منتدى الخليج - يمكن سكوتي يوهمك .. بإبتهاجي

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - يمكن سكوتي يوهمك .. بإبتهاجي (https://kleej.com/vb/showthread.php?t=101612)

يمكن سكوتي يوهمك .. بإبتهاجي

يـا الليل هـوّن غـرْبة الـروح فـيني
وأسْدل ستاير ضحـْـكتي وإبـْـتهاجي

مجْبوره أضْحك لجْـل أداري حنيني
وأخـْـفي معاناتي بْـفـلــّـة حـجــاجي

كـنـّي أسدّد للـْمخاليق ديـنـي
يوم العـطا فـيني يفــوْق إحـْـتياجـي

مـالي مـكـان وْلآ وطـن يحـْـتوينـي
والكل في عيني لهـم برج عـــاجي

أسْـهـر عـلى راحـة بشر مـا تبيني
واللـي يبـونـي مـا بـديـهم عـلاجـي

الحــال مـرْبك بين نــاسي وْ بينـي
وياليت قلبي حسْب رغـْبة مـزاجي

ماكنت أجامل وأخـْفي دموع عيني
ملــّيت أداري ضيقتي وإنـْزعاجي

يا نـــاس راحت في ذراكم سنيني
مـاعاد تجْدي ثورتي وإحـْـتجـاجي

بسْكت وأهدّي(ثورة البـوح)فـيني
يمْـكن سكوتي يوْهمك بإبـْـتهاجي