|
البنت اللي ماتعرف تطبخ ،،هل تصلح ان تكون زوجه؟
السلام عليكم ورحمة الله وبركاته
البنت اللي ماتعرف تطبخ.. هل تصلح تكون زوجة!!! تعال يا شاب يامقبل على الزواج.. هل راح تقبل شريكة حياتك بهذا الشكل!!!! تخيل نفسك وانت راجع من الشغل ساعة 2 واكيد تعبان ومرهق.. وفجأة تكتشف انه مافيه غداء.. والسبب أن زوجتك العزيزة الغالية ماتعرف تطبخ!!! وين المدرسة ومنهج التدبير المنزلي من هذاا!!! لاتعليق انا اتسآل وين دور الام في تعليم بناتها الطبخ؟!! فيه منهن أحسن حالا ويعرفن يسوون البطاطس والبض بأنواعه ( مقلي ، مسلوق ، وعيون ) وأحيانا يسوون شاي ولو انه مرات كثيرة يكون بدون سكر أو عسل كله سكر.. أنا هنا أتكلم عن جزء من البنات ولو انه صار عددهن يزيد في السنوات الأخيرة.. هناك أسباب لهذي المشكلة وأهما: 1- وجود الخادمة 2- الأنشغال بالدراسة يمكن يرد علي واحد ويقول الزواج مش طبخ.. حلووو بس هل تقدر تعيش بدون طبخ؟ راح تقولي : فيه حاجه أسمها مطعم؟ حلو بس هل راح اتعيش طول حياتك كل يوم اذا جعت تروح المطعم . والصباح تروح المطعم والظهر تروح المطعم والعشاء تروح المطعم.. هل راح تستحمل هذا؟؟؟ في الآخير أتسآل سؤال برىء.. اذا هذي البنت ماعرفت تطبخ فكيف راح تربي عيالك!!!!! ويش رايكم في هالكلام !!!!!!!!! مع خالص تحياتي للجميع |
بس كفايه بطاط وبيض هههههههههههههههههه
لا يسوي شي اول شي يسال اذا هي تعرف تطبخ ولا لا اذا ماتعرف يدور له وحده طباخهـ والحين موضه المطاعم اللهـ يخليها واكثرهم يفضل المطاعم يعني بلاها تعب ارتاحي ههههههههههه |
بصراحة موضوع وايد مهم انا من البنات اللي ماعرف الطبخ بالمره حتي البيض ماعرفه اسويه طبعا هذا شىء مب زين للبنت المفروض من صغرها دش المطبخ وتعلم مادري يمكن الانى الوحيده اللي بين اربع اخوان لجذى امي ماعلمتني الطبخ او مدلعتنى اكثر واقولها بكل صراحه هذا شىء خطاء وتربيه غير صحيحه اما ع الزوج هذا شيء راجع له بس انا رأي لازم البنت تعلم اولا لها ثم لزوجها وبيتها شكرآ ع الطرح |
كونان
تسلم حبيبي على فتح هذا الحوار بحسب رايي انه من الافضل ان تكون البنت متعلمة الطبخ والامور الاخرى المتعلقة بالحياة الزوجية والاسريةوالموضوع لا يقف فقط على الطبخ فمن المهم ايضا ان تكون البنت لبقة بالحديث مع الزوج ومع الاخرين ويجب عليها ان تتعلم من والدتها هذه الامور قبل مرحلة الزواج اما بالنسبة لسؤالك هل تصلح لزوجة ام لا فنعم اخي الحبيب ولما لا تصلح واول عن اخر سوف تصبح تعتمد على نفسها وسياتي اليوم الذي تصبح فيه طباخة ماهرة ودمت بالف خير ملاحظة اقترح نقل هذا الموضوع لقسم الحوار الجاد لانه سيكون مناسبا اكثر ودام الجميع بالف خير |
انا احاول اتعلم ساعات تدق علي و ادش المطبخ هههههههه
و رايي من راي بيبرس |
بإختصار أتمنى من كل بنت ماتعرف تطبخ أن تتعلم الطبخ لأن الطبخ موب عيب وبكره تساعد أمها في الطبخ وتطبخ لزوج وعيال المستقبل |
يسلمو هادئه المشاعر على مرورك
|
يسلموبحر الروسي على مرورك
|
يسلموالظهر بيبرس على مرورك
|
يسلمو قطرت الندى على مرورك
|
يسلموالقلب الحزين على مرورك
|
موضوع رائع مهم جدا
الحمدالله ادخل المطبخ واعرف أشياء بسيطه وعندي أقتناع لو أجرب الباقي من غير مااتعلم راح يضبط معي الطبخ عندي أخت ماتحرك شي بالبيت أبدا لا وتاكل وماتشيل أكلها من الدلع بس يوم تزوجت صارت تطبخ لحالها وأكلها ماشاء الله لذييذ يسلموو على الطرح يعطيك العافيه |
مشكور اخوي كونان على طرحك للموضوع المهم لكل بنت وشااااااااب عادي في شباب اطبخون احسن من البناااااااات
الصراحه هذا الجيل البنااااااااااات يدلعون ميحبون يدخلون المطبخ ليه على راسهم ريشه هع تقبل مروري |
حرآآآآم والله مسكيييين كللللللله مطااعم..
والله من رآيي لازم تعرف تطبخ.. وإذاا ماتعرف تتعلم موو شي صعب لهادرررررجه.. |
..الطبخ شي مهم والبنت اللي ماتعرف تطبخ مو مشكله بتتعلم مايبغالها هندسه يعني وشي ابدا مو صعب..
..وهل ترضى بانه الشاب يتزوج بنت ماتعرف تطبخ ؟؟ممممم اتوقع عادي لانها كذا او كذا بتتعلم بايام قليله .. ..انا ابد مااعرف اطبخ وجربت يومين ادخل المطبخ وسويت كم شغله وطلعت لذيذه وهذا ان دل؟؟..دل على ان الطبخ سهل وممكن نتعلمه بسرعه .. ويسلموا على طرح الموضوع.. |
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
