منتدى الخليج - تعال أنثر هنا ليلك وخلّي ويلك يولعني , قصائد ولع

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

تعال أنثر هنا ليلك وخلّي ويلك يولعني , قصائد ولع

حبيبي نام يا عمري على صدري وصارحني
وفضّ الصّمت بإحساسك وخلّي الحبّ لي يجري

وفضفض لي يا بعد عمري وعاتبني وفهّمني
أنا أطري على بالك كثر ما إنت عليّ تطري

تعال قرّب من أحضاني ترى خدّك مواعدني
يبي يلامس شغف روحي ويقطف بوحي من شعري

تعال أنثر هنا ليلك وخلّي ويلك يولّعني
أنا أحبّك وأبي قربك، ترى منّي قضى صبري

أنا نبضك، زهر أرضك، وإنت إيه تملّكني
بنحل خصرك، جمر ثغرك، وزود بلونك الخمريّ

تتوّهني، تغرّقني، ومن بردك تدثّرني
وتبكي لي وتشكي لي وله قلبك ومن سحري

أبي دموعك مع أنفاسك بصدق الودّ تحرقني
وأبي عطرك مع سحرك وآهك بالحشا تسري

أبي همسك يبعثرني غلا ولمسك يلملمني
وأبي عيونك من عيوني تذوب من الولع كثري

وأبي عهدك مع وعدك وأبي كلّك تسلّمني
أبي إيدك تسافر بي وزهر قدّك يلحفني

وأهيم بعالمك عاشق جنوني إنت، وإنت بي تدري
تشوف الجمر بعيوني، تشوف الشّوق جننّي