|
قصيدة عن المكياج
يـا صانـع المكيـاج الله يجـازيـك خليتني مخـدوع فـي شكـل خلـي الله يحـرق مصنعـك مـع مبانيـك والمعرض الموجـود في بيكاديلي ادعي عسى تعمى وتنشـل رجليـك هـذا دعائـي دوم لا جيـت اصلـي خليتني اركـض ورا البنت هاذيـك واشوفها اجمل غـرام ٍ حصـل لـي قلبي عشقها يا(جيفنشي) توماتيك وان شافها قلبـي يرحـب يهلـي هي رحبت بـي وقالـت الله يحييـك وقالت هلا باللي عشق زيـن شكلـي وقالت انا اجمل بنت في اللي حواليك شف حسني الاخاذ وروجي العسلّـي طالعتها ثـم قلـت هالقلـب يبغيـك ومن شاف حسنك خلى غيرك يولـي ابغي اشوفـك دون مكيـاج يكسيـك وابغـي اشوفـك بالجمـال المحلـي قالت تبينـي افـرك الوجـه تفريـك واشيل هالبـودر وروجـي وكحلـي قلت أي نعم قومي عسى الروح تفديك ابغـي جمالـك هالطبيعـي يهـلّـي قالت دقايق راجعـه لـك واراويـك ذاك الجمـال اللـي لعينـك يسـلّـي ويوم رجعت لي شربكتني الشرابيـك وحسيت الارض تدور وانـا بمحلـي الخد كنه يا(جيفنشـي) سيراميـك والوجه شارع مثـل شـارع حولـي الوجـه كنـه بيـت كلـه شبابيـك من هالحفر في وجهها اللـي يعلّـي كلـه سبـب مكياجـك الله يجازيـك خليتني مخـدوع فـي شكـل خلـي ونصيحتي لكل شاب من غير تشكيك لا لا اتسـرع ثـم تنغـش مثـلـي اللـي بـلا مكيـاج خلهـا حواليـك واللـي تحـط مكيـاج خلهـا تولـي |
خليتني اركـض ورا البنت هاذيـك
واشوفها اجمل غـرام ٍ حصـل لـي قلبي عشقها يا(جيفنشي) توماتيك وان شافها قلبـي يرحـب يهلـي --------------- خليتني مخـدوع فـي شكـل خلـي ونصيحتي لكل شاب من غير تشكيك لا لا اتسـرع ثـم تنغـش مثـلـي اللـي بـلا مكيـاج خلهـا حواليـك واللـي تحـط مكيـاج خلهـا تولـي --------------- صح لسان قايلها ومشكوره أختي شوق على هذا النقل ويعطيكي ألف عافية |
مشكوره اختي على الطرح الجميل الرائع
وانشاء الله انشوف كل جديد الله يعطيج العافيه |
خخخخخخخخخخخ
يسلموووو شمايل على الموضوع |
صح الله يمناك وصح الله بدنك على هذا النقل الرائع والصريح بطرحه شوق الله يستر عليك يارب |
تسلمين على القصيده لاهنتي
|
ولكموووو
|
|
|
جميع الحقوق محفوظة لـ منتدى الخليج - © Kleej.com
( 2007 - 2024 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
