|
أحلم بكلمة النوم الهنيء
السلام عليكم ورحمة الله وبركاته انا طالب في المرحلة الثانوية متعة النوم لا أعرفها لدرجة أن معظم الأيام اداوم وانا مواصل والليل طفش وحزن وكم فرة على السرير احس بالملل بعدين اضطر لأخذ جوالي واستلام خط المكالمات حتى الفجر مع زملائي او بعض الصديقات لتخفيف من هذا الملل والزهق كما أن بعض الاحيان اجبر نفسي على النوم بدري وعد العشاء ولكن محال نظامي بعد العودة من الثانوية أنام حتى أذان العصر مرة ومرة نصف العصرويعود الليل بملله وكنت سابقاً لاأعرف كلمة الغزال والكلم مع الفتيات حتى أصبح الآن يطلق علي غزلنجي وذلك يعتبر وسيلة لأزالة هذا الملل والسهر الطويل انا بفضل الله متفوق بدراستي تسغرق مني الدراسة من الساعة 10إلى 12وأمضيت على هذا الحال سنتين إلى يومكم الكثير قال لي استغفر وقبل أن تنام اسمع القرآن وعليك بصلاة الوتر ولكن من غير جدوى لا أعلم هل العقل تبرمج على نظام معين والله العظيم حتى صرت أعاني نفسياًتكفون يا شباب ويا شابات ساعدوني الله يرحم والديكم أنا لن احتمل هذي العيشة طويلاً مرتين أفكر بالإنتحار والحمد لله سلمت في آخر لحظات تكفون قد ماتقدرون ساعدونيPleas help me |
وعليكم السلام ورحمه الله وبركاته اخوي عليك الرجوع الى الله وتننظم بالصلاه وتكثر الاستغفار وتبعد عن اي شي محرم واذا تسمع الاغاني ارجو تبعد عنها الان الاغاني هي مدخل الشيطان واهم شي تكون عندك اراده بهذا اشى ولازم تحارب نفسك بنفسك عشان تطلع من مشكلتك ومثل ماقلت لك اهم شي هي الاراده وان شاء الله يرتاح بالك ويبعد عنك المرض |
و عليكم السلام ورحمه الله وبركاته
الله يهديك اخوي حد يفكر بالانتحار !! اولا دام انك مقتنع ان الي تسويه غلط من مكالمات ما منها فايده المفروض تقطع هذي العاده و تتوب الي رب العالمين انت محتاج تنظم وقتك و لا تقول ما اقدر فترات النوم في جسم الانسان تتأثر بالساعه البيلوجيه الي مبرمج الشخص نفسه عليها يعني اذا موعد نفسك على السهر مهما كنت تعبان ما راح تنام فلازم تتدرج في الأمر شوي شوي و تبتعد عن المنبهات نهائياً لا شاي ولا قهوة و لا بيبسي ... ابتعد عن النوم في النهار و اذا كنت تعبان خله في حدود نص ساعه فقط و من الساعه 12 بليل هيئ نفسك للنوم وذلك بغلق الجوال وصل ركعتين و أقرا قرآن و بعداه افتح كتاب تقراه لين تنام وان شاء الله تتيسر امورك |
بعد التوكل على الله يجب أن تكون عندك ارادة رجاجيل فما دام أنك عرفت الخطأ فهذا نصف العلاج وإياك ثم إياك بفكر الانتحار فهو الطامة الكبرى ، ربما لو بقيت على حالك أهون من الانتحار . حاول أن تقرأ بعض الكتب عن الارادة والحياة وما شابه ذلك ، والله الهادي إلى سواء السبيل .
|
الله يهديك ويسر امرك ويبعد عنكم الحرام والسوء وشياطين الجن والانس التقي الله واستغفر وسبح واحمد وكبر وحوقل واحتسب لين ترتاح نفسك وقول هذا الدعاء اللهم هدات العيون وغارت النجوم وانت حي قيوم لا تاخذك سنة ولا نوم اللهم اهداء قلبي وانم عيني وحفظني الله يريح روحك وتنام واهم شي لاتنام العصر لئنه نوم مكروه وياحبذاء تاخذ قيلولهبعد الغداء ساعه واحده فقط وتشوووف الفرق باذن الله
|
الله يعينك يالطيب
|
علاجك عندي وأنا أبو محمد على النقاط التالية إن وجدت فيك:
1ـ أعتمد على الله بكل شيء وابتعد عن المخدرات وابتعد عن القنوات الفضائية الماجنة الساقطة. 2ـ غير شريحة جوالك المعروف لدى الفتيات والشباب الضايع. 3ـ إقرأ آية الكرسي وكررها عدة مرات عند النوم . 4ـ ابتعد عن جلساء السوء وجالس وخالط أهل العلم والمثقفين تجد الخير الكثير والعلم الغانم والسيرة الناجحة في حياتك . ملاظة: أخي الكريم أنت طالب ثانوي وتجهل أمور وأمور كثيرة فكن على حذر مهما تقرب اليك الشباب أو الشابات الساقطين الفاشلين فكن على حذر واستقم بدراستك. |
تبغى مساعده اذكر الله واتذكر ان لك عار كما للناس عار وهذا اهم شي
الارحبي صنعاء |
الحل موجود وانت تعرف توكل على الذي هو حسبك
|
وعليكم السلام ورحمة الله وبركاته بلبل الصحراء نصحتي لك هي ان تذكر الدعاء هذا ( لا إله إلا انت سبحانك إني كنت من الظالمين) طبعاً الكل يعرف من قال هذا الدعاء وفي أي مناسبة قاله عليه السلام. اذكر هذا الدعاء وانت متيقن ان الله سيسجيب لدعائك وإن شاء الله يزول عنك الهم وحاول قراءة سور ( الإخلاص - الفلق- الناس) ثلاث مرات لكل سورة وانفث في يديك وامسح ما تستطيع مسحه من جسدك ويكون ذلك قبل النوم . اسأل الله العلي القدير أن يوفقه لما يحبه ويرضاه إحترامي لك |
A;,,,,,,,,,,,,,,,,,,,,,,,,,,,,,,,,,,,,,,,,,,,,c
|
اقتباس:
اخوي موظوعك فيه لبس كيف اداوم وانت سهران وكيف تقول اطلع من الثانوية وانام للعصر كيف يصير ؟؟؟؟؟؟؟؟ كلامك مافهمته انصحك راجع طبييب |
عليكم السلام ورحمة الله وبركاته
معليش اخوي بتحاور معاك شوي على حسب الكلام اللي انت كتبتة لكن خلينا ناخذها نقطة نقطة لو ماعندك مانع وياليت تتحملني لأني بكون قاسي معك في الكلام لكن في النهاية اتمنى لك الفائدة. وإعتبر نفسك انك ماسك ريموت وجالس تغير في القنوات المفضله لك (انا طالب في المرحلة الثانوية متعة النوم لا أعرفها لدرجة أن معظم الأيام اداوم وانا مواصل=اول شي الله يوفقك وينور دربك انت واخواني المسلمين ان شاء الله ثاني شي اعتقد ربي ماخلقك وشال النوم من عيونك لكن انت اللي حرمت عينك متعة النوم والدليل انك تداوم وانت مواصل يعني انت اللي احوجت نفسك لهالشي يعني انت الغلطان وانت اللي تصحح هالغلط كل شي بيدك) (والليل طفش وحزن وكم فرة على السرير احس بالملل=ليه وصفت الليل بهالوصف لكن الوصف الحقيقي انت اللي حطيت نفسك في دائرة مغلقة كلها طفش وحزن وملل وانت في نفس الوقت اللي تقدر تطلع من هالدائرة وللعلم جسم الشخص يتبرمج على حسب العقل وعقلك يوحي لك ان الليل طفش وحزن وملل يعني بيدك تغير هالبرمجه وتخلي ليلك هدوء وراحة بال وطمأنينة يعني في النهاية انت الكنترول اللي تقدر تتحكم في عقلك مثل ماتتحكم في ريسيفر تغيير القنوات على سبيل المثال) (بعدين اضطر لأخذ جوالي واستلام خط المكالمات حتى الفجر مع زملائي او بعض الصديقات لتخفيف من هذا الملل والزهق=ياخوي وش اللي خلاك تضطر تاخذ الجوال وتتكلم اعتقد ماحد يقدر يجبرك او يغصبك ويخليك تضطر تتكلم في الجوال لكن الصحيح انت اللي برضاك واختيارك وبكامل قواك العقلية مسكت الجوال وجلست تتكلم فيه ..تدري لية؟لأنك حطيت هالبرنامج في عقلك والدليل انك في الصباح يمر في بالك انك بتتصل على فلان او بتكلم فلانه او تبي فلان في موضوع يعني تخطيط الصباح تسوية في الليل وكلنا نسوي هالشي لكن نختلف في ضبط الوقت..وثاني شي تهيؤاتك توحي لك انك لما تكلم زميلك او صديقتك يروح منك الملل والزهق ولاتزعل من كلامي انت مثل اللي يضحك على نفسة والمعنى مفهوم مايحتمل شرح) (كما أن بعض الاحيان اجبر نفسي على النوم بدري بعد العشاء ولكن محال=ابي اعرف شي واحد انت ليه ماخذ الدنيا كلها غصب واجبار واكراة ياخوي حتى الصلاة المفروضه علينا ماتجي بالقوة لكن بالتعود والصبر كل الامور تتسهل يعني حاول تعّود نفسك على النوم ومافيه شي اسمة مستحيل المستحيل انت اللي بنيته وانت اللي تهدمه ومثل ماقلت لك انت المتحكم الوحيد في البرمجة) (نظامي بعد العودة من الثانوية أنام حتى أذان العصر مرة ومرة نصف العصر=حط خطين تحت كلمة نظامي علشان تعرف انك الوحيد اللي تحط هالانظمة وتلغيها) (ويعود الليل بملله=يعني رجعت للمرة الثانية تحط غلطاتك على الليل) (وكنت سابقاً لاأعرف كلمة الغزال والكلام مع الفتيات حتى أصبح الآن يطلق علي غزلنجي=كنت سابقاً يعني فعل ماضي ياليت تترك الماضي وتعيش الحاضر وتحاول تفكر في المستقبل يعني في الماضي ماكنت تكلم وفي حاضرك صاير تكلم يعني كل شي صار برضاك واختيارك..طيب ليه ماتفكر في المستقبل انك تترك هالاشياء وتبتعد عنها..وابي اسالك سؤال؟انت الحين تفتخر انهم يطلقون عليك غزلنجي وإلا تفتخر لاقالوا عنك مخاوي رجاجيل؟يعني انت بطريقتك واسلوبك خليتهم يقولون عنك غزلنجي وفي نفس الوقت تقدر تغير نظرتهم لك وتخليهم يقولون غير هالكلام يعني بيدك الريموت وانت المتحكم الوحيد في برمجة الكنترول يعني تقدر تبتعد عن البنات وتمشي مع رجاجيل تفتخر فيهم ومع مرور الايام بتتغير نظرة الناس لك..شفت شلون تقدر تتحكم حتى في كنترول غيرك؟ (وذلك يعتبر وسيلة لأزالة هذا الملل والسهر الطويل=ياسلام عليك هذي الزبدة اللي ادور عليها من اول..انت خليت سواليفك مع اصحابك وصاحباتك وسيلة علشان تبعد الملل والسهر يعني في النهاية مجرد وسيلة لا اكثر ولا اقل بمعنى تضييع وقت وليست شي اساسي بالنسبة لك يعني تقدر تغي هالوسيلة بشي اساسي مثل القرآن والصلاة وذكر الله ولاتنسى ترا الريموت بيدك وانت اللي تتحكم في تغيير القناة) (انا بفضل الله متفوق بدراستي تسغرق مني الدراسة من الساعة 10إلى 12وأمضيت على هذا الحال سنتين إلى يومكم الكثير قال لي استغفر وقبل أن تنام اسمع القرآن وعليك بصلاة الوتر ولكن من غير جدوى=الحمد لله انك مازلت متفوق بالدراسة وكله بفضل الله مثل ماقلت يعني لولا الله ماتوفقت في حياتك أبد..ثاني شي مالاحظت ليه الكل ينصحونك بالصلاة وذكر الله..طيب ليه مانصحوك تسمع اغاني وتكلم بنات؟؟؟ياليت تجاوبني على هالسؤال) (ولكن من غير جدوى=ليه من غير جدوى يعني انت قطعت الامل في ربك حتى تقول هالكلام...طيب تدري ليه مانفع معاك القرآن والصلاة؟لأنك في الاصل غير مقتنع وانا متاكد انك لاجيت تصلي او تقرا قرآن تفكيرك يكون مشتت مابين ذكر الله ومابين اشياء ثانية. ياخوي الله قال في كتابة الكريم ؛الا بذكر الله تطمئن القلوب؛ وانت تقول دون جدوى) ( لا أعلم هل العقل تبرمج على نظام معين=هنا يكفيني كلامك لأنك وصلت للمعلومة الصحيحة واعتقد انك عرفت قصدي) ( والله العظيم حتى صرت أعاني نفسياً=شوف ونا خوك كل انسان مولود على وجة الارض يكون عنده حاله نفسيه وانا بعطيك بعض الامثله..اللي يحب الضحك واللي يحب الهدوء واللي يحب الثرثرة واللي يحب الناس تمدحه واللي يحب التعارف واللي يحب الشماته واللي ماخذ الدنيا طناش واللي يحب الانطواء هذي كلها حالات نفسية لكن الشخص يقدر ينمي هالحالة ويقدر يخليها شي عادي في حياته ولا كأنها موجوده وفي النهاية الريموت بأيدينا واحنا المتحكمين) ( تكفون يا شباب ويا شابات ساعدوني الله يرحم والديكم=بدل ماتطلب خلق الله يساعدونك في شي انت حطيت نفسك فيه روح اطلب ربك وإخلص النية وإبتعد عن كل شي يلهيك عن طاعة الله ياخي الله يقول؛من اتاني يمشي اتيتة هروله؛ياخي يكفيك هالكلمتين يعني تترك الخالق وتترجى المخلوق وربي لو يجتمع الانس والجن ماراح ينفعونك بشي وانا اول واحد لو قلت لك اني بساعدك يعني اكذب عليك) (أنا لن احتمل هذي العيشة طويلاً مرتين أفكر بالإنتحار والحمد لله سلمت في آخر لحظات تكفون قد ماتقدرون=ماتلاحظ انك متناقض في هالكلمتين وشلون ماتقدر تعيش وفكرت في الانتحار وبعدين ترجع تقول الحمد لله انك سلمت...طيب ليه من الاساس ماتحمد ربك على الصحة والعافية اللي انت فيها؟؟ياخوي لاتزعل مني لكن شيطانك اقوى منك ولو ترجع لكلامك بالتفصيل راح تعرف هالشي. في النهاية المرض اللي تعاني منه هو ابتعادك عن الله والعلاج الوحيد لحالتك هو ذكر الله والتضرع والتقرب إليه يعني في الحالتين الرابط المشترك بين مرضك وعلاجك هو(الله) لو تبي تستمر في المرض خلك بعيد عن ربك بالسهر واللهو ومكالمات الشباب والبنات وعيش حياتك بالطول والعرض ولو تبي ولو تبي علاجك خلك قريب من ربك بالدعاء والقرآن وذكر الله في كل وقت وقبل كل شي اخلص النية صدقني ماراح تندم لأن الله معك.وفي النهاية ابيك تدعي لي معك بالهداية وأسأل الله لي ولك وللجميع الجنه إنه سميع مجيب الدعاء. كلمة اخيرة:لاتنسى الريموت بيبقى في يدك والغيير في يدك والتحكم في الكنترول كمان في يدك وانت تختار القناة اللي تبيها وانت ادرى بالشي اللي تبيه وعقلك براسك تعرف خلاصك وفي النهاية لا انا ولا غيري يقدر يغير شي لأنك الوحيد اللي تمتلك الريموت والكنترول |
النفس اذا لم تشغلها بالطاعه شغلتك بالعصيان |
الله يكون بعونك ومثل ماقالو لك الاعضااااء
عليك بالاستغفاار وخل عندك عزيمه وانااختك وان شاااء الله راح تتحسن ضروووفك |
هلا اخوي بلبل الصحراء
عليك الرجوع الى الله بكل صدق والابتعاد عن المغازلات والمعكسات وعليك بالاستغفار بنيت ان الله يشفيك من اللي انت فيه وقد تكون مصاب بعين والعين حق فعليك اخي الكريم القراءه على نفسك او الذهاب للمشايخ من اجل القراءه واستمر على قرائة سورة البقره بنية الشفاء اسأل الله الشافي المعافي ان يشفيك ويشفي جميع مرضى المسلمين اللهم امييييييييييييييييييييييييييييييين دمت بحفظ الرحمن |
كل النصائح فاشلة وغبية الكل ينصح فقط ولم يتكلم عن البديل افعل وافعل سهل الكلام ولكن الفعل صعب
التحليل لصاحب الموضوع هو انسان كذاب مجتهد وليس ذكي اجتماعيا وماديا سئ ضعيف الشخصية اما الموضوع فأشك في صحتة واقول العب بعيد لا اعرف اي انسان سئل الله وفشل اخوني لاتنصحون بهذة الطريقة بل نقول ان الله لايغير مابقوم حتى يغيروا ما بأنفسم اذا نقطة البداية هي القلب ابحث عن الغذاء المناسب وشكرا |
السلام عليكم
اخوي اتمنى انك تعرض نفسك على شيخ يقرا عليك لانك اخوي ما لجات للمكالمات الا لانك ما تنام وهذا شي طبيعي بس اخوي كان فيه شخص يعاني انه ما ينام وما كان علاجه الا من قراءه الشيخ عليه واتمنى من الله الواحد الاحد انه يعافيك من بلوه المعاصي ويجعلك من عباده الصالحين واتمنى انك تدعي لنفسك ولاخوي له شهرين مختفى وما يرد على اتصالاتنا عسى الواحد الاحد ينور طريقك ويصلحك ويصلح اخوى ويعصمكم من المعاصي ويكفيكم حر النار ااااااااامين |
اكثر من الاستغفار
وذكر الله ربما ينشرح صدرك |
السلام عليكم ورحمة الله وبركاته
أخي في الله الله يهديك الى ماتحبه وترضاه أتمنى لك الهدايه بأن تبتعد عن الاغاني وكل مايجلب الشيطان وأن تشغل وقت فراغك في قراءة القران الكريم والاشتراك في النوادي او في بعض المواهب لديك وايضا حاول ان تكون مع العائله تسمع لاخوانك وخواتك اذا كان عندهم مشاكل حاول قدر المستطاع أن تتقرب الى الله بكل عمل صالح واوصيك بالصدقه وحفظ كتاب الله الكريم وقراءة بعض الكتب الدينية عن السيرة النبوية 0 والله يوفقك الى كل خير |
اخوي في الله انصحك بما قال الاخ: صريح الراي وأزيد عليه قبل لاتنام وبعد قراءة اذكار النوم قول :سبحان الله 33والحمدلله 33 والله اكبر 34 وان شاء الله بترتاح ويكون هذا آخر كلامك وهذي وصية النبي عليه افضل الصلاة والتسليم لبنته السيدة فاطمة رضي الله عنها واذا عن الكتب انصحك بكتاب استمتع بحياتك وكتاب روائع وبوادع لمحمد العريفي
|
أخي لاتقول دون جدوى استمر على قراءة القرآن وسماعه {لَوْ أَنزلْنَا هَذَا الْقُرْآنَ عَلَى جَبَلٍ لَرَأَيْتَهُ خَاشِعًا مُتَصَدِّعًا مِنْ خَشْيَةِ اللَّهِ وَتِلْكَ الأمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ} فما بالك بالنفس البشرية
الاكثار من الاستغفار يزيل الهموم تحري أوقات إجابة الدعاء وادعو لنفسك بالهداية وصلاح الحال صدقني ياأخي الانتحار ليس هو الحل أنت تفكر ان انتحرت سوف ترتاح من الدنيا ولكن سينتظرك ماهو أصعب وتتمنى لو تعود للدنيا لتفعل شئ تقابل به ربك لأن الموت ليس نهاية المطاف بل هو بداية للحياة الأبدية أسأل الله لك ولنا ولشباب وفتيات المسلمين الهداية إنه القادر على ذلك |
يسلمو ع الموضوع
الله يهديك امين اذكر ربك قببل لاتفكر في الانتحااااااااااااااااار تقبل مروروي |
الله بيعينك عليك انا تستعين بلله وانا تستغفر ربك وتعود نفسك على الاستغفار وقم بواجبك امام رب العباد والجاء اليه
ولانه والله لو لجاتي لرب العباد ما راح تدم وحاول انك ما تنا في العصريه |
عليك اخي بلبل الصحراء اذكار الصباح والمساء والصلاة وباذن الله راح ترتاح اسئل مجرب ولا تسئل طبيب
|
بسم الله الرحمن الرحيم ... الحمد لله ربي العالمين والصلاه والسلام على أشرف خلق الله ..أما بعد .. هذا جواب لك ولغيرك ... في البداية هذا الذي قلته ربما يكون صدق ولاكن وحسب خبرتي في مجال المدمنين والتائبين .... يقول الله سبحانه وتعالى في محكم أياته .... كلا بل رأن على قلوبهم ما كانو يكسبون ... كلا أنهم عن ربهم يؤمئد لمحجوبون ... لو تعلم معنا هده الايه لتاب كل وأحد منا عن أي معصيه ...أتعلمون ما هو الران الران طبعة سودا تطبع في القلب أذا كترت المعاصي وهي كا اليمونه المعطبه ..وذالك بسبب كثرث المعاصي ... ويوم ينظر الناس الى ربهم تحجب مع المنافقين ... لا نقول كفر ولاكن عاصي منافق لانك تشهد أن لا اله الا الله ... أتقوى الله ياشباب .. وصلى قبل أن يصلى عليك ... لا تقل أنا أصلي فقط .... وأنت لم تمتنع عن المعاصي ... لان صلاتك ترد عليك وتقول ضيعك الله كما ضيعتني ... يقول الله سبحانه وتعالى ... أن الصلاة تنهى عن الفحشاء والمنكر ... هل صلاتك نهتك عن النظر الى النساء .هل صلاتك جعلتك تبر والديك ... هل صلاتك جعلتك أذا رئيت منكر تغيره .هل صلاتك جعلتك أذا رئيت صورة ماجنه أو عاهر في النت تمسحها وتحاول أن تدل عن موقع أسلامي أو توصل حديث لرسول الله صلى الله عليه وسلم ... والله ثم والله ياأخوان لو أصاب أحدكم مرض سرطان أو فقد بصره أو سمعه أو القدره عن الكلام لم نظر ولم يكلم بنت في معصيه بل أنه سيحاول أن يتقرب الى الله بشتى الطرق ولاكن كيف تدعو من تعصيه وهو ليس بحاجه الى صلاتي وصلاتك بل عنده ملائكه يسبحونه ليل نهار ... لاكن ربنا رحيم غفور ثواب ... يفرح باالعبد أذا ذكره .. يقول الله سبحانه وتعالى من ذكرني في ملأ ذكرته في ملاً خيراً من ملئه ... ومن تقرب الي شبر تقربت اليه دراع ومن تقرب الي ذراع تقربت اليه بااع ومن أتاني يمشي أتيته هرولا ... وكنت عينه التي يرئ بها وأذنه التي يسم ولسانه التي يتكلم بها ويده التي يبطش الى أخر الحديث .... أتقو الله ياشباب لان الله يراك وأنعم عليك بنعم لا تحصى نعمت البصر والسمع وكم نعم لا تحصى ... تخيل يامن تعصي الله أنك لا ترى كم تدفع ويرجع بصرك ... أن الله يمهل ولا يهمل ... الكلام كثير في هدا الباب وأنتم كم تتقنون النت والبرامج في الكمبيوت وبعض المور حاولو أن تعلمو أمور دينكم ... هدا ... سبحانك اللهم بحمدك أستغفرك وأتوب اليك .... وجزاكم الله خير ... لسعت صدوركم
|
الله يهديك اخوي ويردك للحق وعليك بالصلاة
|
مرحبا عزيزي
الصلاه عباده واول مايسال العبد عنده رب العباد هو الصلاه عزيزي مافيها شي اذا كل يوم تقراء ايات الله عزوجل بعد كل صلاه اقرا ايات الله تعالي وقتى الفراغ ماعندك شي اقرا القران الكريم وابغي اقول شي ليش ماادش علي الفلاشات الاسلاميه وتشوف البشر كيف يتعذبون في الدنيا ومن الفلاشات بتعرف شو الصح وشو الغلط :60: |
والله يااخي العزيز شما اضيف مراح اكتب اكثر من الي تفضلو بي الاخوة والاخوات قبلي ولكن يبق شي واحد كل انسان في داخله مخزونة طاقة يجب ان يستخدمها في المكان الصحيح وانت انا متأكد انك معي في هذا الامر وانت احسن من هذا الشي وارجو ان تتوكل على الله وقل في نفسك انا غير هذا انا احسن مما علية وتوكل على الله وانشاءالله الله معك والسلام عليكم ورحمة الله وبركاتة
|
الاسلام منظم بشكل لا تتصوره لو مشيت بنظام الاسلام بدقه والله لعلمت انك في
سبات عميق جرب وراح تعلم انك كنت على خطوات فارغه وعلى طريق شبه اعمى [التجربه خير برهان] |
أخي بلبل جاوب على سؤالي
هل ترضى بأن يكلم أمك أو أختك أو خالتك أو عمتك أو زوجتك أو بنتك في المستقبل القريب أن شاء الله رجل غريب ويعاكسها الجواب أكيد معروف طيب كيف ترضه على بنات الناس وللي بيته من زجاج لا يحذف الناس بالحجرة ووالله والله أن شئم هذه المعصيه هو ما تجده في نفسك فتقي الله حيثما كنت ولا تنسى أنه دقه بدقه ولو زدنا لا زاد السقة وأكيد الكل عارف حكاية السقه واخيرنا أسئل الله العظيم رب العرش العظيم يصلح حالك ويهديك إلى طريق الحق |
أنصحك بالرجوع الى اللة والمواظبة على الصلوات فى ميعادها والالتزام بالاستغفاروقراءة القران الكريم
|
الله يهدك ويهدى اولاد المسلمين كن مع الله واكثر من الاستغفار وابعد عن اصحاب السوء واذا كنت قريب من مكه خذا عمر ه واطلب الله يريح قلبك ويطهرك ويعدك عن المعاصى ا للهم اعوذ بك من الهم والحزن والعجز والكسل والجبن والبخل وغلبت الدين وقهر الرجال والله يصلحك وينور طريقك
|
اخوي الله يعينك حاول ان تمارس الرياضة يوميا وخاصة قبل النوم وقراءة القران
|
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
