نخلط البيض مع السكر و الزيت والفانيليا و ننخل الدقيق مع البيكنغ بودر والقرفه نضعه مع البيض
وبعدين نضع التمر المهروس والجوز بصينيه مبطنه بورق زبده
وبعدها نضع عالوجه التمر الباقي
وندخلها الفرن لما تنضج ويتحمر الوجه
وقتها نسوي التوفي نحرق السكر وبعدها نضيف القشطه بالتدريج عشان ما يتكتل
ونضعها عالكيكه ونزينها بالجوز وبالعافيه
كيكة الأوريو
كيك بيتي كروكر بالشوكولا نسويه بطبق متحرك القاعده ونخليه ع جنب
الحشوه
كيس دريم ويب
+
نص كوب حليب بارد نخفقه لحد ما يتكثف و نضيف له القشطه والفانيلا و 2 بسكويت أوريو نكسره ونحركه معهم
التغطيه
12 حبه جبن كيري + علبة حليب محلى
نرجع للكيكه بعد ما بردت نقطعها من النص ونضع إشاره بمكان عشان لو حركتيها تصير مضبوطه
نضع الحشوه ثم الطبقه الثانيه من الكيك ثم التغطيه
ونتركها بالفريزر لما تتماسك
وبعدين تتزين باللي تحبون
بف باستري بالشعريه
عجينه البف باستري الجاهزه
جبن كيري
شعريه باكستانيه ( نقلبها مع زبده ) أو كنافه نفس الطعم
صفار بيضه
حليب محلى
نقطع العجينه 4 مربعات
وبكل مربع نضع جبن وشعريه نخليها على شكل خط من الزويه للزاويه
و ناخذ الزاويتين الحرتين ونسكرهم
ونمسح الوجه بالبيض
وندخله الفرن لما يستوي
نسقيه بحليب محلى
خلية النحل
العجينه
فنجان سكر
2 ملعقة أكل خميره فوريه
كاس ونص ماء دافي
نص كاس لبن
ذرة ملح
فنجان حليب بودره
2 كاس دقيق
نخلطهم كلهم سوا ونخليها 10 دقايق تتخمر
بعد العشر دقايق نضيف لها
3 كاسات دقيق / نصف كاس زيت
ونعجنها ونستخدمها
ناخذ كور صغار منها ونحشيها بجبن كيري ونصفها عند بعض
وندهن الوجه ببيض ونرشه بسمسم
وندخله الفرن
وقتها نسوي الشيره " القطر "
4 كاس سكر
2 كاس ماء
هيل وزعفران
ونقاط عصير ليمونه
نضع السكر والماء والهيل على النار حتى يذوب ويغلي ... وبعد غليانها بخمس دقايق
نضع عليها الليمون ...
لأن الليمون ما يخلي السكر يتكتل فيها والزعفران
لما نطلّع الخليه من الفرن نشربها بشوي قطر
دونات بالكاسترد
نفس العجينه اللي فوق ناخذ جزء منها ونقطعه دوائر بسمك ما نخليها سميكه ولا مره ضعيفه
بدون ما نسوي دائره بالنص
ونقليها
وتسوون الحشوه اللي تحبونها
الحشوه هنا كاسترد بالإبره الخاصه بالحلويات
ثم نغمسها بصوص الشوكولا ( نوتيلا + قشطه + زبده + كاكاو بودره ) على حمام مائي
وهنا الدونات بدون حشوه
بان كيك بالجالكسي
فنجان سكر
فنجان زيت
3 بيضات
كاس حليب سائل
كاس ونص دقيق
م/ص فانيليا
م/ك بيكينغ بودر
نخلطهم مع بعض بتكون عجينه سايله
نجهز آلة البان كيك ونضع كميه بكل دائره بعد ما ندهنها بشوي زبده
الصوص
3 جالكسي ( ممكن اللي بالبندق ) + علبة قشطه + ربع إصبع زبده + ملعقة كاكاو بودره على حمام مائي
بصحن التقديم نضع 3 أو 4 فوق بعض ونصب عليها الصوص
آيس كريم الأوريو
4 صفار بيضات + نص كاس سكر نخفقهم سوا ونخليهم ع جنب
2 كاس كريمة خفق + كاس حليب سايل + فانيليا
على نار هااااديه لحد ما نشوف الفقاعات الصغيره ع الجوانب
نصب شوي من الكريمه بالتدريج على البيض وتخلط بسرعه عشان ما يستوي البيض
ثم نرجع ونضع خليط البيض والكريمه على باقي الكريمه بالقدر ونخليها كم دقيقه على النار مع تحريك مستمر
ما نطول بس نحسه استوى نشيله
ونخليه بالثلاجه لحد ما يبرد
بهالمرحله ممكن نحط له أي نكهه
ع طول على آلة الآيس كريم طبعاً نكون مجهزينها قبل
ونضع الخليط لمدة 20 دقيقه
بعدها نضع عليه بكسويت أوريو + دايجستف مكسر ويتم التحريك على خفيف و شوي بالفريز
وبعدها يكون جاهز
صحتين وهنا على قلوبكم
