|
اللقيط بليز ابي مناقشتكم
السلام عليكم
كيفكم يااعضاااء المهم جايبه لكم موضوع وحاابه اتنااقش معاكم فيه وفي نفس الموضوع انا مريت فيها ونفس الشخص كلمني وجلس يشتكي بقوولكم الساالفه ويااليت يكوون فيه نقاااش على شان اعرف وجهة نظر كل منكم وهو موضوع اللقيط شخص اعتبره زي اخووووي والله يعلم بس هو ماله ذتب انه صااار لقيط وتكفلت في اسره وربته الى ماوصل عمره 11 سنه وبعدها صاارحووو بانه لقيط ... المهم مالنا بطويله الولد من صغره وهو يشتكي من هذه الاسره وهي تتلفظ عليه وتقووله ياولد الحرااام ياولد الزباله يالي مالك اصل ووووووومن هذا القبيل لدرجه ان الولد فكر انه ينحرف ورا اشتكى للجهاات المختصه واكثر مايردوون عليه يقوولوون له هم اللي ربووك تحملهم... المهم جا قبل يومين وجاني رقم على جوالي غريب وبعدها رديت الا وهو سلااام.. وعليكم السلام.. فلانه .. اي ... من معي.. قال فلااان هلا والله حياك ياخوي كيفك اخبارك ان شااء الله تمام قالي وش اقوولك وفجأه انهاار علي وجلس يبكي وينايني باسمي انا تعبت من هالدنيا اللي ماترحم مااحد محترمني ياولد....واناواناوووووووو بصرااحه انا عورني قلبي وجلست اهديه واقووله انت مالك ذنبي قالي تعتب يااختي حتى ربعي ينادووني ويعايروووني وش اسووي انا هديت من رووعه وقلت له مع ليش وانا اختك اللحين صار عمرك 20 وماشااء الله عليك شااطر ومجهتد وهذا انت تدرس وتشتغل ووراح تكبر وتعتمد على نفسك وحاولت اهديه .... اليكم يااعضااء ماتلتقى عيال الخليج اش رايكم بالمجتمع اللي بالطريقه هذه يعني اللقيط له ذنب ..بالأكيد ماله ذنب اذا ربي ابتلى أسره بعدم الانجاب ليش يااخذووون طفل ويعذبوونه بالطريقه هذه مو حرام انتو اش رايكم بالموضوع موضوع ليس من الخياال بل من الواقع |
وعليكم السلام ورحمه الله وبركاته
اكيد ماله ذنب غلطه بشريه من الاثنين والضحيه الطفل عليه بصبر ويحكم بعقله وكلام النا س خله اخر همه ماله ذنب بس المجتمع ما يرحم مثل ما قلتى عمره 20 سنه رجال خليه يقوي ايمانه وينظر الى الامام والله يعينه ع ما صابه اللي ماله ذنبه فيه شكرآ ع الطرح الانساني |
يسلمو علي الموضوع الله يكون في عونه
|
والله مدري وشاقول لك ونا خوك
يعني هالعايلة ياويلهم من الله دامهم ماهم قد المسئولية ومخافة الله ليه يسوون شي مايقدرون عليه الرسول صلى الله عليه وسلم قال(انا وكافل اليتيم في الجنه)وهالشخص يعتبر يتيم لأنه شرعاً مايعتبر له أب ولا أم وهالشي الله اللي كاتبة له من قبل ماينولد يعني هذا مصيرة مايقدر يغيره لازم يتعايش معاه وكل اللي يقدر يسوية انه ينتبة لنفسه ولمستقبله حتى يفعل الله مايريد |
مشكوور ع الموضوووووع
الله يكون في عوونه راازين نفسهم ويربوونه ويعاايروونه بعد خووش اهل هع هع الله ينتقم منهم ودي |
وعليكم السلام ورحمة الله وبركاته
الله يكون في عونه وأكيد ماله ذنب وأنا مستغرب كيف في عائلة تأخذه وتجلس تهينه أنا أعرف ناس ما خذين من الملجى ومربينهم والله أنهم يخافون عليهم أكثر من عيالهم ومن رأيي أنا أنه يستعين بالله ويكثر من الإستغفار ويتوكل على الله وما يلتفت لكلام الناس والي مربينه ما هم أهل لهذه التربية يتركهم ويعيش لوحده يعني إذا كان في الجامعة يعيش في السكن وإذا كان موظف يسكن بره والأفضل يدور عمل خاج المدينة اللي عايش فيها ويشق طريقة من جديد بس لا ينسى من ربة يسأل عنهم والله ييسر أمره |
يسلمو علي الموضوع الله يكون في عونه |
وعليكم السلام ورحمة الله وبركاته
هذا يدل على ضعف الوازع الديني والثقافي لهالأسرة وأتمنى إنه ما يلتفت للكلمات السخيفة اللي يطلقونها عليه والمستقبل بيده هو من يحدده إذا كان يبغى يكون له مكانه بين المجتمع ولا لا وأهم شيء ما يكون ضعيف قدامهم ويعينهم على نفسه ولا فرق بين عربي ولا أعجمي إلا بالتقوى والرسول صلى الله عليه وسلم قال:(إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير) وهذا يدل على أن النسب مهو مهم في الدين وأتمنى يشيل كلمة لقيط من راسه وينساها. |
اسعدني توااااجدكم اخواااني وشاااكره لكل من دخل ووضع له مشاااركه
|
وعليكم السلام
لاذنب له بل نتجية غلطة وهو من يتحمل نتائجها ويجب الاعتناء بهم من قبل اخصائين نفسين حتى يتقبلوا وضعهم في المجتمع دون اي حساسيه من الغير مشكورة عالطرح |
مشكوووووره ياغنااتي والله يجزاك خير
|
وربي موضوع يعور القلب
الله يهدي الناس اللي يتركون عيالهم ليه كذا وربي شي يستهنون فيه كيف قلبهم يهويهم يتركون طفلهم مااقول الا ربي يعينه ويصبر قلبهـ |
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
