منتدى الخليج - انبض غلا مانبض فراق وقطيعـه

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - انبض غلا مانبض فراق وقطيعـه (https://kleej.com/vb/showthread.php?t=121171)

نوف	11-06-2015 02:56 AM

انبض غلا مانبض فراق وقطيعـه

ياليتني قلبك علـى شـان اداريـك
عن كل نبضة قلب تاتـي سريعـه

اخاف ضغط الدم من حـر مافيـك
يعطي امر فرقى واخافـك تطيعـه

اعيّشك وآعيـش عيشـة مماليـك
وازيد نبض الحب وارفض تبيعـه

وآمد شريان الغـلا مـن معاليـك
عشان ماتفـرض علـي القطيعـه

كذا ترى تصبـح حياتـي بأياديـك
واعيش بك واصبح معك عـالطبيعه

لافيـه لاغيـره ولافيـه تشكيـك
اخذ وعطا قدر اللـذي نستطيعـه

اغليـك واتغـلا وازيـد بتغلـيـك
واتحمل همـوم الحيـاة المريعـه

من لي بعد زولك وضحكة اشافيك
ترى الحياه ابدون وصلـك فضيعه

ياليتنـي قلبـك وياليتنـي فـيـك
انبض غلا مانبض فراق وقطيعـه