- يآبعيده ..!

 

- يآبعيده ..!

يا بعيده ، كل سنه و انتي سعيده
الشتى مر المدينه بلا تفاصيل و أماكن ،
كان يحكي عن : فقيده ..
عن مطر يشبه دموعك ،
و انتي تشكين بخضوعك
مِن تقاليد و عوايد
تقتل الحُب وتبيده ..
يا بعيده ، كل سنه " وآنا أحبك "
من زياده / في زياده / في زياده
وكل ما اكتب قصيده ، جيتي انتي
و كل ما اقرى جريده جيتي انتي ،
و كل ما تضحك صغيره : شفتك انتي
و كل ما طق المطر و انغسلت الارض وتبسّم ثغر حالم
" شفتك انتي "
يا بعيده : دايم استرجع كلامك ،
ومشهد اليوم الاخير ..
يابعيده " كم اعيددده "
و اقتله مليون مره في خفوقي : و آآه تغرق في مزيده ..
يا بعيده ، كل سنه و انتي سعيده
كل سنه اردد لصوره تختنق في روح عيني
كل سنه اكسّر يديني
كل سنه اسألْك : ويني
وما تردي .. يا بعيددده
كنت اقول لكل حاجاتي " تجين "
ولإنتظاراتي " تجين "
و لسكك و أصحاب كانوا
انك انتي ما تخلّيني " وتجين "
ورحتي انتي عن عيوني ،
عن شغف صوتي و قلبي
وصرت اناديك : البعيددده ..
ساكته : و اقطف سوالف امنياتك
من عطر باقي بصدري
من رسايل وسط ادراجي تغنّي
و ذكرياتك ،
ما رحلتي يا بعيده ..
و انتي اصلاً روح شاعر ،
كل قاف و كل لحن وكل قصيده
ماضي و حاضر و بُكرى
و كل شي ما يجيده
أو يجيده ، ..
يا بعيده كوني دايم : من أجل قلبي
" سعيده "
و يا بعيده

المصدر: منتدى الخليج

 يسلمو الوتر الحساس
على وضعك هذه الكلمات الجميلة ويعطيك ألف عافية

 شكراً لطرحك الكلمات
يعطيك ربي العافية

 رحلنا مع حروف الشاعر
لمحطة البعد والفراق والانتظار

كانت الرحله جميله
شكرا الوتر
لذوق الجميل بآختيار كل ماهو جميل

 يا بعيده ، كل سنه " وآنا أحبك "
من زياده / في زياده / في زياده
وكل ما اكتب قصيده ، جيتي انتي
و كل ما اقرى جريده جيتي انتي ،
و كل ما تضحك صغيره : شفتك انتي
و كل ما طق المطر و انغسلت الارض وتبسّم ثغر حالم
" شفتك انتي "
يا بعيده : دايم استرجع كلامك ،
ومشهد اليوم الاخير ..
يابعيده " كم اعيددده "
اهداء لماما احس الكلمات رجعتنى شوق لج
آآآآآآآآآآآآآآآآآآآآآه يا بعيده عنى ومستحيل ترجعين

 كحيلان
يسلمو على مرورك ويعطيك ألف عافية

 كنز الغلا
يسلمو على مرورك ويعطيك ألف عافية