|
التسول وما ادراك ما التسول
راح اتكلم عن التسول او الشحاذه او
الطراره باللغه العاميه صراحه صرنا نشوف طرق جديدة بالتسول وبأذكر لكم امثلة يمكن تضحكون مره جت وحده لبيتنا ودقت الجرس وطلع لها الوالد وقالت انا محتاجه ومن هالكلام طلع لها الوالد 50 ريال وعطاها قالت له بس 50 كل هالتعب و50 ريال طبعا الوالد اخذ منها 50 ريال وقفل الباب في وجهها هههههههههههههه مايلعب الوالد ههههه ومره واحد في مجمع كان يمشي مع زوجته وجته وحده لابسه عبايه مخصره وبرقع واناقه الى ابعد الحدود المهم طلبت منه مبلغ مساعده وعطاها 500 ريال قالت له بسسس على هالكشخه هذا اللي في جيبك الزوجه انقهرت وسحبت منها 500 ريال وشرشحت فيها تشرشح بالمجمع خلتها ماتسوى ملابسها اللي عليها ومره هذي صراحه قدامي عند الاشارة وحده متزينه وحركات طبعا هم 4 بنات كل وحده عند اشاره قدامي سيارة مكسيما جت تطر عنده وولعت الاشارة وهو يسولف معها قلت بخاطري وش سالفتهم شوي ركبت معاه ورا وطار فيها الظاهر انهم اتفقوا على السعر بس في ذمتكم هل هالنوعيه من الناس تستحق ريال صدقه ؟؟؟؟ |
راعي الكمارو يَآ هَلآ وَ غَلآ فِيكْ ههههههههههههههه والله ضحكتني على هالمواقف بس زين يسون فيهم أجل أسمع السالفة مرة كنت معزم ورايح البحر نقصني كم شغله لازم آخذها من البقاله قلت أمر وآخذها وأمشي وقفت في المحطه نزلت من السيارة إلا هذيك اللي كاشخة بالعباة ويدينها مرصعه بهذيك الحنه وشكل الحنه أسو <<< شكلها ما خذته من الهند دخلت البقالة وأخذت الغرض وطلعت ونفس البنت غيرت اللوك ألبست قفازات يعني ما تبغى أحد يشوفها متحنه ولا جاتني الله يخليك والله يستر عليك والله يوفقك قلت والله ما تفرحين بريال واحد وأركب السيارة وأمشي بالله عليكم هذي ناس تستاهل انها تأخذ صدقة والله لو ما اني كنت مستعجل وابا اروح البحر والا على طول الدورية تركبها وهي تتفاهم معها بس تركتها ومشيت يسْلَمُوووو عَلَى الموضوع وَ آلله يَعْطِيك آلصَّحَةُ وَ آلعَآفِيةِ |
فيه بشر بالعفل محتاجه وترضى باي شىء يمد لها وتشكر لله وفيه بشر ماترضى الا مبلغ اوفر يعني الطراره ع الموضة بصراحه و شاهد الله كنت بجمع بسالميه وكانت فيه طفله عمره يمكن 10سنوات تمد يدينها اللي رايح واللي جاي رحت عندها وعطيتها 20دينار استانست البنت بس بعد دقايق الرجعت ومعها امها وقالت لي اسف 20مايوفى بالطلب زودي انا اندهشت من الموقف وقلت واقسم بالله حبيتي هذا اللي عندى حاليا وحاولت انى اقنعها بالمبلغ بس هي موراضيه أاااااااخر شي اقتنعت وشكر لله ههههههههههههههه بجد الطراره أأأأأاخر زمن شكرآ ع الطرح |
الله يكون في العون في شهر رمضان بيزيد كثير التسول ولازم يكون في تشديد على كل من يتسول ويسلمو راعي الكماروا ويعطيك ألف عافية |
الف شكر لك اخوي خالد الهاجري على مرورك للموضوع زين تسوي فيها ودك والله مسلمها
لمكافحة التسول |
يعطيج العافيه بحرالرواسى على مرورج للموضوع هههههههههههههههههههه خوش والله
اجل اقتنعت كان اخذتي منها 200 دينار وقلتي لها يالله ديه ديه |
الله يسلمك اخوي الغالي القلب الحزين اي والله صادق
|
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
