منتدى الخليج - انا فضحتها ودمرتها ونزلت راسها بين الناس عشان تعرف منو انا

السلام عليكم ،،

عيبني اختي الكريمة هذا الموضوع ،،وحبيت اني اضع إضافتي..

من يقدم على مثل هالعمل مؤكد انه يعاني من ضعف في الشخصية ،،

وامراض نفسية، وأهمها حب اثبات الذات و الظهور،،

ولما يقدم على هالشي يحس بالفخر و القوة في ذاته انه وصل للخافي في حياة الناس..

وبالتأكيد هو غاقل عن الضعف اللي في نفسه وفي شخصيته، ومب مدرك لامكانية

انكشاف أمره امام الناس، ونلاقيه يحيط نفسه بهالة من المثل والقيم الشكلية ..

اللي بمجرد وقوعه بأي مشكلة وتعرضه لاي إحباط تزلزل وتحطم..!!

اعتقد ان الوسائل المتوفرة الان مثل (الانترنت ، البلوتوث.. إلخ )

ساهمت كثير في انتشار مثل هالامراض ،، وحب التميز و الظهور بمواضيع حصرية ومميزة..

وكأن التسابق فيها بيكون له الاجر العظيم و رفعة الشأن..

ويغفل الواحد أو الوحدة منهم ( وانا اذكر الجنسين لان الاناث بعد مب اقل شأن في هالموضوع)

ان فيه رب عظيم مطلع على كل صغيرة و كبيرة في هالكون ، و يعلم مايسرون وما يعلنون..

وان الجزاء يكون من جنس العمل.. لذلك نجدهم يتسابقون في هالمجال..

واللي يشجعهم ،، كثرة مرتادي هالمواضيع ،، واللي يثروون مثل هالمواضيع من التعقيبات و التعليقات..

بس لو يكون كل من يرتاد مثل مواضيع الفضايح تكون له بصمة خير هذا ممكن يرد ضعاف النفوس

و يجعلهم يحسون بالخجل،، من أفعالهم لا التشجيع و الفخر..

آسفة على الاطالة ،، وان شاء الله تكون إضافتي فيها شي من الافادة..

لج يا غالية كل تحية و احترام..