منتدى الخليج - شفتها يسعود صدفه

شفتها يسعود صدفه بعد ما غابت سنين
عند قسم المختبـر وسط مشفى الجامعـه

جيتها ثم قلت ممكن في سؤالي تسمحين
ناظـرت فينـي بدهشه نظره متواضعـه

قالت انت تـحسبني من بنات صايعين
تـحسبني في زماني عن طريقي ضايعه

قلت انا ماراح أطـول كل ابوها كلمتين
وابعـدت عني شويه ثم جتنـي راجعـه

قالت اسأل واضح إنك من رجال طيبين
بس هرجك يالسنـافي كان وشهو دافعـه

قلت أنا حبيت وحده يوم كنا صغيرين
ومن ثمان سنيـن راحت للمواصل قاطعـه

عقبهـا ماذقـت نـوم يهتنيـه النايمين
ساهر في طول ليلي لين شـمسي طالعـه

أذكر إنه فيه حبه فـوق ثغـره من يمين
واذكر إنه لاجـرينا كـن شعـره تابعـه

واذكر انـه عاشـق الورد والياسمين
وصار قلبي بالـورود اللي عشقهـا زارعـه

قاطعتنـي بقولها سبحـان رب العالمين
كـررتـها مـره .. ومرتين .. ورابعه

قلت وشفيك وشبـلاك يبنيه ترجفين
ليش عينك يبنيـه من كلامـي دامعـه

قالت الموقف وقلبي والمحبه والحنين
كيف اشوفك بعد ماكنـت عنك قانعـه

قلت انا بسألك إن كانك انتـي تذكرين
عن مواثيـق ثـمنها من حياتـي دافعـه

قالت ظروف الزمان ما تطيـع العاشقين
بيعونـي غصب حبك لو هو ماني بايعـه

أنا في دنياي حالي كنهـا حال السجين
حتـى لو فكـوا سراحه فيه شيٍّ مانعـه

زوجوني غصب واحد وحرموني حاجتين
السعاده فـي زمانـي والحيـاه الرائعـه

والحين انا أم لثلاثه ريـم وياسمين
والولد اسمه على اسمك والمشاعـر جايعـه

http://www.halauae.com//uploads/imag...4eca52a579.gif

راقــت لــي