .. ايمان ليلحين راسمه في بالها الخطة .. ابوها يتزوج خالتها منيرة .. ايمان : يبه ممكن اكلمك في موضوع .. بو حسين : تفضلي يبه تعالي قولي كل الي بقلبج .. ايمان : يبه .. نبيك تتزوج خالتي منيرة .. بو حسين و هو متفاجأ من كلام بنته : اتزوج خالتكم منيرة ؟ ايمان : أي يبه .. شفيها خالتنا .. نبي نور السعاده يرد يضوي في بيتنا .. محتاجين حنانها .. بو حسين : انزين و ولدها .. ايمان : يبه بالأول انت واقف بعدين فكر في هالأشياء بو حسين : والله بالصراحة انه فكرت في هالموضوع قبل .. بس خفت يكون الرفض منكم انتو و تعارضون .. ايمان : لا يبه ليش نرفض خالتنا .. مثل ماتعرف احنه نحبها و نموت عليها .. بو حسين : بفكر في المضووع .. و راح ارد عليج و كلميها .. ايمان : انشاءالله يبه .. ايمان على طول راحت عند اخوها حسين تخبره .. ايمان : حسووووون عندي لك خبر حسين : هاا شعندج قولي .. ايمان : كلمت ابوي حسين : في شنو ؟ يلا بدون كلمات متقاطعه ايمان : عشان يخطب خالتي منيرة حسين : صج ؟ و شنو قالج ؟ ايمان : قال لي انه مفكر في الموضوع من قبل .. حسين : والله شي زين .. من ورانه الوالد بعد ايمان : أي حركات لا ههههه حسين : انزين قالج اكيد خلاص ؟ ايمان : قال بفكر و برد علي .. حسين : اذا برد عليج انه بروح آكلمه عشان يقتنع .. في بيت مريم وناصر .. ايمان بنت مريم كبرت و صار عمرها سنتين .. وكانت وايد جميله مثل امها .. كانت مريم مع بنتها تلاعبها .. ومرة وحده دخل عليها ريلها ناصر و كان سكران مريم : ناصر !! ليش ياي لي البيت وانت بهالحاله ؟ اطلع بره يلاا ناصر : انتي جب ولا كلمه .. اعطيني بنتي مريم : مابعطيك بنتي و يلا اطلع ايمان من جافت الموقف تأثرت و قامت تبجي .. مريم : خرعت الياهله قلت لك اذلف من مكان ماييت .. ناصر : اعطيني بنتي احسن لج مريم : مابعطيك .. و اذلف عنا .. ناصر : مابتعطيني اياها ؟ انه اوريج مريم : سو الي تبي تسويه .. بس بنتي مالك حق تاخذها .. ناصر على طول راح المطبخ .. وحمل سجين يهدد فيها مريم .. مريم : ناصر بلا ينون و اترك الي في يدك .. ناصر : ياتعطيني بنتي يا اقتلج معاها مريم : ناصر الله يخليك قط الي في يدك الياهله تخرعت ناصر اخذ ايمان من عند مريم و بقوه .. و طق مريم طق .. مريم : يالظالم اترك بنتي .. ناصر : مثل ماهي بنتج اهي بنتي بعد مريم ظلت تبجي وكانت تحاول تاخذ بنتها من الوحش بس ماقدرت ... طلع ناصر بالبنت و كانت تبجي بجي يقطع القلب .. ناصر كان بخوفها .. اذا ماسكتت بيقتل امها .. ركب ناصر مع بنته في السيارة .. قعدها في السيارة من ورا .. وكان يمشي السيارة بسرعة جنونيه .. ومفجــأة .. طلعت عليه شاحنه كبيرة وماعرف يتحكم بالسيارة .. والحادث كان وايد قوي .. حسين كان راد من دوامه و جاف الحادث .. حسين : لا حول ولا قوة الا بالله .. شهالحادث القوي .. > ونزل حسين يجوف السالفه .. سأل الواقفين يم الحادث : شلون صار الحادث .. ؟ رد عليه ريال : الغلط من الريال الي بالسيارة .. كان وايد مسرع .. و للأسف معاه بنته تقريبا عمرها سنتين .. حسين : شصار فيهم .. ......: الريال مات .. والياهله ماعتقد ماتت .. بس بين الحيا و الموت .. حسين : لا حول و لاقوة الا بالله .. ,, تعرفتوو على هويته ؟ .... : لا والله .. قام حسين يفتش بين بقايا الأشياء الي بقت من السيارة .. ولقه تلفونه بس كان مكسر و مامنه فايده .. فتش بس اوراقه ولقه اسمه .. ناصر ***** حسين : لا يكون ذي ناصر زوج مريم ؟؟ أي اهوو .. و بنتها الي معاه ؟!! ركب حسين على طول سيارته .. وراح بيتهم .. حسين : ايمان .... ايمان تعالي بسرعة ايمان : ها شفيك ؟ حسين : وانه راد من الدواك لقيت حادث قوي .. فتشت في السيارة عشان اعرف الي سوا الحادث .. طلع ناصر ريل مريم .. و ناصر احتمال كبير انه مات .. وكانت معاه طلفه بالسيارة .. ايمان : من صجك ؟ امبيييييييه .. الله يرحمه .. في بيت مريم .. مريم كانت تبجي وخايفه على بنتها .. وكانت خايفه اكثر تتصل في اخوها مهند و يقط اللوم عليها .. او تتصل في امها و ماتقدر تسوي لها شي .. رن التلون .. مريم : خير انشاءالله .. ردت مريم : الو .. المتصل : السلام عليكم مريم : عليكم السلام .. المتصل : شنو صلتج بناصر مريم : انه زوجته .. المتصل : ناصر عطاج عمره .. توفه من ساع بحادث قوي .. والغلط كان منه ... الله يرحمه .. مريم : شقاعد تقول .. من انت ..؟؟ المتصل : احنه الشرطة و نكلمج من المستشفه الي ترقد فيه الياهله الي معاه .. مريم واهي تبجي : بنتي !! و شصار لها ؟ المتصل : ليلحين اهي بالعناية المركزة ... فصلت مريم الخط .. وظلت تبجي و تبجي ..: انه السبب الي خليت فيه ناصر يطلع بنتي و اهو بالحاله .. آآه محد بقى لي .. بنتي و بين الحيا و الموت .. |
..البارت الخامسـ عشر..
مريم حاولت تتصل في اختها مي .. .. ,,,,, للأسف ماكانت ترد مريم : وينج يامي ردي ردي .. ,,............ مالي غير ايمان رفيجت عمري اكيد ماراح تردني .. اتصلت مريم على بيت ايمان الي رد حسين .. حسين : الوو مريم واهي تبجي بجي يقطع القلب : السلاام .. بغيت ايمان لو سمحت حسين : انتي مريم .. انه حسين .. البقا براسج .. وهدي انشاءالله بنتج مافيها الا كل خير مريم : حسين تعالو لحقو علي .. آبي بنتي ,, اهلي محد يرد منهم حسين : مريم هدي انشاءالله انه و ايمان الحين انيج .. مريم : الله يخليكم بسرعة تعالو لي .. ولاء في غرفتــها راقدة .. يات لها ايمان .. ايمان : ولووي ناصر زوج مريم توفه ولاء وهي فازة متخرعه : ها ها ؟ شنو منو ايمان : كملي نومج انتي .. ولاء : اكيد اكمل نومي .. راحو ايمان و حسين على بيت مريم .. كانت حاله مريم مأساوية وكان جسمها كله آثار ضرب .. حسين كسرت قلبه مريم .. ماقدر يجوفها وهي بهالحاله .. وين مريم الي كانت حبيبته .. تلذذ بكل كلمه كانت تقوله له ,, عاش معاها اجمل و احله لحظات عمره ,, والحين .. كل شي راح .. والسبب كلاام اهل مريم خلوها تقتنع انها مالها بواحد شيعي واهي سنية .. ليش التفرقه ..!! اليهود و غيرهم قدرو يتحدون واحنه ماقدرنا نتحد .. كلنا مسلمين .. كلنا تربينا من نهج محمد عليه افضل الصلاة والسلام بس وين الي يقدر هالشي ... الكل قام يفكر تفكير غجر .. همهم الفتنه بين الطائفيه !! ايمان : يلا مريم قومي ناخذج عند بنتج بالمستشفه مريم : أي ايمان تفكون .. خذوني لها .. ايمان : يلا حسين نروح المستشفه ايمان كانت تحاول تهدي في مريم .. بس مريم مصره انها تروح لبنتها و اطلعها من المستشفه ,, وصلوو المستشفه .. حسين راح عند الاستعلامات يسأل عن ايمان .. لما راحت مريم و ايمان وحسين عند ايمان .. كان ممنوع احد يدخل عليها .. كانت بين الحيا و الموت مريم كانت تتوسل بالدكاتره يدخلونها على بنتها ..بس مافاد فيهم هالشي .. وحسين خاف على نفسية مريم تتعب اكثر اذا جافت بنتها بهالحاله .. كانت ايمان تتوسل بالله وكانت تدعي انه بنتها تقوم بالسلامة .. و يلبسها الرحمن ثوب الصحة و العافية و يردها لها سالمه ... كلنا نتأمل لهذه اللحظات ..أم تدعي لبنتها تقوم وترد لها .. ام دموعها تهل عشان بنتها .. قلبها يناديها .. احد منكم يقدر يجسد هالشي !! احد يقدر يتخيل ام توقف بين سكرات موت ضناها .. والضنه غالي.. وشلون اذا كان الوحيد .. والي طلعت فيه من الدينا .. (( الله يحفظ كل ابن لأمه ويخلي كل الأمهات يارب )) طلع الدكتور من عند غرفه ايمان .. حسين : دكتور بشر .. الدكتور عينه راحت على الام الي تتوسل بربها .. الى الأم الي حامله معاها كوكب حزن .. نهر دموع يصب من عينها .. الدكتور ماحب يقول الكلمة جدام مريم .. لانه حاله مريم كسرت قلب الدكتور .. الدكتور : لو سمحت تعال معاي .. مريم : ايمان شفيها بنتي .. ليش حسين راح مع الدكتور ايمان : لا انشاءالله ماكو الا الخير الدكتور : للأسف الطفله عطتك عمرها .. والله يرحمها برحمتها .. شنقول بس في الناس الي ماتحس .. ضالم راح .. وراحت معاه طفله ماله أي ذنب .. كل ذنبها انه ابوها كان ضالم .. حسين انكسر .. كان يفكر بحاله مريم شراح تصير من بعد ماتسمع بخبر وفاة بنتها .. لانه حسين ذاق حرقة الحرمان .. جرب يعيش لحظات الحرمان مرتين في حياته .. مرة لما توفت امه .. و المرة الثانية لما فارقته مريم و تزوجت عنه .. مريم كانت حبيبته .. و مستحيل ينكر العشره الي كانت بينهم .. رد حسين لمريم و ايمان .. وللحين مريم املها قوي بالله .. انه يرد لها بنتها .. حسين : مريم .. مريم : شقال لك الدكتور .. بشر .. حسين ماقدر يتكلم او يقول .. ماعرف شيقول لمريم .. الا بأيمان بنتها مطلعينها من الغرفه الي كانت فيها .. مريم : اكا طلعو لي بنتي بالسلامة .. الحمدلله .. مريم : ليش بنتي ملطخة بالدم .. ليش ليش ..؟ ليش مغطينهاا بالأبيض ؟ ليش بنتي عليها الأبيض ..ردو لي بنتي سالمة .. لا تقولون راحت مني .. مسحيل تروح مني ,, (( وصرخت مريم )) بنتـــي الي مالي غيرها بالدنيا .. وكان مريم طايحة على بنتها و تمسح على شعرها الي كله دم ! مريم : ايمان يابعد امج وكل اهلها .. لا تخليني يمه .. مالي غيرج يمه .. والام لها غير ضناها ..؟ ايمان واهي تبجي: بس يا مريم الله يرحمها .. خلج قوية دووم .. مريم : وين اصير قوية و بنتي راحت .. كل اهلي بتعدو عني .. الله يرحمك ياناصر بشدعي عليك غير الله يرحمك .. حسين : ايمان احنه لازم انخبر اهلها .. ايمان : أي .. بس تدري اهم ما يواطنونا .. كلمهم انت حسين : أي بكلمهم انه حسين : مريم عطيني رقم اخوج مهند لازم يعرفون بالي صار لج مريم : شبزيد او شبأخر او يقدم لو عرفو حسين : مهما يكون ذلين اهلج .. اخذ حسين الرقم من مريم .. و اتصل لمهند مهند : الو .. حسين : السلام مهند : اهلا اخوي آمرني حسين : ما يامر عليك عدوو بس ناصر و بنته ايمان عطوك عمرهم اليوم .. مهند : شنو ؟؟ ناصر ريل مريم اختي حسين : أي مهند : لا حول ولا قوة الا بالله .. حسين : البقا براسكم .. مع السلامة ايمان : ها بشر .. اتصلت ؟ حسين : أي اتصلت الحمدلله ما سأل من اكون .. جان اتخسبق ماعرف ارد عليه ايمان : حسين خالتي منيرة اتصلت اكثر من مرة .. بس انه ما انتبهت للتلفون كان سايلنت .. اكيد تحاتينا حسين : أي الله يخليها لنا .. يلا ناخذ مريم لبيت اهلها .. ونروح البيت ايمان : بتاخذها بيت اهلها ؟؟ حسين : عيل وين تروح مالها الا اهلها ايمان : مريم .. يلا ماله داعي نقعد اهني اكثر .. يلا ناخذج بيت اهلج .. مريم : انه اهلي ايمان الي راحت .. ايمان : اذكري الله يا مريم .. ايمان و حسين اخذوو مريم لبيت اهلها .. حسين : يلا يا مريم .. مريم : تفضلوو .. ايمان : انشاءالله مع خالتي نيي نعزيكم .. مريم اول مادخلت بيتهم .. كانت في ويها امها .. مريم : يمه .. ام مهند : تعالي يمه تعالي .. مريم : يمه بنتي راحت مني .. وناصر هم رااح .. ام مهند : الله يكون في عونج يا بنتي .. والله يصبرج ..ويرحمهم برحمته مريم : يمه خليني معاج .. ام مهند : وياج يمه ما بخليج .. يا مهند .. مهند : البقا براسج مريم .. مريم : حياتك الباقية مهند : توني كنت في بيت عمي .. وايد حزانين على ناصر مريم : الله يرحمه .. وانه حزنانه اكثر .. بس على بنتي الي راحت مني والسبب اهو .. مهند : ماقدر اقولج شي الحين ..وانتي بهالحاله .. ام مهند : شتبي تقول لها ؟ مهند : يا مريم بيت عمي قاطين اللوم كله عليج مريم : انه شذنبي ؟ ذنبي اني تركت الي كان يحبني !! ورحت تزوجت بأبشع انسان .. قتل بنتي و قتل نفسه .. مهند : تكفين مريم .. مانبي نسمع هالكلام .. احتفظي فيه لنفسج مريم على طول قامت وراحت دار امها .. وظلت تبجي ! ام مهند : حرام عليك يامهند .. مهند : اوووه .. انتو الكلاام معاكم ضايع .. روحي لبنتج بس واسيها .. |
البارت السادس عشر
في بيت بو حسين .. اول ما دخل حسين و ايمان كانت منيرة و ولاء و محمد ينتظرونهم منيرة : شفيكم ياعيال تأخرتو ظلينا نحاتيكم حسين : مافينا شي خالتي بس وصلنا مريم لبيت اهلها منيرة : الله يكون في عونها ولاء : متى نروح نعزيهم خاله ؟ منيرة : اليوم ما يناسب خله باجر احسن ايمان : والله خالتي مريم تكسر الخاطر حسين : أي وايد .. ما توقعت اجوفها يوم من الايام بهالحاله ولاء : القوي لازم أي له يوم و ينكسر .. منيرة : الله كريم .. يلا ياعيال روحو انتو الحين ارتاحو حسين : أي انه حدي تعبان و حدي يوعان منيرة : يوعان وانه اهني افا عليك بس الحين اقوم آسوي لك .. محمد : هم انه يوعان خاله آبي اكل منيرة : ولا يهمك حبيبي احنه كم محمد عندنا >> ودخل بو حسين و سمع كلاام منيرة الحنون على عيال اختها بو حسين : سلام عليكم .. الجميع : عليكم السلاام .. بو حسين : كلكم متيمعين .. عسى اليمعه دووم ولاء : انشاءالله .. اذا صار الشي الي نبيه كلنا ايمان : احم احم ولووي مو حزتج حسين : أي يبه و خالتي طولتو محمد : انتو شفيكم شتقولون سكتو خل خالتي تقوم تسوي لنا اكل بو حسين : حمود انت تبي خالتك منيرة اتيي كل يوم بيتنا و تعيش معانه محمد : أي أي يبه .. نبيها .. بو حسين : ولاء و ايمان .. مرتاحين لخالتكم ايمان : يبه مايبي لها كلاام خالتي مثل امنا ولاء : يه يه جوفو خالتي منزله ويها و مستحيه حدها منيرة : شتبوني اقول ؟ الي يريح عيال اختي انه مستعدة اسويه بو حسين : منيرة .. مرتاحة لي ؟ منيرة واهي خجلاانه : قبل لا كلكم توافقون .. اجوف ولدي فيصل بو حسين :الحين آتصل في فيصل واخليه أيي منيرة : الي توجفه ايمان : وانه اتوقع انه راح يوافق .. لانه مقدر المحنه الي نمر فيها و حاجتنا كلنا لج حسين : و هالأيام فيصل منشغل بالدراسة وايد و مانسمع له حس كلش منيرة : وانت انشاءالله متى راح تكمل دراسة ؟ حسين : انه خلااص بو حسين : شنو شنو خلااص ؟ لا تفقد الأمل تقدر تدخل أي معهد بالبحرين و تكمل .. ولا تحطم آمالك بهالحجي الفاضي .. انت عبالك بتظل معاي بالشركة على طول ؟ لا ياولدي انت لازم تجوف حياتك و يترقى مستواك اكثر و اكثر حسين : يه ؟ شفيكم قمتو علي ايمان : أي زين لك لانه كلنا نبي مصلحتك ولاء : احنه ما باجي علينا وايد ونكمل اكا ايمانو في الجامعه هههه ايمان : مب تارسة عينج ولاء : بس مايليق عليج محمد : الحين خالتي بتتزوج على ابوي ؟ الكل ضحك على كلاام حمود .. بو حسين : لا انه بتزوج على منيرة خالتك ايمان : حمود توه مستوعب حسين : كان يدرسها و يحللها وهو يطالع توم و جيري محمد : يلا خالة يووعان منيرة : انزين الحين آسوي لك .. يلا عن اذنكم اروح اسوي لكم شي تاكلونه بو حسين : اذنج معاج .. يلوموني لو خذيتها ملاك لعيالي هالمرة والله لعيالي حسين : يبه بس اجلو زواجكم ايمان : بيييه حدك متخلف انت .. الحين اهم بسون لهم طقطقه و عرس بو حسين : لا بناخذ ع الأقل شهر احترام على الأقل لبيت بو مهند حسين : أي اكيد يبه ولاء : شدعوه عاد اهم يواطنونا بو حسين : مابيج تقولين هالحجي يبه مهما يكون ذلين من جماعتنا محمد : انتو ماتعرفون تسكتون شوي .. ولاء : أنزين يا ريس بنسكت ايمان : انه بقوم داري ارقد .. حسين : هم انه آبي ارقد بو حسين : صج ماتستحون على ويهوكم ولاء : صج ما يستحون على ويوههم ايمان و حسين واقفين مندهشين .. بو حسين : الحين خالتكم في المطبخ و انتو بتذلفون ولاء : الحين خالتي في المطبخ و انتو بتذلفون ذلفكم ربي بو حسين : يلا اثبر انت وياها ولاء : يلا اثبرو يلاااا بو حسين : انتي بعد جب .. ببغاء حاطينج ايمان و حسين : خخخخخخخخخخ زفوها ولاء : بس اتأكدو انهم زفوكم قبل لا يزفوني محمد : انه اقوم اطالع الرسوم في دار حسون احسن لي من ازعاكم يا مزعجين .. أي بقولكم بعد .. اذا برز العشا نادوني لا تنسون حسين : هههههه شفيكم اليوم ؟ بو حسين : ههههههههه شفينا ؟ شحلاتنا والله لا يغير علينا ايمان : بقوم اساعد خالتي بو حسين : توج مفكره تقومين تساعدينها ايمان : يبه معاها الخدم بدل الوحده ثنتين .. حسين : بس اذا انتو معاها احسن من الخدم تحسكم يمها ما تستغلونها ولاء : والله خالتي عارفتنا زين احنه ما نستغلها .. منيرة يات .. يلا جهزت العشا .. كلكم قومو ولحد يتعاير .. حسين : بروح انادي محمدوو فوق وكلهم ألتموو على السفره .. اليوم الثاني .. الصبح الساعة تسع ونص .. منيرة : يلا يا ولاء .. ايمان .. يلا بناتي تأخرنا .. ايمان : زين زين خاله يايين .. ولاء : متى وصلتي خاله ؟ منيرة : توني الحين وصلني فيصل ولدي .. ولاء : كلمتيه عن الموضوع .. منيرة : لا ولاء : ليش ..؟ منيرة : كان يدرس وماحبيت اشغله ايمان : يلا مشينا .. من بوصلنا ؟ منيرة : فيصل برع ينتظرنا يلااا .. فيصل كان من فتره مب جايف ايمان .. والحين جافها بعباية مب حاطة ولا شي في وييها .. وملامحها الطبيعيه الجميله طالعه طبيعه فيصل هادئ .. ماينسمع له صوت .. مب اجتماعي .. منزعل شوي ايمان : شلونك فيصل ..؟ فيصل : بخير انتي شلونج ؟ ايمان : بخير دامك بخير ولاء : قوة فصوولي من زمان ما تبان فيصل : هلا ولووي يقويج .. الدراسة شاغلتني ولاء : الله يوفقك .. .. .... وصلوو العزا بيت بو ناصر المرحوم ايمان تهمس لخالتها بالعزا : خاله .. جوفي مها وايد متغيره منيرة : تصدقين انه ماعرفتها ايمان : أي تغيرت وايد عن قبل .. بروح اسألها عن مريم .. منيرة : أي روحي .. ايمان : مها وينها مريم ؟ مها : مريم ما يات تعبانه اهي وايد مريضة وبالبيت ايمان : ماتجوف شر .. والله يصبرها ردت ايمان لخالتها .. منيرة : وينها مريم ؟ ايمان : تقول انها مريضة و في بيتهم .. الله يستر منيرة : العصر روحي لها .. ايمان : لا خاله مابروح بروحي باخذ معاي ولووي .. .. .... ...... منيرة : يلا يا بنات اتصل فيصل .. .. : .. ركبو السيارة .. فيصل كان يتجنب مريم تنتبه لنظارته .. ومريم ما التفت او حطت بالها له .. وصلو البنات بيتهم .. ولاء : خاله ما بتنزلين ؟ منيرة : لا انشاءالله اطرش غذاكم و اييكم العصر .. ولاء : متى بس و نفتك من الروحه والييه.. منيرة : ههه جريب .. فيصل : شنو يمه جريب ؟ منيرة : بو حسين عمك يمه يبيني اتزوجه .. بس انه مارديت عليه قبل لا اشاورك .. فيصل : يمه .. قرارج بيدج انتي تحكمين انه ريال و ومتحمل مسؤولية نفسي .. وكلها سنه و اكمل دراستي في امريكا منيرة : الله يوفقك .. في بيت بو مهند ( بيت مريم ) مريم كانت قافله على نفسها الغرفه .. و بس تفكر بحياتها عقب بنتها .. وكل الي بنته بأساس غلط و احلام ضايعه اتهدم .. مرت مريم بحاله نفسيه .. و اتعذبت وايد .. بس الحمدلله قدرت تتخلص من هالشي بعد علاج قامت فيه مع نفسها .. وعرفت انه هاشي مكتوب ..و المكتوب لازم يصير .. بعد شهر .. اتزوجو منيرة و بو حسين .. و فيصل فاتح امه يبي يخطب ايمان .. و فرحت وايد عشانهم .. و قالت لأبو حسين زوجها و هم وافق .. و شاورو ايمان .. و ايمان ماكان عندها مانع انها تعيش معاه في امريكا بعد خمسة شهور .. اتزوجو فيصل و مريم .. بعد خطبة ثلاثه شهور .. ليله زفافهم مريم كانت فلقه قمر .. كانت روعه ! اروع من اروعه .. و فرحو بعد ما قضو حياتهم بحزن و آه و دمعه .. مابعد الصبر الا الفرج .. ايمان .. ولاء .. محمد .. حسين .. فقدو اغلى شي يحصله الأنسان .. حضن ام .. ضاع هالشي منهم بحسره .. بس الله عوضهم خير عطاهم الي تعوضهم عن الشمعه الي فقدوها رجع ضوى الحب في بيتهم .. بس من يعوض نور السعادة الي انطفى .؟! ايمان الحمدلله تزوجت و اختارت طريجها .. ولاء مازالت تكافح في دراستها و تحقق كل اماني امها .. محمد يبني مستقبله برجوع امه له من جديد .. و مسحيل احد ياخذ مكان امه حتى لو كانت خالته منيرة .. وكان يغار و يعصب اذا منيرة تدخل تنام في غرفة ام حسين الله يرحمها بعد ثلاث ايام من زواج ايمان ..زفوها ع المطار .. و كان الكل يودعها .. لانهم ما يدرون متى بردون البحرين .. حسين : فيصل اتحمل بـ اموون .. كل شي ولا الغالية .. حطها في عيونك فيصل : ما يحتاي توصون .. ايمان في عيوني و قولها اهي بعد تتحمل فيني .. ولاء كانت وايد تصيح على اختها لانها كانت تتسلى معاها و الحين بتسافر عنها : ايمان خذيني وياج ..>> حظنت ايمان وظلت تبجي في حظنها .. ايمان : تعالو بالصيف امريكا قضو العطلة معاي .. ولاء : اكيد بنيي .. بس بتوحشيني خيوو ايمان : انتي بعد اصعب لحظة .. لحظة الوداع .. مسافر و غصب عندي انا ودعك .. مجبورة مني دمعه العين على فراقج تسيل .. ماهو بديني يالأخو ابعد و اخليك .. بو حسين : يلا مع السلامة ياعيال .. ديرو بالكم على روحكم .. انتو في بلد غربة .. فيصل لا تخلي ايمان بروحها اذا احتجتو لأي شي كلمونا .. منيرة الأم الي بتودع اثنين .. اهي تودعهم و عينها غرقانه دموع : يمه فيصل دير بالك على ايمان .. و ايمان انتي هم ديري بالج على فيصل .. والله بتوحشوني يالغالين .. ما اتخيل البيت بدونكم .. ايمان : حابسة الدمعه ماتبي تبين لفيصل انها حزنانة على سفرتها معاه .. و فيصل راح يعوضها عن كل شي |
البارت الســــابع عشر
سافرت ايمان الى امريكا مع زوجها فيصل .. بعد سنة من سفر ايمان و فيصل .. في الصيف .. ولاء و منيرة و محمد و حسين و بو حسين .. كانو يزهبون نفسهم عشان يسافرون عند ايمان امريكا . حسين : يلا يبه .. خالتي .. تأخرنا على المطار.. ولاء كانت حدها فرحانه بعد سنه راح تجوف اختها : انه اول وحده جهزت حسين : أي وايد مشتاقه لأختج لا .. ولاء : وايد .. منيرة : وينه ابوك ليلحين مانزل ؟ حسين : خالتي روحي انتي مع ولاء ومحمد المطار وانه وابوي نيكم لانه الأغراض بتكون معانه منيرة : انشاءالله .. يلا حمودي يمه نمشي المطار .. .. ... الكـل وصل المــطار .. بعد ساعات و صلو امريكا .. وكانت مفاجأة لأيمان .. ماكانت تدري انهم راح ايونها .. لما وصلو الشقه الي ساكنه فيها مريم كالعادة فيصل محد .. و ايمان تعرفت على بنت اماراتيه ( مزنه ) كانت مع زوجها .. و الحمدلله ما حست ايمان بملل او ضيق .. ولاء طقت باب الشقه .. مزنه : ايمان يمكن ريلج يا .. ايمان : لا خيو فيصل مب حزته الحين مزنه : انزين قومي افتحي الباب ايمان : خير انشاءالله فتحت ايمان الباب ........ كانو واقفين على جنب عشان ايمان ماتجوفهم و تكون مفاجأة حلوة .. اول واحد وقف محمد .. محمد : وصلنا .... ايمان مندهشة : حمووود اخوي فديتك وحشتنييييي .. ولاء : نحن هنا ايمان : ولوووووووي خيوتي .| وحظنت اختها و دموع الفرح نزلت .. ولاء : شلونج ؟ شخبارج مع فيصل و الغربة ايمان : والله بخير الحمدلله بس وحشتوني وايد حسين : ايمان آحبج آحبج ايمان : وانه هم احبك يا الغالي .. حسين : تعالي بحظنج وحشتيني ايمان حظنت حسين .. حسين : والله اشتقنا لج خيوو .. شلونج ؟ ايمان : الحمدلله انتو شخباركم ؟ وين خالتي و ابوي منيرة : واحنه نقدر ما انيي لكم ؟ بو حسين : هلا بالغالية بنتي ايمان : هلا خالتي .. هلا يبه .. تعالو دخلو بتظلون وايد عند الباب .. كانت ايمان وايد فرحانه .. واحلى مفاجأه .. ايمان : حياكم اتفضلوو .. مزنه : امون من ياينج ؟ ايمان : اهلي .. مزنه : يابختج .. ايمان : اعرفكم على يارتنا و اختي مزنه من الامارات .. سلمو عليها و وايد ارتاحو لها لانها كانت تحب ايمان مزنه : يلا انه الحين آخليكم . منيرة : وين يبنيتي خلج .. مزنه : انه ايمان كل يوم اجوفها بس انتو من سنه ماجفتوها .. .. : .. ايمان : فرحتوني والله .. ماتوقعتكم اتيوني .. منيرة : امس لما اتصلتي كنت المح لج بس ما فهمتي ههه ايمان : والله وحشتوني .. منيرة : وينه فيصل ؟ ايمان : فيصل في الشغل .. واذا ايي يقعد يدرس .. حسين : والله زين عندج ييران .. ايمان : اي مستليني منيرة : اهو مكان دراسة حسين و شغله بعيد ؟ ايمان : لا .. طلي من الدريشة بتجوفين اليونفرستي الي يدرس فيها .. مكان شغله هم مب بعيد .. ولاء : حلوة امريكا .. ايمان : أي بس تخوف .. فيها ناس غريبه عجيبه .. بو حسين : حسين بيقعد اهني معاكم .. يبدي شغل و دراسة اهني .. بعدين اذا كون روحه يرد البحرين .. حسين : يبه اجوفك تخطط منيرة : أي خل يخطط .. يدور على مصلحتك .. ولاء : لا والله .. حسون و ايمان اهني ؟ وانه اجابل الطوف ؟ منيرة : معاي لا ولاء : أي خاله انتي تسوين الدنيه و مافيها بو حسين : احنه وين بنسكن ؟ شقتكم صغيره ايمان : أي على قدنا .. منيرة : بناخذ لنا شقه يمكم ايمان : في شقق اكبر من الي انه فيها .. : .. .... .:. قعدو مع ايمان و فيصل .. كانو وايد مستانسين معاهم .. بعد شهرين وقررو يردون البحرين بس حسين راح يبقه معاهم يشتغل و يدرس لما يكون نفسه .. حسين سكن في منطقه غير عن الي فيها ايمان وفيصل .. بس كان على طول بتواصل معاهم .. في البحرين مريم كانت تحتاج عمليه بالقلب .. بس نجاحها مب مضمون في البحرين .. فكانت بتسافر امريكا عشان العمليه .. مع اختها مها و زوجها خالد وبنتهم الصغيره فجر رب صدفه خير من الف ميعاد .. كانو في نفس المنطقة الي فيها حسين .. و سكنو مثل العمارة .. لمــا وصلو امريكا ... خالد : انه موصي يحجزون لنا سكن .. مها : زين تسوي .. خالد : أي احسن لنا .. بس اتصل في حسين اهو الي حجز لنا كل شي .. مريم ماكانت تعرف انه حسين اخو ايمان .. : يزاه الله كل خير .. خالد : الو .. قوة حسين حسين : يقويك خالد .. ها وصلتو ؟ خالد : أي حسين : الحمدلله ع السلامتكم .. وينكم الحين ...... وصف خالد لحسين مكانهم .. بس حسين ماكان يعرف انه مريم الي بتتعالج .. لانهم يايين لعلاج و سياحة .. ومنها مريم تغير جو وصلو عند حسين .. خالد : اكا حسين .. وقفو مها و مريم ومعاهم فجر على جنب .. وراح خالد لحسين .. حسين كان شاك انه مريم الي معاهم .. بس ماحب يطالعها جدام خالد .. حسين : يلا خلود خذ اهلك و ركبو فوق شقتكم رقمها 105 خالد : مشكور اخوي ماتقصر ...., يلا يا مها .. مريم .. فجورة بابا يلاا نصعد حسين في نفسه : مريم !! من مريم ؟ اخت مها ؟ اووو وحده غير ؟ الله العالم .. ماعتقد مريم . صعدوو في الشقه الي حجزها لهم حسين وعلى طول ارتاحوو .. ظلت فجر ومعاها خالها مريم .. فجر : خاله انه مابي آرقد .. مريم : انزين خليني آرقد .. او روحي لامج فجر : ماما راقدة .. قومي خاله نروح مكان مريم : يا حبيبتي وين نروح ؟ فجر : مادري خاله قووومي مريم : امرج .. بس اقول لأمج مريم طقت الباب على مها مها : هلا خيو ؟ مريم : بنتج ذبحتنا .. تقول تبي تروح مكان .. مها : الله يهداها بس .. ابوها بعد راقد .. مريم : آنزل معاها شوي تحت في الكوفي الشوب الي في الفندق؟ مها : والله براحتج .. مريم : لا بس اوكي بانزل معاها مها : ديرو بالكم على نفسكم .. فجر : خاله .. مانبي ننزل من الدري .. خل نصعد الأصنصير مريم : انشااااءالله .. وانه جم فجر عندي >> كان حسين تحت بالكوفي شوب .. وكان رايح ع المصعد الي راح تنزل منه مريم وفجر .. فجر : خاله مريم متى بيفتح ... وفتح المصعد .. وكان حسين فيه .. رفعت راسها مريم .. مريم : انت حسين ؟ حسين : وانتي مريم مريم : أي .. انه مريم حسين : وايد تغيرتي مريم : شنسوي بعد .. دوام الحال من المحال حسين : شلونج مريم : الحمدلله .. انت شلونك ؟ حسين : الحمدلله .. حسين : قوة فجروة فجر : يقويك عموو حسين مريم : اووه تعرفها ؟ حسين : أي اجوفها مع خالد على طول .. انتو نازلين تحت ؟ مريم : أي .. فجورة متملله حسين : تبوني آنزل معاكم ؟ مريم ماعرفت شترد على حسين .. كانت مترددة .. : والله براحتك حسين : بس بانزل لابتوبي من شقتي و باييكم .. مريم : اوكي .. ناطرينك تحت بالكوفي شوب حسين : اوكي .. حسين كان طاير من الفرحة لانه جاف مريم .. ومريم ماكانت مصدقة انه الي جافته و حاجته حسين .! مريم ماكانت تعرف تتعامل مع الي بالفندق .. فـأنتظرت احسين .. بعد دقايق .. وصل حسين : شفيكم واقفين ؟ مريم : ماعرف آنه اتعامل معاهم اهني .. و اخاف بصراحة حسين : لا عادي بتتعودين عليهم بسرعة .. اذا تبون قعدو اهناك .. او برع يم المسبح .. مريم : لا بس نقعد اهني .. حسين : انه بقعد في الطاوله الي يمكم .. اذا تبون أي شي نادوني .. مريم : انشاءالله .. مشكور تعبناك معانه حسين : حاضرين .. تعبكم راحة .. فجر كانت وايد حركية .. وكل شوي تروح لحسين .. وترد لمريم .. وكانت وايد مستانسة و تراكض براحتها .. وحسين وايد كان مستانس منها ايمان كانت مستحملتها .. لانها كل ما جافتها تذكر بنتها المرحومة ايمان فجر : عموو .. تعال اقعد معانه مع خالتي مريم ..اشرب معانه عصير حسين : ههههههه انشاءالله .. بس قبل اسألي خالتج قولي لها يصير حسين يقعد معانه فجر : خاله خاله ..يصير حسين يقعد معانه مريم : أي يصير .. فجر : عمووو تقولك أي يصير .. حسين رفع راسه .. حط عينه في عين مريم .. مريم هزت راسها >> يعني أي موافقه يقعد معاهم حسين : انشاءالله ما اضايقج ؟ مريم : لا بالعكس .. حسين : مريم انتي الي فيج القلب ؟ و ياية لعلاج مريم : أي .. مب علاج كلي .. بس مجرد أطمأن على صحتي .. و ينا اهني منها نغير جو .. حسين : أي زين .. ايمان اختي هم اهني مع ريلها .. بس مب ساكنه في ذي المنطقة مريم : أي آدري عنها |
متى بتي الاجازه :( ابي اقرأ القصة ... شكلها فنتك
|
هههه
تسلمين خيتو بااقي باارت بنزله لين انكملهاا |
العيون الباكيه على القصه
|
تسلم اخووي ع المروور
|
مشكوورة اختي
العيون الباكية ع القصة الروعة ماتقصرين لاخلا ولا غدم |
يسلمو ع المررور
|
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
